मंसिर ८, २०८०
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
काठमाडौं –गत जेठ ३ गते राष्ट्रिय सभागृहमा तत्कालीन नेकपा एमाले र माओवादी केन्द्रबीच एकीकरणको घोषणा हुँदै गर्दा साबिकको एमालेका अध्यक्ष एवं प्रधानमन्त्री केपी ओलीले भने– ‘हामी मिसिएको होइन, अन्तरघुलन भएका छौं । हिन्द महासागरमा गएर यो पानी कहाँको हो भनेर छुट्ट्याउन सकिन्छ र ? अघिसम्म प्रचण्ड अर्कै पार्टीको नेता हुनुहुन्थ्यो । मैले भनेँ– तपाईँको माओवादी सिद्धियो । उहाँले जवाफ दिनुभो– तपाईँको एमाले पनि त सिद्धियो । खासमा यही कुरा सुन्नका लागि मैले त्यसो भनेको थिएँ ।’
प्रचण्ड पनि के कम, उनले त्यसअघि नै भनिसकेका थिए– ‘हाइड्रोजन र अक्सिजन मिलेर पानी बन्यो, अब छुट्ट्याउन मिल्दैन ।’
दुई अध्यक्षको मुखबाट सोही दिन अन्तरघुलित भएको नेपाल कम्युनिस्ट पार्टी (नेकपा) झण्डै दुई महिना बित्दा पनि छुट्टाछुट्टै अस्तित्वमा कायम छ । प्रदेश, जिल्ला र स्थानीय कमिटीमात्र होइन, जनवर्गीय संगठनहरू पनि अलग–अलग नै छन् ।
मुलुककै शक्तिशाली सत्तारुढ दलको एकता प्रक्रियामा आमजनतालाई चासो हुने नै भयो । तर एकीकरण घोषणा भएयता बाहिर चर्चा हुनेगरी त्यस्तो कुनै पार्टी गतिविधि देखिएको छैन । सकारात्मक तथा नकारात्मक जेसुकै भए पनि चर्चा छ त केवल सरकारको । सरकार नेकपाकै अध्यक्ष केपी शर्मा ओलीको नेतृत्वमा छ ।
के गर्दैछ नेकपा ?
पार्टी एकीकरणपछि बसेको नेकपाको पहिलो बैठकले १५ दिनको समय दिएर तीन फरक–फरक कार्यदल गठन गरेको थियो ।
एउटा कार्यादलले विधानको परिपूरक हुनेगरी नियमावली मस्यौदा निर्माण, अर्कोले संगठनात्मक एकीकरण र तेस्रोले जनवर्गीय संगठनको एकीकरण प्रक्रियालाई अघि बढाउने जिम्मा पाएका थिए ।
ती कार्यदलले आफ्नो काम पूरा गरेपछि अहिले आवश्यक थप कार्यदल गठन गरेर पार्टी एकीकरणलाई पूर्णता दिने प्रक्रिया अघि बढेको स्थायी समिति सदस्य बेदुराम भुसाल बताउँछन् । नियमावली मस्यौदा निर्माणका लागि गठित कार्यदलका सदस्यसमेत रहेका भुसालले भने– ‘विधान र नियमावली फाइनल भएको छ । जनवर्गीय संगठन तथा प्रदेश, जिल्ला र स्थानीय तहका कमिटीबीच पनि एकीकरणका लागि कार्यदलहरू बनेर काम गरिरहेका छन् ।’
कार्यदलले तयार पारेको नियमावली मस्यौदालाई महासचिव विष्णु पौडेल तथा सचिवालय सदस्यद्वय वामदेव गौतम र रामबहादुर थापा ‘बादल’ रहेको कार्यदलले अन्तिम रूप दिएपछि गत बुधबार बसेको सचिवालय बैठकले पारित गरेको छ । नियमावली पारित भएपछि संगठनात्मक एकीकरण प्रक्रिया तीव्र गतिमा अघि बढेको भुसालले बताए ।
नियमावली तयार भएपछि त्यसैको आधारमा काम अघि बढेको केन्द्रीय सदस्य खिमलाल देवकोटा पनि बताउँछन् । ‘शुरुमा काम गर्न अलि अप्ठ्यारो थियो, तर नियमावली तयार भएपछि त्यसैको आधारमा काम अघि बढेको छ,’ देवकोटाले भने ।
कहिले मिलिसक्छ सबै कमिटी ?
पार्टी कमिटी र जनवर्गीय संगठनबीच एकीकरणका लागि गठित कार्यदलहरूले तीन महिनाको समय पाएका छन् । ‘कार्यदलहरूले तीन महिनाको समय पाएका छन् । त्यस्तो खासै डेटलाइन नै भन्ने त छैन, तर तीन महिनाभित्र यी प्रक्रियाहरू पूरा गरिसक्ने भन्ने छ,’ नेता भुसालले लोकान्तरसँग भने ।
उता देवकोटा भने ‘टाइम टेबल’ नै बनाएर तीन महिनाभित्रै एकता प्रक्रिया पूरा गरिसक्ने बताउँछन् । ‘टाइम टेबल नै बनाएर तीन महिनाभित्रै सक्ने गरी काम अघि बढेको छ,’ देवकोटाले भने, ‘सक्नु नै पर्छ, नत्र पार्टी फङ्सन नै हुँदैन ।’
कसरी चलिरहेको छ पार्टी ?
देवकोटाका अनुसार पार्टी कमिटीहरू तीन ढंगले चलिरहेका छन् । ‘केही स्थानमा स्वतस्फूर्त रूपमै एकीकरण भइसकेको छ, अधिकांशले संयुक्त निर्णय गरेर काम गरिरहेका छन्, केही भने छुट्टाछुट्टै अस्तित्वमा छन् र उनीहरूको खास गतिविधि पनि छैन,’ उनले लोकान्तरसँग भने ।
चुनावअघिको गठबन्धनका कारण पार्टी एकता प्रक्रियालाई निष्कर्षमा पुर्याउन निकै सहज भएको उनको अनुभव छ । ‘प्रि–इलेक्सन कोएलिनसन’का कारण धेरै सहज भएको छ,’ देवकोटाले भने, ‘केन्द्रमा निर्णय भइसकेको र एकसाथ चुनाव लडेकाले पार्टी एकीकरणका सम्पूर्ण प्रक्रियालाई पूर्णता दिन समस्या छैन ।’
छिट्टै सम्पूर्ण पार्टी कमिटी एक भएर अघि बढ्ने उनको विश्वास छ ।
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...