पेरिस सेन्ट जर्मेन (पीएसजी)ले फ्रेन्च लिग वानको जारी सिजनको उपाधि जितेको छ ।

आइतबार राति दोस्रो स्थानको मोनाको लियोनसँग ३–२ ले पराजित भएपछि शीर्ष स्थानको पीएसजीले १२ अंकको अग्रता बनाउँदै उपाधि जितेको हो ।

पीएसजीले पछिल्लो ११ वर्षमा १० औं पटक फ्रेन्च लिगको उपाधि उचालेको छ । क्लब इतिहासमा जितेको यो ५० औं उपाधि हो ।

पीएसजीले आधुनिक फ्रेन्च लिग वानको उपाधि जितेको भने १२ औं पटक हो । 

शनिबार राति ली हाब्रेसँग ३–३ को बराबरी खेलेपछि पीएसजीले लिग उपाधि जित्न अर्काे खेल कुनुपर्ने भएको थियो । तर, मोनाको पराजित भएसँगै उपाधि हात पारेको हो ।

स्पेनिस प्रशिक्षक लुइस इनरिकेको प्रशिक्षणमा रहेको पीएसजीले ३१ खेलबाट ७० अंक जोडेको छ । मोनाकोको समान खेलबाट ५८ अंक छ ।

अब, पीएसजीले अर्काे साता जर्मन क्लब बोरुसिया डर्टमन्डसँग च्याम्पियन्स लिगको सेमिफाइनलमा प्रतिस्पर्धा गर्दैछ ।