×

NMB BANK
NIC ASIA

अन्तर्राष्ट्रिय घटनाक्रम

हुथीमाथि अमेरिकी आक्रमण : मध्यपूर्वमा अर्को युद्धको संकेत

काठमाडाैं | पुस २७, २०८०

NTC
Premier Steels

अमेरिका र बेलायतका सेनाले बिहीवार यमनको हुथी नियन्त्रित कैयौं क्षेत्रहरूमा हवाई हमला शुरू गरेका छन् ।

Muktinath Bank

लाल सागर (रेड सी) हुँदै सामान ओसारपोसार गर्ने कमर्सियल जहाजमाथि पटक-पटकको ड्रोन हमला तत्काल रोक्न अमेरिकी राष्ट्रपति जो बाइडेन र नेटो सैन्य गठबन्धनले दिएको चेतावनी अवज्ञा गरेपछि इरान समर्थित हुथी आतंकवादी समूहविरुद्ध यमनमा सैन्य कारवाही गर्ने आदेश दिएको बाइडेनको दाबी छ ।


Advertisment
RMC TANSEN
IME BANK INNEWS
shivam ISLAND

'आज मेरो निर्देशनमा अमेरिकी सेनाले बेलायतको सेनासँग मिलेर अष्ट्रेलिया, बहराइन, क्यानाडा र नेदरल्याण्डको समर्थनमा यमनको कैयौं क्षेत्रमा सफलतापूर्वक हमला गरेका छन्,' राष्ट्रपति बाइडेनले जारी गरेको एक विज्ञप्तिमा भनिएको छ ।


Advertisment
Nabil box
Kumari

बाइडेनले सैन्य हमला गरेको दाबी गरेको क्षेत्रमा बसेर हुथीहरूले जहाजमा ड्रोन आक्रमण गर्ने गरेका थिए । 'आवश्यकताअनुसार हाम्रो सुरक्षा र अन्तर्राष्ट्रिय रूपमा सामानहरूको ओसार-पोसार गर्ने क्षेत्रलाई सुरक्षित र खतरामुक्त बनाउन हामीले निसंकोच कारवाहीहरू गर्छौं,'विज्ञप्तिमा भनिएको छ ।

Vianet communication

अमेरिकी वायुसेवाद्वारा जारी एक विज्ञप्ति अनुसार अमेरिका र गठबन्धनका सेनाले इरान समर्थित १६ हुथी उग्रवादी रहेको आशंका गरिएका ६० ठाउँमा हमला गरिएको थियो । जसमध्ये हुथीको कमाण्ड र कन्ट्रोल सिस्टम, युद्ध सामग्री, राडार र अन्य रणनीतिक क्षेत्र परेका छन् ।

यस हमलाले संसारको महत्त्वपूर्ण जलमार्गमा बढ्दो खतराको संकेत गर्छ । यसअघि सम्म अमेरिका यमनमा आक्रमण गर्ने मूडमा थिएन । तर हमास-इजरायल युद्धका कारण यस क्षेत्रमा तनाव बढिरहेको थियो । अन्तराष्ट्रिय जहाजहरूमाथि हुथीको आक्रमण नरोकिएपछि अमेरिकाले यो सैन्य कारवाही गर्न आफू मजबुर भएको जनाएको छ ।

यद्यपि गाजा युद्ध शुरू भएपछि अमेरिकाले इराक र सिरियामा इरानी प्रतिनिधिहरू विरुद्ध हमला गरेको थियो । तर यमनमा भने यो पहिलो आक्रमण हो ।

एक वरिष्ठ सैन्य अधिकारीले बिहीवार साँझ संवाददाताहरूसँग भने, 'यस हमलाबाट हुथीको कति क्षति भयो भन्न सकिन्न तर यो महत्त्वपूर्ण थियो । हाम्रो निशाना सटिक थियो । हामीले यमनको आम जनतालाई निशाना बनाइरहेका थिएनौं ।'

तर हुथीद्वारा संचालित अल-मसिरा टिभीले यमनको सना क्षेत्रमा गरिएको सानो बमबारी देखाइएको थियो ।

