निर्वाचन आयोगले उपनिर्वाचन भएको इलाम प्रतिनिधिसभा क्षेत्र नम्बर २ र बझाङ प्रदेश सभा क्षेत्र नम्बर १ को मतगणना जारी रहेको जनाएको छ । मध्यरात १२ बजेसम्मको आधिकारिक तथ्यांकअनुसार इलाम २ मा एमालेका उम्मेदवार सुहाङ नेम्वाङले ४ हजार ४१३ मतका साथ अग्रता बनाइरहेका छन् ।

 यस्तै कांग्रेसका उम्मेदवार डम्बर बहादुर खड्काले ३ हजार २५८ मत ल्याउँदा स्वतन्त्र उम्मेदवार डकेन्द्र सिंह लिम्बुले ७८४ मत पाएका छन् । यस्तै रास्वपाका उम्मेदवार मिलन लिम्बुले ६४५ मत पाएका छन् । 

यस्तै बझाङ प्रदेशसभा १ मा एमालेका उम्मेदवार दमन भण्डारीले ४४६४ मत पाउँदा कांग्रेसका उम्मेदवार अभिषेक बहादुर सिंहले ४ हजार १०६ मत पाएका छन् । 

यस्तै माओवादी केन्द्रका जनक बुढाले २२२५ मत पाएका छन् भने नेकपा एकीकृत समाजवादीका दिलबहादुर सिंहले १४७१ मत पाएका छन् । 
हालसम्म इलाम २ मा ८ हजार ५२४ सदर मत गणना हुँदा बझाङमा १२ हजार ४८३ मतगणना भएको छ । 

मतगणनाको ट्रेन्ड हेर्दा निकै सुस्त देखिएको छ । यही गतिमा गणना अघि बढे अन्तिम नतिजा आउन समय लाग्ने देखिन्छ ।