कात्तिक १८, २०८०
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
बुटवल | बैशाख २४, २०८१
सत्ता साझेदार नेकपा (एमाले)बाट प्रतिनिधित्व गर्ने लुम्बिनी प्रदेशसभा सदस्य डिल्लीराज भुसालले ८२ हजार ३८१ रूपैयाँ उपचार खर्च बुझेका छन् ।
गुल्मीको रेसुङ्गा नगरपालिकाको निवर्तमान मेयर समेत रहेका भुसाल प्रदेशसभाबाट सामान्य चेकजाँचको खर्च लिनुपर्ने स्थितिका भने होइनन् ।
राम्रो आर्थिक ‘स्टाटस’ भएका भुसालले लुम्बिनी प्रदेशसभामा ज्येष्ठ सदस्यको रूपमा सभामुखको भूमिका समेत निर्वाह गरेका थिए । आफ्नै घर र गाडी भएका भुसालले थोरै रकमका लागि समेत बिल पेस गरेर खर्चबापतको पैसा बुझेका हुन् ।
नेपाली कांग्रेसका सांसद अब्दुल रज्जा गद्दीले पनि उपचार खर्च लिएका छन् । पूर्व संघीय सरकारका खानेपानी राज्यमन्त्री समेत रहेका रूपन्देहीका सांसद गद्दीले प्रदेशसभाबाट २६ हजार ८२ रूपैयाँ उपचारको बिल पेस गरी बुझेका छन् । तराईको सम्पन्न परिवारका रूपमा चिनिने पूर्वमन्त्री समेत रहेका गद्दीले राज्यकोषबाट उपचार सुविधाबापत रकम लिएका हुन् ।
माओवादीबाट विद्रोह गरी पश्चिम नवलपरासीबाट निर्वाचित प्रदेशसभा सदस्य खड्ग बस्नेतले उपचार खर्चबापत प्रदेशसभाबाट ४ लाख १४ हजार ८५६ रूपैयाँ बुझेका छन् । बस्नेत अहिले पर्यटन, उद्योग तथा सहकारी मन्त्री छन् ।
कपिलवस्तुका एमाले सांसद गिरिधारीलाल न्यौपानेले ७२ हजार रुपैयाँ उपचार खर्च बुझेका छन् । माओवादी पृष्ठभूमिका न्यौपाने एमालेमा आएपछि समानुपातिक सांसद बनेका थिए । न्यौपाने लुम्बिनी प्रदेशसभाको विशेषाधिकार समितिका सभापति समेत हुन् । लुम्बिनी प्रदेशसभा सचिवालयका अनुसार चालू आर्थिक वर्षमा १५ जना सांसदले १२ हजारदेखि ४ लाख रुपैयाँसम्म उपचार खर्च बुझेका छन् ।
कति सांसदले लिए उपचार खर्च ?
विपन्न नागरिकले सरकारी अस्पतालबाट सरल तरिकाले स्वास्थ्य उपचार र औषधिसमेत पाउन नसकिरहेका बेला प्रदेशसभाका सदस्यहरूका लागि भने प्रदेशसभाले औषधि उपचारबापतको लाखौं रुपैयाँ खर्च व्यहोर्दै आएको छ ।
सांसदहरूले निजी अस्पतालमा गर्ने महंगो उपचारको भुक्तानी समेत राज्यले नै गर्दै आइरहेको छ । चालू आर्थिक वर्ष २०८०/०८१ को यो अवधिसम्म लुम्बिनी प्रदेशका १५ जना सांसदले उपचार खर्चबापत रकम बुझेका छन् ।
गिरीधारीलाल न्यौपानेले ७२ हजार १०, भोजप्रसाद श्रेष्ठले १७ हजार ६५५, गीता गुरुङले ८२ हजार ४८२, रेखाकुमारी शर्माले २१ हजार १७४, धनलक्ष्मी श्रेष्ठले १ लाख ९१ हजार ९४९ रुपैयाँ बुझेका छन् ।
त्यस्तैगरी, यामबहादुर नेपालीले ६९ हजार ६००, सरिता पुनले ५४ हजार ८३५, मीनाकुमार श्रेष्ठले ४१ हजार २२६, अब्दुल रज्जा गद्दीले २६ हजार ८२, खड्ग बस्नेतले ४ लाख १४ हजार ८५६, शान्ति लोधले १२ हजार ४११, तुलसीप्रसाद चौधरीले ४० हजार २७६, निर्मलादेवी चौधरीले ३३ हजार ५८७, डिल्लीराज भुसालले ८२ हजार ३२१ र अम्बिका काफ्लेले ८७ हजार ३८७ रूपैयाँ उपचार खर्च बुझेका प्रदेशसभाका सूचना अधिकारी सम्झना सुवेदीले जानकारी दिइन् ।
लुम्बिनी प्रदेशसभामा ८७ सांसद छन् । अहिले एकजना निलम्बित छन् ।
महंगा अस्पतालमा उपचार गरेर बिल पेस गर्नु अनुचित
