कात्तिक २२, २०८०
नेपालले एसीसी यू–१९ एसिया कपमा बलिया टोली भारत, पाकिस्तान र अफगानिस्तानजस्ता बलिया प्रतिद्वन्द्वी पाएको छ । एसियन क्रिकेट परिषद् (एसीसी)ले बुधवार सार्वजनिक गरेको तालिकाअनुसार समूह ‘ए’म...
काठमाडौं, २४ माघ- नेपाली राष्ट्रिय क्रिकेट टोलीका लागि निकै नै महत्त्वपूर्ण प्रतियोगिता आईसीसी विश्व क्रिकेट लिग ‘डिभिजन– टू’ बिहीवारबाट नामिबियामा शुरु हुँदैछ । दुईवर्षसम्म चलेको लिग च्याम्पियनसिपमा शीर्ष ४ मा पर्न नसकेपछि नेपाल ‘डिभिजन टू’मा घटुवा भएको हो ।
प्रतियोगिताको उद्घाटन खेलमा नेपालले बिहीवार आयोजक नामिबियाको सामना गर्नेछ ।
नामिबिया पनि लिग च्याम्पियनसिपबाट घटुवामा परेको टोली हो । सन २०१५ देखि २०१७ सम्म चलेको प्रतियोगितामा नामिबिया अन्तिम र नेपाल सातौं स्थानमा रहँदै घटुवा भएका थिए ।
प्रतियोगितामा नेपाल र नामिबियासँगै घटुवामा परेका केन्या र युएई पनि सहभागी छन् । यस्तै क्यानडा र ओमानले पनि प्रतिस्पर्धा गर्दैछन् ।
यस प्रतियोगिताका शीर्ष दुई टोलीले विश्वकप क्रिकेट प्रतियोगिताको छनोट खेल्ने अवसर पाउने छन् । अन्तिम २ टोली 'डिभिजन थ्री'मा घटुवा हुनेछन् ।
कुन–कुन टिमले खेल्छन् विश्वकप छनोट ?
आगामी मार्चमा जिम्मावेमा हुने प्रतियोगितामा १० टोलीले सहभागिता जनाउने छन् । जसमा आईसीसी ओडीआई च्याम्पियन्सिपका अन्तिम ४ टोली (वेस्टइण्डिज, अफगानिस्तान, जिम्मावे र आयरल्याण्ड), लिग च्याम्पियन्सिपका शीर्ष ४ टोली (नेदरल्याण्ड, स्कटल्याण्ड, हङकङ र पपुवान्युगिनी) तथा लिग ‘डिभिजन टू’का शीर्ष २ टोली सहभागी हुनेछन् ।
शीर्ष २ मा पर्ने नेपालको सम्भावना कति ?
प्रतियोगितामा सहभागी टोली र उनीहरूको पछिल्लो नतिजा हेर्ने हो भने प्रतियोगिता प्रतिस्पर्धात्मक हुने देखिन्छ । युएई र केन्या नेपालका लागि ठूला चुनौती हुन् । आयोजक नामिबिया पनि चूनौतीपूर्ण नै हुने देखिन्छ । त्यसो त नेपाल पनि कमजोर टोली भने होइन ।
झण्डै २ वर्षअघि कीर्तिपुरमा भएको दुवै खेलमा नेपालले नामिबियालाई पराजित गरेको थियो । केन्याविरुद्ध १ जीत र १ हार ब्यहोरेको नेपाल युएईसँग भने उसकै घरेलु मैदानमा निरास बन्न पुग्यो ।
यस्तै क्यानडा र ओमान ‘डिभिजन थ्री’बाट बढुवा भएका हुन् । यी दुई टोलीलाई पनि कमजोर आंक्न सकिने सकिने अवस्था छैन ।
नेपाली टोलीको समस्या ब्याटिङमा
नेपालले आफ्ना अन्तर्राष्ट्रिय प्रतिस्पर्धाहरूमा ब्याटिङमा पटक–पटक संघर्ष गर्ने गरेको छ । त्यसमा पनि प्रारम्भिक ब्याट्सम्यानमा लामो समयदेखि भर पर्न सकिरहेको छैन ।
यसबीचमा धेरै ‘कम्बिनेसन’ परिवर्तन भइसकेको छ । पछिल्लो २ वर्षयता नेपालका लागि पारीको शुरुवात गर्दै आएका उपकप्तान ज्ञानेन्द्र मल्लका सम्भावित जोडी यसपटक दिलिप नाथ हुन् ।
विकेटकिपर ब्याट्सम्यान दिलिपको फर्म सामान्य नै छ । अन्तर्राष्ट्रिय खेलमा अनभुवको कमीका कारण दिलिपलाई केही चुनौती हुनसक्छ । निकै अनुभवी ब्याट्सम्यान मल्लले पारीको नेतृत्व गरेर दिलिपलाई क्रिजमा टिक्न केही समय दिएको खण्डमा दिलिपले निकै राम्रो गर्न सक्छन् ।
