बैशाख १६, २०८१
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
काठमाडाैं | फागुन ३०, २०८०
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ ।
अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फाइल बुझाएको हो ।
एक वर्षको अवधिमा पटक-पटक गरी भएको उक्त तस्करी मुख्य नाइके जीवनकुमार गुरुङ विभागको हिरासतमा छन् । गुरुङसँग अर्थमन्त्री पुनको ११ पटक फोन संवाद भएको प्रमाण भेटिइसकेको छ ।
भन्सार विभागमा रहेको मुद्दा कमजोर पार्न पुनले भूमिका खेलेका हुन् । गुरुङको मुद्दाको फाइल हतार-हतार जिल्ला सरकारी वकिलको कार्यालयमा बुझाइएको हो ।
संगठित अपराधमा अनुसन्धानका लागि ६० दिनको समय हुन्छ । यही फागुन १४ गते पक्राउ परेका गुरुङको फाइल २ साताभित्रै सरकारी वकिलकोमा पुगेको छ ।
अनुसन्धान गरिराख्दा आफ्नो सहभागिताका थप प्रमाण भेटिने डरले अर्थमन्त्रीको दबाबमा अनुसन्धान टुंग्याइएको स्रोतको दाबी छ ।
गुरुङको मुद्दासम्बन्धी फाइल आफूहरूकोमा आइपुगेको जिल्ला सरकारी वकिलको कार्यालय काठमाडौंका प्रमुख सह-न्यायाधिवक्ता सन्देश श्रेष्ठ बताए ।
'भन्सारले अनुसन्धान सकेर फाइल यहाँ पठाएको छ,' श्रेष्ठले लोकान्तरसँग भने, 'अब हामी मुद्दा प्रक्रियामा अगाडि बढ्छौं ।'
मुद्दा कमजोर बनाइएको विषय भने आफूलाई थाहा नभएको उनले बताए ।
'अनुसन्धान सकेपछि फाइल यहाँ आउने सामान्य प्रक्रिया हो । अनुसन्धानबाट के-के पत्ता लाग्यो भन्ने कुरा मैले फाइल पूरै अध्ययन गरेपछि मात्र थाहा हुन्छ । मुद्दा कमजोर या बलियो भन्ने हुँदैन । अनुसन्धान गर्दा जे देखियो, त्यही मुद्दा बन्ने हो ।'
उनले मुद्दा चलाउने सिफारिसका साथ फाइल आएको र मुद्दा अघि बढ्ने जिकिर गरे ।
६० केजी सुन तस्करी प्रकरणमा सीआईबीले अनुसन्धान गरेको थियो । तर, गुरुङको मुद्दा भने पुनकै दबाबका कारण सीआईबीलाई दिइएन ।
अर्थमन्त्रालय मातहत रहेको विभागबाटै गुरुङलाई रिहा गराउने पहल सफल हुन नसकेपछि मुद्दा कमजोर बनाएर सरकारी वकिलको कार्यालयमा फाइल पुर्याइएको विभाग स्रोत बताउँछ ।
'पहिला त पक्राउ गर्नै समय लगाइयो । दोस्रो, पक्राउ परेपछि तत्काल रिहा गर्न र बाहिरै राखेर अनुसन्धान गर्न दबाब आयो । तेस्रो, अहिले मुद्दा कमजोर गराएर छिट्टै अदालत लैजाने र सफाइ दिने प्रपञ्च भइरहेको छ,' नाम उल्लेख नगर्ने शर्तमा विभागका एक कर्मचारीले भने ।
सुन तस्करी प्रकरणमा अर्थमन्त्री पुनको सहभागिता रहेको खुलासा गर्दै लोकान्तरले मंगलवार समाचार लेखेको थियो ।
गत मंसिर २१ गते फ्लाइ दुबईमार्फत ल्याइएको १४ किलो सुन विमानस्थलबाट बरामद गरिएको थियो । त्यसमा संलग्न रहेको भन्दै गोरखाका चन्द्र घले पक्राउ परे ।
अनुसन्धानका क्रममा मुख्य नाइकेका रूपमा पहिचान भएका गुरुङ भने फरार भए । पछि आएर फागुन १४ मा उनलाई पक्राउ गरियो ।
१४ किलो सुनबारे अनुसन्धान गर्न विमानस्थल भन्सार कार्यालयका प्रमुख भन्सार अधिकृत मणिराम पौडेलको संयोजकत्वमा ६ सदस्यीय छानबिन समिति गठन भएको थियो ।
उक्त समितिले पछिल्लो १ वर्षमा भएको १ सय ३८ किलो सुन तस्करीमा गुरुङ, चन्द्र घले, मीनबहादुर घले र कृष्णकुमार श्रेष्ठ संलग्न रहेको निष्कर्ष निकालेको थियो ।
गुरुङसँग अर्थमन्त्री पुनको ११ पटक फोन संवाद
भन्सारको हिरासतमा रहेका गुरुङसँग जोडिएका अर्थमन्त्री पुनको पनि सहभागिता देखिने आधार लोकान्तर डट्कमले फेला पारेको छ ।
विशेष स्रोतबाट प्राप्त सीडीआर (कल डिटेल रेकर्ड) मा सन् २०२३ जनवरी १ देखि डिसेम्बर ३१ सम्म गुरुङ र पुनबीच ११ पटक फोनमा कुराकानी भएको देखिन्छ ।
पुनको मोबाइल नम्बर ९८५११०२**२ बाट गुरुङको मोबाइल नम्बर ९८६९०००**४ मा ४ पटक फोन गएको छ भने गुरुङले ७ पटक पुनलाई फोन गरेका छन् ।
यसबारे प्रतिक्रिया लिन खोज्दा अर्थमन्त्री पुन सम्पर्कमा आउन चाहेनन् ।
२०७९ मंसिरपछि अहिलेसम्म भएको १ सय ३८ किलो सुन तस्करीका मुख्य योजनाकार गुरुङ पूर्व उपराष्ट्रपति नन्दकिशोर पुनका परराष्ट्र सल्लाहकार थिए ।
उनी प्लाटिनम कलेजका सञ्चालक समेत हुन् ।
पढ्नुहोस्, यो पनि:
१३८ किलो सुन तस्करीमा वर्षमानको 'कनेक्सन'– हिरासतमा रहेका मुख्य नाइकेसँग ११ पटक फोन !
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...