उपप्रधान एवं स्वास्थ्यमन्त्री समेत रहेका अध्यक्ष उपेन्द्र यादव विदेश भ्रमणमा रहेका बेला सत्ता साझेदार जनता समाजवादी पार्टी (जसपा) नेपाल विभाजन भएको छ ।

अशोक राईको नेतृत्वमा नयाँ दल दर्ताका लागि सांसदहरू निर्वाचन आयोग पुगेका हुन् । पार्टीको नाम जसपा र चुनाव चिह्न मुठ्ठी राख्ने गरी उनीहरूले निवेदन दिएका छन् ।

पार्टी विभाजनका लागि सरकारका बहालवाला मन्त्री नवलकिशोर साह सुडी समेत निर्वाचन आयोग पुगेका छन् । सप्तरीबाट निर्वाचित सांसद सुडी सरकारका बहालवाला वन तथा वातावरण मन्त्री छन् ।

विद्रोही सांसदहरूमा प्रस्तावित अध्यक्ष राईका अलावा वीरेन्द्र महतो, प्रदीप यादव, नवलकिशोर साह सुडी (हाल वनमन्त्री), सुशीला श्रेष्ठ, हसिना खानुत र रञ्जु ठाकुर छन् ।