नामिबिया प्रस्थान गर्नुअघि युएईमा खेलेको अभ्यास खेलमा यी दुवैले सन्तोषजनक प्रदर्शन गरेका थिए । जसमा मल्लको शतकसमेत सामेल छ ।
आशा लाग्दा दीपेन्द्र
मध्यक्रम र फिनिसिङमा निकै उत्कृष्ट प्रदर्शन गर्दै आएका दीपेन्द्रसिंह ऐरी नेपाली टोलीका लागि आशाका किरण हुन् ।
त्यसो त टोलीमा कप्तान पारस खड्का, शरद भेसवाकारजस्ता अनुभवी व्याट्सम्यान पनि छन् ।
तर पारस, शरद, ज्ञानेन्द्रले आशातित प्रदर्शन गर्न नसक्दा पनि दीपेन्द्रले राम्रो खेलिरहेका छन् । त्यसैले दीपेन्द्र यो प्रतियोगितामा पनि नेपालीका लागि निकै महत्त्वपूर्ण खेलाडी हुन् । आरिफ शेख पनि आशा गरिएका खेलाडीमा पर्छन् ।
पारस, शरद र ज्ञानेन्द्रले आफ्नो अनुभवको सदुपयोग गर्ने र दीपेन्द्र, दिलिप तथा आरिफजस्ता खेलाडीले आफ्नो क्षमता देखाउन सक्ने हो भने नेपालले ब्याटिङमा सम्झनलायक प्रदर्शन गर्नसक्छ ।
औसतभन्दा राम्रो बलिङ
नेपालको बलिङ सधैं औसतभन्दा राम्रो नै छ । नेपालले प्राप्त गर्ने प्रायः सफलतामा बलिङको निर्णायक भूमिका रहने गरेको छ । वसन्त रेग्मी, शक्ति गौचन, सोमपाल कामीजस्ता अनुभवी र सन्दीप लामिछानेजस्ता नवप्रतिभा नेपाली बलिङका मेरुदण्ड हुन् ।
ललितसिंह भण्डारी तथा करण केसी पनि अवसर पाएमा नेपालका लागि उपयोगी सावित हुन सक्छन् ।
जिते अवसर नै अवसर, हार्दा ४ वर्ष ‘अन्धकार’
नेपाली टोलीका लागि यो प्रतियोगिता निकै नै महत्त्वपूर्ण छ । यो प्रतियोगिताको शीर्ष २ मा पर्न सके लिग च्याम्पियनसिपबाट गुमाएको विश्वकप छनोट खेल्ने अवसर मात्र प्राप्त गर्ने छैन, आगामी लिग च्याम्पियनसिप सहित आईसीसीका धेरै प्रतियोगितामा सहभागी हुने अवसर पाउनसक्छ ।
शीर्ष २ मा पर्न नसके झण्डै ४ वर्ष नेपाली क्रिकेट जहाँको तहिँ रहने छ ।
नेपालले एसीसी यू–१९ एसिया कपमा बलिया टोली भारत, पाकिस्तान र अफगानिस्तानजस्ता बलिया प्रतिद्वन्द्वी पाएको छ । एसियन क्रिकेट परिषद् (एसीसी)ले बुधवार सार्वजनिक गरेको तालिकाअनुसार समूह ‘ए’म...
चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...
इन्डियन प्रिमियर लिग (आईपीएल)मा कोलकाता नाइट राइडर्सले लखनउ सुपर जायन्ट्सविरुद्ध शानदार जीत हासिल गरेको छ । आइतबार राति सम्पन्न खेलमा केकेआरले लखनउलाई ९८ रनले हराएको हो । जितसँगै केकेआर अंक तालिका...
खेल र पर्यटन क्षेत्रलाई सँगसँगै अगाडि बढाउन सोलुखुम्बुको माप्य दूधकोशी गाउँपालिका–५ स्थित महभिरमा अन्तर्राष्ट्रियस्तरको ‘रक क्लाइम्बिङ’ प्रतियोगिता हुने भएको छ । साहसिक खेल ‘रक क्...
इंडियन प्रिमियर लिग (आईपीएल)क्रिकेटमा लखनऊ सुपर जाएन्ट्स दिल्ली क्यापिटल्ससँग पराजित भएको छ । दिल्लीको घरेलु मैदानमा सोमबार राति सम्पन्न खेलमा दिल्ली १९ रनले विजयी भएको हो । दिल्लीले दिएको २०९ रनको लक्ष्य पछ्य...
कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...