मंसिर १५, २०८०
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
इलाम | बैशाख ९, २०८१
इलाम क्षेत्र नम्बर २ मा यही वैशाख १५ मा हुन गइरहेको उपनिर्वाचनको प्रचारप्रसारमा शीर्ष नेताहरूको खटाइ देख्दा लाग्छ उनीहरू आउँदाे २०८४ मा गठबन्धन नगरी एक्लै चुनाव लड्ने सन्देश दिइरहेका छन् । यस निर्वाचनमा आफ्नो दललाई जिताएर उनीहरू ‘मिसन–८४’ को शुरूवात गरिरहेको लख काट्न गाह्रो छैन ।
छोटो समयमा ह्वात्तै उदाएको राष्ट्रिय स्वतन्त्र पार्टी (रास्वपा)देखि नेकपा (एमाले)सम्मले यसअघि नै मिसन–८४ घोषणा गरिसकेका थिए । गठबन्धन टुटेपछि नेपाली कांग्रेसलाई पनि अब मिसन– ८४ को मुद्दा बोक्नुको विकल्प छैन ।
मुख्यतः इलाम–२ मा ४ जना उम्मेदवारबीच प्रतिस्पर्धा हुने आकलन गरिएको छ । एमाले र माओवादी केन्द्रका साझा उम्मेदवार बनेका सुहाङ नेम्वाङ, कांग्रेसका डम्बर खड्का, रास्वपाका मिलन लिम्बू र स्वतन्त्र उम्मेदवार डकेन्द्रसिंह थेगिमबीच प्रतिस्पर्धा हुने अनुमान गरिएको छ ।
इलामको चुनाव जिते मिसन–८४ मा सफल हुने उद्देश्यका साथ प्रमुख दलहरूका शीर्ष नेता इलाम–२ मा खटिएको आफूले महशुस गरेको इलाम बहुमुखी क्याम्पसका सहप्राध्यापक दीपेन्द्र दुलाल बताउँछन् ।
इलाम–२ विगतमा एमालेले जित्दै आएको क्षेत्र हो । यस क्षेत्रमा पुनः चुनाव जितेर आफ्ना स्वर्गीय उपाध्यक्ष सुवास नेम्वाङको ‘ब्रान्ड’लाई कायम राख्ने रणनीतिमा एमाले छ । अर्कोतिर कांग्रेस पनि यसपटक जसरी भएपनि एमालेको वर्चश्व तोड्ने मनस्थितिमा देखिन्छ ।
यसअघि माओवादीसहितको गठबन्धनबाट चुनाव लडेको कांग्रेस यो पटक इलाम–२ को उपनिर्वाचनमा एक्लै चुनाव जित्न सकिने सन्देश दिनका लागि खटेको छ । उसले मत सर्वेक्षण गर्नेदेखि लिएर अन्य गतिविधिका लागि आफ्ना सबै जनशक्ति परिचालन गरिरहेको छ । हिजो गठबन्धनको विरोध गर्दै आएका इतर समूहका नेताहरू अहिले संस्थापन पक्षबाट उम्मेदवार बनेका डम्बर खड्कालाई जिताउन लागिपरेका छन् । डा शेखर कोइराला, गगन थापा लगायतका नेताहरू सक्रिय रहेका हुन् ।
खड्कालाई चुनाव जिताएर उनीहरू एक्लै पनि कांग्रेस सक्षम छ भनेर देखाउन चाहन्छन् ।
एमालेले पनि आफ्नो विरासत धान्न इलाम–२ मा जसरी भएपनि जित्ने र मिसन–८४ को आधार तयार गर्ने योजनामा देखिन्छ । यसका लागि उसले स्व नेता नेम्वाङका छोरा सुहाङलाई उम्मेदवार अघि सारेको छ । उनलाई माओवादी केन्द्रले पनि साथ दिएको छ ।
