इलाम २ मा महिला चुनाव चिन्ह लिएर उठेका स्वतन्त्र उम्मेदवार डाकप्रसाद गौतमले खातासमेत खोल्न सकेका छैनन् ।

सोमबार बिहानसम्म कुल २१ हजार ८१० सदर मत गणना सकिँदा उनले एक मत पनि ल्याउन सकेका छैनन् ।

संयोगवश इलाम २ मा उठेका १९ उम्मेदवारमध्ये एकजना पनि महिला छैनन् । गौतमले भने महिला चुनाव चिन्ह पाएका छन् । 

एमालेका सुहाङ नेम्वाङले ८ हजार ८९८ मतसहित अग्रता बढाइरहेका छन् ।

यसैगरी कांग्रेसका उम्मेदवार डम्बरबहादुर खड्काले ६ हजार २८० मत पाउँदा स्वतन्त्र उम्मेदवार डकेन्द्रसिंह थेगिम लिम्बूले ४ हजार ६३४ मत पाएका छन् । 

यस्तै चौथो स्थानमा रहेका रास्वपाका मिलन लिम्बूले १३०५ मत ल्याएका छन् । 

त्यस्तै एकीकृत समाजवादीका जीतबहादुर राईले २४० मत पाएको निर्वाचन आयोगले जनाएको छ । 

कसको कति ?