माघ २५, २०८०
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
आज विश्व प्रेस स्वतन्त्रता दिवस । संयुक्त राष्ट्रसंघका महासचिव एन्टोनियो गुटेरस्को यस अवसरको सन्देशमा सदस्य-राष्ट्रका सरकारहरूलाई प्रेस स्वतन्त्रता मजबुत पार्न आह्वान गरेको बेहोरा परेको छ । पत्रकारहरूको सुरक्षा यस सन्दर्भको उहाँको अर्को चासो रहेको देखिन्छ ।
सोमवार बिहान काबुलमा भएको त्यस दिनको दोस्रो आत्मघाती विस्फोटनमा मारिनेमा नौजना पत्रकार परेको घटनाको पृष्ठभूमिमा विश्वसंस्थाको चिन्ता स्वाभाविक छ । पहिलो विस्फोटनको क्षतिबारे समाचार सङ्कलन गर्न हिंडेका पत्रकारहरूलाई नै लक्ष्य गरेर आतङ्ककारीले विस्फोटन गराएको जानकारी संसारभर प्रवाहित भएको थियो । प्रेस प्रतिनिधिहरूको लागि अफगानिस्तान जोखिमको कार्यक्षेत्र भएकोमा सन्देह छैन । तर पत्रकार असुरक्षित रहेका देशमा अफगानिस्तान मात्र पर्दैन । सन् २०१७ का आँकडाहरू यस प्रसङ्गका प्रमाण हुन् ।
मे महिनाको ३ तारिखलाई प्रेस स्वतन्त्रता दिवसको रूपमा मनाउन चौथाई शताब्दी भैसकेछ । तर यस अवधिमा विकसित र कम विकसित दुबैतिरका देशहरूमा पत्रकारहरूले सामना गरेका जोखिम पहिलेको तुलनामा बढेको देखापर्छ । मानव बेचबिखन, लागू पदार्थको ओसारपसार, साना हतियारको व्यापार लगायतका अवैध कार्यहरू बढेका छन्; भ्रष्टाचारका काण्डहरूको संख्या सर्वत्र थपिंदै छन् । यस्ता दुष्कार्य र दुष्प्रवृत्तिहरू रोक्न जनमत परिचालन होओस् भनी ती गलत कार्यको भण्डाफोर गराउँदा प्रेस प्रतिनिधिहरू नै खतरामा परेका छन् ।
सभ्य भनिने कतिपय देशले समेत पत्रकारलाई आफ्नो काम निर्वाध गर्न नदिन घुमाउरो तरीकाले कठोर नीति नियमहरू अवलम्बन गरेको पाइन्छ । यस्ता कार्यले पत्रकारलाई सशंकित तुल्याउँछ र जनहितमा लेखिनु, बताइनु पर्ने जानकारीहरू अँध्यारो कोठामा थन्किन पुगेका छन् । तसर्थ यस्तो अवस्थामा तुरुन्त सुधार गर्ने आह्वान प्रेसजगत्बाट आउनु सर्वथा स्वाभाविक छ ।
विचार र अभिव्यक्ति समेतका नागरिक अधिकार अन्तर्गत सूचनाको हकलाई प्रचलित गराउने दायित्व बोकेको प्रेसका प्रतिनिधिहरूले आफ्नो कार्यक्षेत्र र कार्यशैलीलाई सकेसम्म पारदर्शी र सन्तुलित राख्नुपर्ने हुन्छ । अर्को शब्दमा, पत्रकार स्वतन्त्र भएर पुग्दैन ऊ जिम्मेवार समेत हुनु आवश्यक छ । तथ्यको ठाउँ कथ्यले लिने स्थिति आउन दिनुहुँदैन । आग्रह पूर्वाग्रह झल्किने काममा पत्रकार संलग्न भएको कुनै समाजले पनि रुचाउँदैन । त्यसकारण पत्रकारितामा पसेर जनसेवा गर्ने मनसुवा लिएका युवक-युवतीले शिक्षा र तालीमका अवसर उपयोग गरेर आफूलाई योग्य र तत्पर बनाइराख्नुपर्छ । निरन्तरको अभ्यासले दक्षता वृद्धि गराउँछ ।
‘लोकान्तर’ आफ्नो यस मान्यतालाई आज फेरि पाठकसमक्ष पेश गर्दछ ।
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
संविधानले प्रत्याभूत गरेको अभिव्यक्ति र प्रेस स्वतन्त्रता खण्डित गर्नेगरी गृह मन्त्रालयले मंगलबार जारी गरेको परिपत्रले राज्यप्रति आशंका उब्जाएको छ । अनलाइन सञ्चार माध्यममा प्रकाशित समाचारको नियन्त्रण प्रमुख...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...