घुससहित पक्राउ परेका महाराजगञ्ज वडा अध्यक्ष अलीविरुद्ध भ्रष्टाचार मुद्दा दायर

अख्तियार दुरुपयोग अनुसन्धान आयोगले कपिलवस्तुको महाराजगञ्ज नगरपालिका वडा नम्बर २ का अध्यक्ष उजेर अलीविरुद्ध भ्रष्टाचार मुद्दा दायर गरेको छ ।​

घरबाटो सिफारिसका लागि सेवाग्राहीसँग घुस लिएको आरोपमा पक्राउ परेका अलीविरुद्ध सोमवार विशेष अदालत काठमाडौंमा मुद्दा दायर गरिएको आयोगले जनाएको छ ।

आयोगका प्रवक्ता नरहरि घिमिरेका अनुसार उनी २०८० चैत १८ गते सेवाग्राहीबाट लिएको १५ हजार रुपैयाँ घुससहित पक्राउ परेका थिए ।​​​

उनीविरुद्ध १५ हजार रुपैयाँ नै बिगो कायम गरेर कैद र बिगो बमोजिम जरिवानाको मागदाबी आयोगले गरेको छ ।