इलाम गएर एमाले अध्यक्ष केपी शर्मा ओलीले ८४ मा एकल बहुमत ल्याउने दाबीसमेत गरेका थिए ।
अर्कोतिर रास्वपा पनि इलाम–२ को उपनिर्वाचन जितेर मिसन–८४ मा ठूला दललाई चुनौती दिनसक्ने सन्देश दिन चाहिरहेको छ । रास्वपा तनहुँमा जस्तै यस क्षेत्रमा पनि ‘सरप्राइज’ दिने लक्ष्यमा छ । यसका लागि उसले युवा उम्मेदवार मिलन लिम्बूलाई अघि सारेको छ । अहिले इलाममा रास्वपाले केन्द्रको सबै शक्ति लगाइरहेको छ । सभापति रवि लामिछानेले चुनावी कार्यक्रमलाई सम्बोधन नगरिसकेका छन् भने रास्वपाका सबै सांसद तथा केन्द्रीय नेताहरू यही क्षेत्रमा डेरा जमाएर बसिरहेका छन् ।
कोशी प्रदेशको नामकरणपछि असन्तुष्ट बनेर आन्दोलनरत रहेको पहिचान पक्षधरले पनि आफ्नो छुट्टै उम्मेदवार उठाएका छन् । मुढा चुनाव चिन्ह लिएर ४१ वटा घटकको साझा उम्मेदवार बनेका थेगिम पहिचानको मुद्दा बलियो बनाउन जित्दै पर्ने दबाबमा छन् ।
सबैको ध्यान खिचेको इलाम–२ ले कस्तो परिणाम ल्याउला भनेर पर्खन अब १ हप्ता पर्खनु पर्नेछ । यही वैशाख १५ गते इलाम–२ मा उपनिर्वाचन हुँदैछ । यो उपनिर्वाचन पुराना र नयाँ दलहरूबीचको प्रतिस्पर्धासमेत बनेको छ ।
के छ विगतको अवस्था ?
गत निर्वाचनमा इलाम–२ मा मुख्य दुई दलबीच प्रतिस्पर्धा भएको थियो । २०७९ मा भएको निर्वाचनमा ३० हजार २० मत ल्याएर एमालेका सुवास नेम्वाङले विजयी भएका थिए । कांग्रेसका डम्बर खड्काले भने २९ हजार ६ मत ल्याएका थिए । उनी नेम्वाङसँग ११४ मतले मात्र पराजित भएका थिए । यसर्थ कांग्रेस यो पटक नजिजन उल्टिनेमा आशावादी देखिन्छ । तर त्यसबेला खड्कालाई माओवादी केन्द्र र नेकपा (एकीकृत समाजवादी)लगायत गठबन्धन दलले सहयोग गरेका थिए । अहिले दुवै दल कांग्रेसको साथमा छैनन् । यस्तोमा कांग्रेसलाई सहज भने छैन ।
यसअघि यस क्षेत्रमा एमालेको समानुपातिक मत २६ हजार ५६२ रहेको छ भने कांग्रेसको २२ हजार ३३३ रहेको छ । माओवादी केन्द्रको मत ५ हजार १५३ छ । यस्तै एकीकृत समाजवादीले ५८६ मत ल्याएको थियो । यसपटक उसका आफ्नै उम्मेदवार छन् ।
इलाम–२ मा चुलाचुली, माङ्सेबुङ, फाकफोकथुम गाउँपालिका तथा देउमाई, इलामका १–९, ११ र १२ र माई नगरपालिकाका ३ वटा वडा समेटिएका छन् ।
इलाम–२ मा पुरुष ५८ हजार ७८४ जना, महिला ५६ हजार ५५६ जना र अन्य २ जना गरी गरी १ लाख १५ हजार ३४२ जना मतदाता छन् । मतदानका लागि १४९ वटा मतदान केन्द्र र ७९ वटा मतदानस्थल रहने आयोगले जनाएको छ ।
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...