प्रदेशसभाका सदस्यहरूको सामान्य उपचार खर्चका सन्दर्भमा प्रदेशसभाले कानून बनाए पनि जथाभावी बिल पेस गरी पैसा लिन नमिल्ने अधिकारकर्मी र सुशासनको क्षेत्रमा काम गर्नेहरू बताउँछन् ।
मानव अधिकार तथा शान्ति समाजका निवर्तमान केन्द्रीय अध्यक्ष तथा अधिकारकर्मी गोविन्द खनालले नैतिकताको राजनीति क्रमशः कमजोर हुँदै सुविधाभोग गर्ने चिन्तनतर्फ केन्द्रित भएको बताए ।
‘नेताहरूमा सेवामुखी भाव र त्यागी स्वभाव हराउँदै गएको छ,’ खनालले लोकान्तरसँग भने, ‘राजनीति सुविधा भोग गर्न र कमाउनका लागि हो भन्ने सिद्धान्त स्थापित हुँदै गएको छ, जसका कारण राजनीतिप्रति जनताको मोह घट्दो छ । दलहरू कमजोर हुँदै गएका छन् । नयाँको खोजी शुरू भएको छ, जसका कारण लोकतन्त्र पनि कमजोर हुँदै गएको छ ।’
उनले थपे, ‘गणेशमान सिंह, महात्मा गान्धीजस्ता नेता बन्नुपर्छ भन्ने हाम्रो राजनीतिक दलहरूमा चेत कहिल्यै पनि खुलेन । सुविधाभन्दा नैतिकता माथि हो भन्ने कुराको चेत नेताहरूमा आउनुपर्छ ।’
सांसदहरूले सुगर, प्रेसर, दाँत भरेको, ग्यास्ट्रिक जाँचको पनि बिल पेस गरेर सुविधा लिएको सचिवालयका कर्मचारीहरू बताउँछन् ।
सामान्य चेकजाँच गरेका चिकित्सकको प्रेस्क्रिप्सनका आधारमा समेत उपचार कोषबाट रकम दिँदै आइएको छ । प्रक्रियासहित आएको निवेदनअनुसार भुक्तानी पाउँछन् ।
वरिष्ठ चिकित्सकको प्रेस्क्रिप्सन, औषधि, मेडिकल जाँचको रिपोर्ट र बिलसहित सचिवालयमा निवेदन पेस भएपछि उपचार कोषबाट रकम पाइने व्यवस्था छ । प्रदेशसभाले बनाएको कार्यविधि अनुसार १ जना सांसदले उपचारबापत एक आर्थिक वर्षमा ५ लाख रूपैयाँसम्म उपचार कोषबाट रकम लिन पाउने व्यवस्था छ ।
सुविधा दोहन गरिरहने बढ्दो मनोवृत्ति
प्रदेशसभा सचिवालयका वरिष्ठ लेखा अधिकृत खिमबहादुर सुवेदीले औषधि उपचारबापतको रकम बिलभर्पाइ अध्ययन गरेर उपलब्ध गराइएको बताए । ‘सुवेदीले चेकजाँचको विवरण, चिकित्सकको प्रेस्क्रिप्सन र औषधिको बिल हेरेर उपलब्ध गराइन्छ,’ सुवेदीले भने ।
प्रदेशसभाले सांसदहरूको उपचार खर्च हरेक वर्ष बढाउनुपर्ने अवस्था देखिँदै आएको छ । प्रदेशसभा हरेक सांसदलाई अहिले उपलब्ध गराउँदै आएको उपचार खर्च बढाउने तयारीमा समेत लागेको बताइएको छ । नेताहरूलाई उपचार खर्च दिने कुराको आलोचना भइरहेको छ । उपचारमा राज्यको ढुकुटीबाटै खर्च बेहोरिन्छ । यसबाहेक तलबभत्तादेखि बैठकका लागि पनि ठूलै स्रोतसाधन खर्च हुन्छ ।
राज्य संयन्त्रमा गएपछि राज्यबाट पाइने हरेक सुविधा दोहन गर्ने मनोवृत्ति सांसदहरूमा देखिएको नेपाल सरकारका पूर्व सचिव डा. मानबहादुर बीके बताउँछन् ।
‘पछिल्ला सबैजसो प्रदेशसभाका गतिविधि हेर्दा सबैभन्दा बढी आर्थिक हिनामिना, इन्धनको दुरुपयोग, उपचार खर्चमा अचाक्ली खर्चजस्ता गतिविधि भएका देखिन्छन्,’ डा. बीकेले लोकान्तरसँग भने, ‘सांसदहरूमा नैतिकता र सही आचरण देखिँदैन । राज्यबाट प्रदान गरिएको स्वास्थ्य बीमातर्फ सांसदहरूको ध्यान गएको देखिँदैन । तर, हाताहाती नगद पाइनेमा ध्यान दिएको देखिन्छ । वित्तीय अनुशासन कायम गर्नुको सट्टा सुविधा भोग गर्न दत्तचित्त छन् । वैकल्पिक व्यवस्था प्रयोगमा ध्यान दिँदैनन् । यो राम्रो भएको छैन । सुशासनका लागि यस्ता सुविधा घातकसिद्ध हुन्छन् ।’
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...