यो हमला अमेरिकी रक्षा सचिव लोयड अस्टिन प्रोटेस्ट क्यान्सरको उपचार भइरहेको बेलामा भएको थियो । एक वरिष्ठ सुरक्षा अधिकारीको भनाइ उदृत गर्दै सीएनएनले लेखेको छ, 'क्यान्सरको उपचार भइरहेका बेला अस्टिनले सञ्चारको पुरै सेट आफूसँग राखेर हमलाको आदेश र निगरानी गरिरहेका थिए ।'

हुथी एक इरान समर्थित शिया  राजनीतिक र सैन्य संगठन,  जो सऊदी अरबद्वारा समर्थित गठबन्धनविरुद्ध यमनमा गृहयुद्ध लडिरहेको छ । यसले धेरै हप्तादेखि रेड सीमार्फत सामान ओसार-पोसार गर्ने कमर्सियल जहाजहरूमाथि ड्रोन र मिसाइलले आक्रमण गरिरहेको छ ।

यमनमाथि अमेरिकाले ठूलो हमला गरेको र जनतालाई निशाना बनाइएको हुथीका उप विदेशमन्त्री हुसैन अल-एजीले दाबी गरेका छन् ।

त्यस्तै बिहीवार हुथी नेता अब्दुल मालेकके एक भाषणका क्रममा भनेका थिए, 'यमनमाथि भएको आक्रमणमा हामी चुप बस्दैनौं । अब थप अमेरिकी जहाजहरू निसानामा पर्नेछन् ।'

शुक्रवार सामाजिक संजालमा एक पोस्ट गर्दै हुथीका सर्वोच्च क्रान्तिकारी समितीका प्रमुख मोहम्मद अली अल हुथीले भनेका छन्, 'अमेरिकाको हमला एक बर्बर आतंकवादी हमला हो । यसले अमेरिकाको क्रूर मनोविज्ञान देखाउँछ ।'

अमेरिकी विदेशमन्त्री एन्टनी ब्लिंकनले चेतावनी दिँदै भनेका छन्, 'यदि हुथीले यस्तो काम नरोके यसको थप नकारात्मक परिणाम भोग्नुपर्ने हुन्छ । दुर्भाग्यले यो अझै रोकिएको छैन ।' ब्लिंकनले गाँजा युद्ध एक क्षेत्रीय संघर्षमा बदलिएको र उक्त क्षेत्रमा धेरै खतराको बिन्दू रहेको बताए ।

बुधवार संयुक्त राष्ट्रसंघको सुरक्षा परिषदले अमेरिका र जापानको नेतृत्वमा एक प्रस्ताव पारित गरेको थियो जनसमा १९ नोभेम्बर २०२३ पछि कमर्सियल जहाजमा भएको हुथी आक्रमणको कडा शब्दमा निन्दा गरिएको थियो ।

उक्त प्रस्तावउपर ११ देशले पक्षमा मतदान गरे भने चीन र रुससमेत चार देश अनुपस्थित थिए । यमनमा सन् २००२ यता अमेरिकाले ४ सय पटक हवाई हमला गरिसकेको छ ।

यमनमा गरिएको आक्रमणले साउदी अरब र हुथीबीच उक्त क्षेत्रलाई शान्त राख्ने उद्देश्यका कैयौं सम्झौता र युद्धविराम भाँडिने जोखिम पनि छ । एक अमेरिकी अधिकारीको भनाइ उदृत गर्दै सीएनएन लेख्छ, 'बाइडेन प्रशासन यसबारे जानाकार छ र थप रणनीतिहरू तय गर्दैछ ।'

लामो समयसँग संघर्ष चल्ने चिन्ता

केही अमेरिकी अधिकारीहरूले सो क्षेत्रमा इरानी प्रोक्सी समूहमाथि गरिएको आक्रमणले लामो समयसम्म संघर्षको वातावरण पैदा गर्ने खतरा औंल्याएका छन् । अन्तर्राष्ट्रिय कमर्सियल जहाज यात्रा गर्ने उक्त क्षेत्रमा हुथीहरूले पनि आफ्नो आक्रमण कायमै राखेका छन् ।

