कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
काठमाडौं– यहाँको बायोडाटा हेर्दा योग्यता राम्रो नै देखिन्छ, तर प्रस्तुतिमा अलि कमजोरी हो कि ? कन्फिडेन्स लुज भएको हो कि ? सांसद सुरेन्द्र पाण्डेको प्रश्न भुइँमा खस्न नपाउँदै प्रस्तावित न्यायाधीश सुष्मालता माथेमाले एक शब्दमा जवाफ दिइन्– ‘विनम्रता !’ सर्वोच्च अदालतको न्यायाधीशमा सिफारिस भएका पाँच प्रस्तावित न्यायाधीशका सम्बन्धमा सुनुवाइ गर्न बिहीवार सिंहदरबारमा समितिको बैठक बसेको थियो ।
उनले जवाफ दिने समय आउन बाँकी नै थियो, तर शायद उनलाई ‘कन्फिडेन्स लुज’ भएको भन्ने कुराले छोयो र बोलिहालिन् ।
केही समयपछि जवाफ दिने पालो आयो । सांसद पाण्डेको उक्त प्रश्नमा प्राथमिकताका साथ जवाफ दिएकी माथेमाले भनिन्, ‘न्यायाधीशको काम बोल्ने भन्दा सुन्ने बढी हुँदो रहेछ । जहाँसम्म कन्फिडेन्स लुज कि विनम्रता भन्ने प्रश्न छ, कन्फिडेन्स लुज त हुँदै होइन, नत्र यत्रो कार्यकाल सफलतापूर्वक सम्पन्न हुने नै थिएन ।’
माथेमालाई सांसद योगेश भट्टराईले सोधे– एनसेलसम्बन्धी सर्वोच्चको फैसलाको पूर्णपाठ आउँदा दायित्वभन्दा २८ अर्ब रुपैयाँ कम रकम तिर्नुपर्ने गरी फैसला आएको आशयका समाचार आएका छन्, अदालतमा यस्तो किन हुन्छ ?
जवाफमा उनले सर्वोच्च अदालतले फैसला सुनाइसकेको विषयमा आफूले ‘कमेन्ट’ नगर्ने बताइन् ।
माथेमापछि सुनुवाइका लागि उपस्थित प्रस्तावित न्यायाधीश कुमार रेग्मीलाई सांसद पाण्डेले नै प्रश्न सोधे– अहिले आर्टिफिसियल इन्टेलिजेन्स ‘एआई’बाट चल्ने गाडी आइसक्यो । मान्छेजस्तै कम्प्युटरले चलाउने गाडी । यस्ता गाडीले बाटोमा एउटा बच्चा र बूढालाई देख्यो र तीमध्ये एक जनालाई मात्र बचाउन सकिने अवस्था आयो भने कसलाई बचाउने, बूढालाई कि बच्चालाई ? यो विषयको निरूपण नभएसम्म यस्ता गाडी चल्न नदिने भनिएको छ । अब
तपाईंको इजलासमा पनि यस्ता मुद्दा आउन सक्छन्, हिजोको आखाँबाट हेर्ने कि मोडर्न युगको नयाँ आँखाबाट ? यस्ता सवारी साधनबाट हुने दुर्घटनामा कसलाई दण्डित गर्ने ? प्रविधि बनाउनेलाई कि, कसलाई ?
रेग्मीले एआईसम्बन्धी प्रश्नको स्पष्ट जवाफ दिएनन् । तर पाण्डेकै अर्को प्रश्नको जवाफ दिए, जुन भ्रष्टाचारका सम्बन्धमा थियो– ‘न्यायाधीशले भ्रष्टाचार गर्नुभन्दा ठूलो पाप केही होइन । भ्रष्टाचार गर्ने न्यायाधीशलाई एक मिनेट पनि अदालतमा बस्न नदिनुस् । मैले भ्रष्टाचार गरेँ भने एक मिनेट पनि बस्न दिनु पर्दैन,’ रेग्मीले भने ।
प्रस्तावित न्यायाधीश हरि फुयाँललाई कांग्रेसका भीमसेन दास प्रधानले भागबण्डाका आधारमा न्यायाधीश नियुक्त हुने गरेको भन्दै कसरी निष्पक्षता कायम गर्ने भन्ने प्रश्न गरे । जवाफमा फुयाँलले पदीय मर्यादा कायम राख्ने र कसैप्रति अनुग्रहित नहुने बताए ।
प्रस्तावित न्यायाधीश प्रकाश ढुंगानालाई सांसद सुमनराज प्याकुरेलले अदालतमा बेन्च फिक्सिङबारे प्रश्न सोधे । पाटन उच्च अदालतको मुख्य न्यायाधीश रहिसकेका ढुंगानाले आफूले त्यस्तो अनुभव नगरेको बताउँदै हार्नेहरूले त्यस्तो आरोप लगाउने गरेको बताए ।
सुनुवाइका क्रममा प्रस्तावित न्यायाधीशहरूले संविधानको सर्वोच्चता डग्न नदिने, न्यायालयमा निष्पक्षता कायम राख्ने लगायतका प्रतिबद्धता जनाएका थिए ।
प्रक्रिया पूरा गर्न हतारहतार !
एकैदिन पाँचजना प्रस्तावित न्यायाधीशको सुनुवाइको कार्यतालिका रहेकाले सुनुवाइ सक्न भ्याइनभ्याइ भएको थियो ।
प्रस्तावित न्यायाधीश कुमार रेग्मीको सुनुवाइ सकिएपछि समिति सभापति लक्ष्मणलाल कर्णले अनौपचारिक प्रस्ताव राखे– ‘१० मिनेट ब्रेक लिने कि !’
अझै दुईजनाको सुनुवाइ बाँकी रहेकाले हलबाट आवाज आयो – ‘खाजा खाइहालियो, कन्टिन्यु गरौं ।’ त्यसअघि सुनुवाइ चलिरहँदा नै सांसदहरूले त्यहीँ खाजा खाएका थिए ।
बैठक जारी रह्यो । लामो समयसम्म बैठक चलिरहँदा सांसद तथा उपस्थित सञ्चारकर्मीहरू ‘हाई’ काढिरहेका देखिन्थे ।
समितिको बैठकमा क्रमश: प्रस्तावित न्यायाधीशहरू प्रकाश ढुंगाना, सुष्मालता माथेमा, कुमार रेग्मी, हरि फुँयाल र डा. मनोजकुमार शर्माका सम्बन्धमा सुनुवाइ भएको थियो ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...