नेकपा एमाले पर्वतको अध्यक्षमा गोविन्द पहाडी निर्वाचित भएका छन् ।

निकटतम् प्रतिद्वन्द्धी पदमपाणि शर्मालाई १ सय २१ मतले पराजित गर्दै पहाडी विजयी बनेका हुन् ।

पहाडीले दुई सय ४८ मत प्राप्त गर्दा शर्माले एक सय २७ मत मात्र प्राप्त गरेका थिए ।

त्यसैगरी, उपाध्यक्षमा विमल लामिछाने, सचिवमा सुवाचन्द्र पौडेल, उपसचिवमा चण्डीप्रसाद भुर्तेल र महिला उपसचिवमा विन्दु अधिकारी निर्वाचित बनेका छन् ।

सदस्यहरूमा अधिकांश पहाडी समूहका उम्मेदवार विजयी भएका छन् । पहाडीलाई कानून, न्याय, तथा संसदीय मामिलामन्त्री पदम गिरीको समर्थन थियो ।

अन्य पदमा सर्वसम्मत भए पनि २७ पदमा निर्वाचन भएको थियो ।

सहमतिको प्रयास असफल भएपछि अन्ततः मतदान प्रक्रियामार्फत नेतृत्व चयन गरिएको हो ।