बैशाख १८, २०८१
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
काठमाडौं –गत आर्थिक वर्ष २०७४/०७५ वर्षको अन्तिमसम्ममा नेपालमा प्रत्यक्ष वैदेशिक लगानी (एफडीआई) पाँच गुणाले बढेको छ ।
आर्थिक वर्ष २०७३/०७४ को पहिलो १० महिनामा प्रत्यक्ष वैदेशिक लगानी (एफडीआई) १२ अर्ब ५७ करोड ७ लाख नेपाल भित्रिएको थियो ।
गत आर्थिक वर्षमा ५५ अर्ब ६४ करोड ५ लाख एफडीआई स्वीकृत भएको उद्योग विभागले जनाएको छ ।
एक वर्षको अवधिमा जम्मा ३ सय ९५ आयोजनामा वैदेशिक लगानी स्वीकृत भएको हो । जसमध्ये सबैभन्दा बढी पर्यटनमा १ सय ५६ वटा आयोजनामा लगानी स्वीकृत भएको छ । सोे अवधिमा पर्यटन क्षेत्रमा वैदेशिक लगानीका आयोजना भने घटेको तथ्यांक छ । अघिल्लो आर्थिक वर्षको १० महिनामा पर्यटन क्षेत्रमा १ सय १२ आयोजनामा लगानी स्वीकृत भएको थियो ।
यसैगरी सेवा क्षेत्रमा १ सय १८ वटा सेवा आयोजनामा वैदेशिक लगानी स्वीकृत भएको छ । गत आर्थिक वर्षमा सूचना प्रविधिको क्षेत्रमा भने न्यून आयोजना देखिएका छन् ।
उद्योग विभागको तथ्यांकअनुसार गत आर्थिक वर्षमा सूचना प्रविधिका २६ आयोजनामा लगानी स्वीकृत भएको छ । अघिल्लो आवको १० महिनामा सूचना प्रविधिको क्षेत्रमा ४ वटा आयोजनामा मात्रै लगानी स्वीकृत भएको थियो ।
वैदेशिक लगानी कृषी, ऊर्जा, सूचना प्रविधि, सेवा क्षेत्र, उत्पादन उद्योग, खनिज, पर्यटन लगायतका क्षेत्रमा बढिरहेको छ ।
उद्योग विभाग वैदेशिक लगानी महाशाखाका अनुसार पछिल्ला २ वर्षको अवस्था हेर्दा नेपालमा संख्यात्मक तथा पूँजीगत लगानीका हिसाबले चीन अगाडि देखिन्छ ।
महाशाखा प्रमुख प्रशान्त बोहराले भने– ‘चीनले नेपाली ऊर्जा क्षेत्रमा लगानी गर्न निकै इच्छा देखाएको छ । यसैगरी रेस्टुरेन्टमा नेपालमा थुप्रै लगानी आइरहेको छ । यसको कारण नेपाल चीनबीचको सम्बन्ध पनि हुनसक्छ भने चीनले अन्तर्राष्ट्रिय बजारमा आफ्नो प्रभाव बढाउने रणनीति अनुरूप नेपालमा पनि आउन थालेको हुन सक्छ ।’
सरकारले लगानीको वातावरण बनाउने र स्थायी सरकारको नीतिले लगानीकर्ताको आकर्षण बढ्न थालेको बोहराको भनाई छ ।
नेपाल राष्ट्र बैंकका अनुसार विदेशबाट भित्रिने साना लगानीकर्ताको आकर्षण साना उद्योगमै रहेको छ । राष्ट्र बैंकको अध्ययनअनुसार हालसम्म विदेशी लगानीसहित आएका कम्पनीमध्ये बढीले उत्पादन क्षेत्रमा लगानी गरेको देखिएको छ । तीमध्येका कतिपयले उत्पादित वस्तु विदेश निर्यात गरिरहेका छन् ।
उद्योग विभागका अनुसार नेपालका प्रमुख वैदेशिक लगानीकर्ताहरूमा चीन, भारत, दक्षिण कोरिया, जापान, अमेरिका, बेलायत, जर्मनी, मोरिसस, क्यानडा, युनाइटेड अरब इमिरेट्स, सिंगापुर, बंगलादेश लगायत छन् ।
उद्योग विभागका अनुसार पछिल्ला वर्षहरूमा साना उद्योग र ऊर्जा क्षेत्रमा लगानीको आकर्षण बढी देखिन्छ । नेपाल सरकारले कृषि तथा वन्यजन्तु, निर्माण, ऊर्जामूलक, उत्पादनमूलक, खनिज, सेवा र पर्यटन गरी सात विधामा प्रत्यक्ष वैदेशिक लगानी भित्र्याउँदै आएको छ ।
नेपालमा सबैभन्दा बढी वैदेशिक लगानी ऊर्जामूलक क्षेत्रमा भित्रिने गरेको छ । त्यसपछि, सेवा र पर्यटन क्षेत्रमा पनि वैदेशिक लगानीको चाप बढ्दै गएको देखिन्छ ।
उत्पादनमूलक क्षेत्रमा पनि वैदेशिक लगानीको अवस्था राम्रै देखिन्छ । नेपालमा सञ्चालनमा रहेका गार्मेन्ट, सिमेन्ट, टेक्सटाइल र प्लाष्टिक उद्योगका इकाइहरूमा झन्डै आधा हिस्सा वैदशिक लगानीको नै देखिन्छ ।
‘प्रतिफलशून्य लगानी’
वैदेशिक रूपमा दिनप्रतिदिन लगानी बढिरहे पनि स्पष्ट योजना नहुँदा प्रतिफल नदेखिएको विज्ञहरू बताउँछन् ।
पूर्वअर्थमन्त्री भरतमोहन अधिकारी विदेशीहरू नेपालमा लगानी गर्न इच्छुक देखिए पनि सरकारले निजी क्षेत्रसँग सहकार्य गरेर उत्पादनमूलक क्षेत्रमा लगानी गर्नै नसकेको बताउँछन् ।
‘अहिले विदेशबाट भित्रिएको रकम सही ठाउँमा लगानी हुन सकेको छैन । प्रत्येक वर्ष लगानी आइरहेको छ । कहाँ लगाउने, त्यसको प्रतिफल के हो भन्ने कुराको स्पष्ट नीति छैन । हाम्रो देशको खास विशेषतालाई हेरेर यसबाट हाम्रो समृद्धि कसरी हुने बाटो पहिल्याएर त्यसपछि लगानी लगाउने हो,’ अधिकारीले भने, ‘सानासाना उद्योगमा पनि वैदेशिक लगानी विदेशीको हस्तक्षेप हो । ठूलाठूला लगानी जुन काम गर्न हामीसँग प्रयाप्त पैसा छैन, त्यस्तोमा बाहिरको लगानी आउने वातावरण बनाउनुपर्छ । केही उद्योगपतिले पैसा कमाएर मात्रै भएन । गाउँका मान्छे पनि पैसा कमाउनुपर्यो ।’
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...