इन्द्रधनुषकै मुनि पर्‍यो चट्याङ, दुर्लभ दृश्य (भिडियो)

काठमाडौं – क्यानडामा आँधीको दृश्य हेरिरहेका केही मानिसले शनिवार इन्द्रधनुषमुनि चट्याङ परेको भिडियो खिचेका छन् । 

भिडियो मिशेला इवासियुकले खिचेकी हुन् । मानितोबामा आँधी आउँदाको दृश्य त्यसमा समेटिएको छ । 


Advertisement

फूटेजमा विशाल इन्द्रधनुष आंशिक रूपमा देखिन्छ तर चट्याङले आकाशै उज्यालो बनाउँछ । 

चट्याङ परेको दृश्य भिडियोमा देखिन्छ तर आवाज चाहिँ सुनिँदैन । 


Advertisement

सुन्तला–नीलो रंगको आकाशले निकै अद्भुत दृश्य देखाउँछ । 

मानितोबामा सप्ताहान्तमा न्यानो तापक्रम र प्रशस्त वर्षा भएको थियो । 

इन्द्रधनुष देखिएको बेलामा चट्याङ पर्नु निकै दुर्लभ घटना भएको र्‍यान्डाल सर्भेनीले बताए । उनी एरिजोना स्टेट विश्वविद्यालयमा मौसमविज्ञानका प्राध्यापक हुन् ।

इन्द्रधनुष र चट्याङ दुवैले पानीका थोपाका भिन्न उपयोग गर्छन् । इन्द्रधनुषले सूर्यको प्रकाश छर्छ भने चट्याङले पानीको थोपामा विद्युत् बोक्छ ।

एजेन्सी
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्