पुस १९, २०८०
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
भनिन्छ काम बाहेक कर्मचारीको नाम र पहिचान हुँदैन । काममार्फत नै सर्वसाधारणको मनसम्म पुग्ने, काममार्फत नै राज्य प्रणाली निर्माण गर्ने र काममार्फत नै सरकारलाई चलायमान बनाउने भएकाले कर्मचारीको मूल्य, धर्म, आचरण, बृत्ति अनि प्रवृत्ति पनि काम नै हो ।
राज्यइच्छा अभिव्यक्त भएका संविधान, नीति र कानुन सवैलाई सजीव बनाउने कर्मले हो । कर्म नै कर्मचारीका आचरण हो, त्यसैले उसलाई कर्मचारी भनिएको हो । शासनको प्रशासन, नीतिको नियमन र व्यवस्थाको व्यवस्थापन कर्मचारीको कर्म हो ।
राज गर्ने राजनेताहरु कर्म गर्ने कर्मचारीको सक्रियताविना निर्जीव हुन्छन् । त्यसैले भनिएको होला, कुनै पनि सरकार त्यहाको प्रशासनले अनुमति दिएभन्दा राम्रो बन्न सक्तैन । विड्रो विल्सनले एक प्रसंगमा यसलाई राज्यको चौथो अंग पनि भनिदिएका थिए । आधुनिक राज्य व्यवस्थाको केन्द्रस्थमा विना विकल्प कर्म, समर्पण र क्रियाशीलतामा निजामती कर्मचारी नै रहन्छ ।
निजामती कर्मचारीको आविस्कार नै राज्यसञ्चालनमा प्राण भर्नका लागि भएको थियो । त्यसैले निरन्तर रहिरहने मानव संस्था राज्य रहेसम्म राज्य प्रणालीलाई स्वचालित क्रियाशीलतामा परिमार्जन र परिस्कार गर्दै, अनि आफै पनि परिस्कार हुदै जान्छ निजामती सेवा । यस अर्थमा निजामती सेवा र राज्यप्रणाली अभेद्य पारस्पारिकतामा रहन्छन् । एकविना अर्कोको कल्पना पनि गर्न सकिदैन ।
गर्नेबाट नै अपेक्षा गरिने हो । निजामती कर्मचारीबाट पनि थुप्रै अपेक्षा छ । अपेक्षा भएकाले आलोचना पनि छ । आलोचना यदाकदा आक्रमणमा समेत पोखिने गरेको छ । सर्वसाधारणहरु सेवाग्राहीका हैसियतमा छिटो, छरितो, मितव्ययी, विनाझञ्झट, मधुर बोली र मीठो सेवाव्यवहारको अपेक्षामा छन् । सेवाग्राहीकै लागि कर्मचारी उपस्थित छ, सेवाग्राहीकै पसिना तलव सुविधाका रुपमा उपयोग गरिरहेको छस यस अर्थमा सेवाग्राहीका अपेक्षा स्वाभाविक हुन् । तर उसबाट पोखिने मुस्कान, उसको मधुर बोली मनकै पोखाई हो ।
उसको सक्रियता, सामथ्र्य र शक्तिको जोड हो, जुन स्वप्रेरित भएमा, प्रोत्साहित भएमा, स्वस्थ भएमा र उसमाथि निष्पक्ष व्यवहार भएमा मात्र देखिने हुन् । बुझ्नुपर्ने कुरा के हो भने सेवाग्राहीका अपेक्षा पूरा गर्न कर्मचारीलाई पदसोपान, संगठनसीमा र उभयपक्षबाट हुने दवाव–प्रभावले ङ्याक्न सक्छ । कार्यवातावरण, हौसला र शक्ति स्रोतले सेवाग्राहीको मनजित्ने सामथ्र्य बटुल्ने हो, सहयोग र स्यावासीले हौसिने हो ।