नयाँ वर्षको शुरुवातमै एक अमेरिकी सैन्य हेलिकप्टरले सो क्षेत्रमा तीन तीन डुंगामाथि आक्रमण गरेर त्यहाँ सवार हुथीहरूलाई मारेको थियो । यहींबाट पछिल्लो संघर्षको शुरुवात भएको मानिन्छ ।

त्यसपछि एक विज्ञप्ति जारी गर्दै अमेरिकाले हुथीहरूले उक्त क्षेत्रमा कमर्सियल जहाजहरूमाथि आक्रमण नभए त्यसको परिणाम हुथीले नै भोग्नुपर्ने बताएको थियो ।

उक्त विज्ञप्ति आएको केही घण्टापछि नै हुथीले मानवरहित ड्रोनमार्फत एक जहाजमा आक्रमण गरेको थियो ।

hAMROPATRO BELOW NEWS
TATA Below
फागुन २६, २०८०

डोनाल्ड ट्रम्प यदि आगामी नोभेम्बरमा पुन: निर्वाचित भए के हुन्छ ? उनी व्हाइट हाउस फर्केर चिनियाँ उत्पादनमा ६० प्रतिशत कर लगाउने उनको वाचा लागू गरे झन् के होला ? यदि ट्रम्प फर्किएर यस्तो प्रावधान कार्यान्वयनमा आयो भने...

मंसिर ९, २०८०

आफ्नै साथीले छुरा प्रहार गर्दा पोर्चुगलमा एक नेपाली युवकको मृत्यु भएको छ । छुरा प्रहारबाट गम्भीर घाइते भएका कुश्मा नपा–१३, खौला, पर्वतका ३६ वर्षीय धनबहादुर क्षेत्रीको उपचारका क्रममा निधन मृत्यु भएको हो ।&n...

कात्तिक १७, २०८०

पाकिस्तानको क्वेटामा सुरक्षाकर्मीको एउटा समूहमाथि शुक्रबार आक्रमण हुँदा कम्तीमा १४ सैनिकको मृत्यु भएको छ । घटनाबारे बलुचिस्तान प्रान्तका एक वरिष्ठ सरकारी अधिकारी सइद अहमद उमरानीले एएफपीसँग भने, “तटीय ...

मंसिर ५, २०८०

११ दिनदेखि सुरुङमा फसेका ४१ मजदुरलाई पाइपबाट खाना पठाइएको छ । गएराति ६ इन्चको पाइपबाट पहिलोपटक खिचडी पठाइएको भारतीय सञ्चार माध्यमहरूले जनाएका छन् ।  भारतको उत्तरी हिमाली राज्य उत्तराखण्डमा निर्माणाध...

कात्तिक १७, २०८०

सोउल– उत्तर कोरियाले दूतावास बन्द गर्ने हालैको शृङ्खला आफ्नो बाह्य सम्बन्ध सुधार गर्नका लागि ‘नियमित मामिला’ भएको स्पष्ट पारेको छ । दक्षिण कोरियाले आर्थिक सङ्कटका कारण दूतावास बन्द गरेको दाबी गर...

कात्तिक २३, २०८०

सिरियाको पूर्वी प्रान्त देइर अल–जोरमा मध्यरातपछि अमेरिकी हवाई आक्रमणमा परी कम्तीमा नौ जना लडाकू मारिएका छन् ।  सिरियन अब्जरभेटरी फर ह्युमन राइट्सका अनुसार अमेरिकी लडाकु विमानले देइर अल–जो...

प्रशासनिक सुधारको पाटो ५– कर्मचारीमा व्यावसायिकता विकास

प्रशासनिक सुधारको पाटो ५– कर्मचारीमा व्यावसायिकता विकास

बैशाख २७, २०८१

नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...

कांग्रेस राजनीतिमा नयाँ घुम्ती

कांग्रेस राजनीतिमा नयाँ घुम्ती

बैशाख २५, २०८१

निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...

जसपा विभाजन र अन्य दलको सन्निकट संकट

जसपा विभाजन र अन्य दलको सन्निकट संकट

बैशाख २५, २०८१

जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...

x