इस्तानबुल– टर्कीको इश्तानबुल शहरको मध्य क्षेत्रमा रहेको एक आवासीय भवनमा आगलागी हुँदा कम्तिमा चार जनाको मृत्यु भएको स्थानीय सञ्चारमाध्यमले जनाएका छन् । 

आइतबार विहानै भएको इस्तानबुलको यूरोप क्षेत्रमा रहेको पाँचतले भवनमा आगलागी भएको टर्कीको हुर्रियत दैनिकले जनाएको छ । 

आगलागी नियन्त्रण गर्न तत्काल पुगेको उद्धारकर्मीको समूहले घटनास्थलबाट दुई जना मृत अवस्थामा र तीन जनालाई आगोले जलेर सख्त घाइते बनेको अवस्थामा उद्धार गरेको थियो । घाइतेमध्ये दुई जनाको उपचारको क्रममा निधन भएको र एक जनाको उपचार भइरहेको उक्त दैनिकले अधिकारीलाई उद्धृत गरी लेखेको छ ।