चैत १५, २०८०
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
काठमाडाैं | पुस १५, २०८०
ललितपुरको सातदोबाटोबाट खुमलटारतर्फ जाँदा बाटोको बायाँतिर नेपाल विज्ञान तथा प्रविधि प्रज्ञा प्रतिष्ठान (नास्ट)को कार्यालय छ ।
विज्ञान प्रविधिको क्षेत्रमा अनुसन्धान गर्ने सरकारी निकाय नास्टको प्रांगणमा छिर्दा ६० वर्ष पार गरेका एक व्यक्ति आधुनिक मशिनले घाँस काटिरहेको भेटिन्छन् ।
नाम: भीमप्रसाद घिमिरे ।
उमेर: ६० वर्ष पूरा ।
स्थायी ठेगाना: कोञ्ज्योसोम गाउँपालिका, २ ललितपुर ।
हालको बसाइ: ललितपुरकै खुमलटार ।
बुधवार दिउँसो २ बजेतिर नास्टमा पुग्दा भीमबहादुर मशिनले घाँस काटिरहेका थिए । नजिक पुगेर उनको कामबारे जिज्ञासा राख्दा भीमबहादुरले प्रविधिका कारण निकै सजिलो भएको बताए ।
'प्रविधि हजुर, प्रविधि; पहिला दिनभरी लगाएर एक भारी काट्न मुस्किल हुन्थ्यो, अहिले यो मशिनले एकैछिनमा एक ट्रक घाँस काट्छ,' शुरूमै उत्साहित हुँदै उनले सुनाए ।
दुग्ध उत्पादनलाई पेसा बनाएका उनले ५ वटा भैँसी र ३ वटा गाई पालेका रहेछन् । तिनै गाईभैँसीलाई खुवाउन उनले नास्ट प्रांगणमा 'ग्रास कटर' मशिनको सहायताले घाँस काट्ने गरेका रहेछन् ।
घाँस काट्नका लागि वर्षको २५ हजार रुपैयाँमा टेन्डर पारेको उनको भनाइ छ । मशिन खरिदमा भने १६ हजार रुपैयाँ खर्चिएको भीमबहादुरले सुनाए । मशिनका कारण निकै सहज भएको सुनाउँदै उनले थपे, 'मैले एक्लै घाँस काट्छु । कहिलेकाहीँ नाति केटाले पनि सघाउने गरेको छ ।'
दैनिक ६० लिटर दूध बेच्ने गरेको भन्दै उनले महिनाको एक लाख रुपैयाँ बचाउँदै आएको बताए ।
'महिनामा २ लाखको दूध बेच्ने गरेको छु । सबै खर्च कटाएर एक लाख रूपैयाँचाहिँ चोखो बचाउँछु,' भीमबहादुरले भने, 'पानी नमिसाइ बेच्ने गरेकाले एकै घरमा ४ लिटरसम्म लिनुहुन्छ ।'
गाउँमा दु:ख भयो भनेर झरेका थिए बेसी
कोञ्ज्योसोम ललितपुरकै विकट क्षेत्रमा पर्छ । भीमबहादुर पनि गाउँमा दु:ख भयो भनेर २० वर्षअघि शहर झरेका रहेछन् ।
'छोराहरू गाउँमै जन्मिएका थिए । यहाँ आएर दुईवटा नाति हुर्कायौं । यही कमाइले राम्रो स्कूलमा पढायौं । अहिले ब्याच्लर सकेर जापान जाने तरखरमा छन्,' भीमबहादुरले खुशी साटे ।
दूध बेचेरै ४ आना घडेरी समेत जोडेको उनले बताए । अब एउटै धोको छ- सय वर्ष टेक्न लागेका बुवा छँदै घर बनाउने । '९६ वर्षका बुवा जीवित छँदै घर बनाउन पाए मलाई आनन्द हुन्थ्यो,' उनले भने ।
नातिनातिनाले अब यो पेसा सम्हाल्छन् भन्ने विश्वास उनलाई छैन ।
'मेरो पुस्ताले मात्रै होला यसरी घाँस काट्दै गाईवस्तु पाल्ने,' भीमबहादुरले भने ।
हेर्नुहोस्, भिडियो :
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...