सर्वसाधारणलाई थाहा छ सेवा वितरणका काउन्टरहरुमा अहोरात्र उपस्थित कर्मचारी वास्तवमा नेपथ्यको पात्र हो, नामरहित पात्र हो । जनताका लागि गरिने सवै काममा निर्देशक मगजको भूमिका राजनेताको हो, राजनीतिक कार्यकारीको हो । सम्पादित काम निर्देशक मगजका नामबाट नै गरिने हुन् । निर्देशकको आदेशवेगर प्रणालीलाई क्रियाशील पार्ने लामाहातहरु क्रियाशील हुनै सक्तैनन् । हौसला नपाई समर्पित अग्रसरतामा पुग्नै सक्तैनन् । पात्र लगातार काम गर्छ तर निर्देशकबाट हुने अस्वस्थ्य आदेश र फितलो दिशावोधको प्रतिरोध गर्न सक्तैन ।
राजनीति र प्रशासनको सम्बन्ध र सीमाको लक्ष्मणरेखाले कार्य, भूमिका, बृत्ति र मूल्यको सीमांकन गरेको छ । त्यसैले कर्मचारीको मन ठूलो हुन्छ, तर मुखचाहि सानो । साना मुख मधुर वोलीको लागि हो र ठुलो मन विश्वास जितेर मायालु बन्नका लागि ।
आफ्नै पीडा र बृत्ति छटपटीमा पनि धेरैजसो कर्मचारी चाहेर पनि बेल्न सक्तैनन् । फगत कर्म, समर्पण र सरलता निजामती कर्मचारीको बृत्ति हो । त्यसैले निजामती सेवालाई आदर्श भनिएको हो ।
यसोभन्दैमा निजामती कर्मचारी निर्जिव संयन्त्र कदापि होइन । उ जीवन्त संगठनको विवेकशील पात्र हो । उसका पन आभ्यान्तरिक इच्छा, आकांक्षा र उन्मेदहरु हुन्छन् । ब्यक्त हुन वा हुन नसक्नुको उ अपेक्षा र आकांक्षाबिहीन यन्त्र कदापि होइन । बृत्तिसेवक भएकाले प्रणालीभित्र निष्पक्ष र बस्तुगत वृत्तिब्यवहार उसको पहिलो अपेक्षा हो ।
त्यसो भएमा मात्र समर्पित क्रियाशीलतामा स्वचालित अग्रसरता देखाउदै जान्छ । आफू र आफ्ना सन्तानका लागि पेटभरि खान लाउन, सन्तानका लागि शिक्षा स्वास्थ्य दिनसक्ने पारिश्रमिको उपलव्धता उसको दोस्रो अपेक्षा हो । प्रणालीभित्र निष्पक्ष प्रोत्साहन उसको तेस्रो अपेक्षा हो, जसको विपरीत व्यवहार हदा पटकपटक उ अपमानित भएको पनि छ ।
निजामती सेवालाई गरिमामय बनाउने नीति नेतृत्व र दिशावोध उसको चौथो अपेक्षा हो । आफू संलग्न सेवासंगठनको इज्जत बढ्दा समाजमा उसकै नाक अग्लिने हो । पाँचो तर सवैभन्द महत्वपूर्ण अपेक्षा निर्देशक मगजका तर्फबाट सम्पादित काममा जसअपजसको संरक्षण निर्देशक मगजले नै लिइदिए हुन्थ्यो भन्नेमा छ, जुन प्रशासन र राजनीतिको सीमा–सम्बन्ध निर्धारण सिद्धान्त (डिकोटोमी प्रिन्सिपल) को मान्यता र राज्य सञ्चालनको सिद्धान्त पनि हो ।
यसर्थ निजामती कर्मचारीले उसको राजनैतिक कार्यकारीबाट प्रणालीको संरक्षण, वृत्ति सुरक्षा, समान व्यवहार, पर्याप्त सेवा सुविधा, अभिभावकत्व, कार्यप्रोत्साहन, कार्यस्वायत्तता, दिशावोध र नेतृत्व निर्वाह अनि अन्तिम जवाफदेहिता मनदेखि माग गरिरहेको हुन्छ । सफल राजनेताहरु यसो गर्न कदापि पछि पर्दैनन् ।
निजामती सेवालाई बृत्ति चयन गर्दा कर्मचारीले आफूभित्र थुप्रै सोच र उन्मेदहरु संगालेको हुन्छ । एउटा सफल बृत्तिसेवक हुनु भनेको राष्ट्रसेवा र बृत्तिसेवा संगसंगै वरण गर्नु पनि हो । निर्दिष्ट जिम्मेवारी पूरा गर्दै जादा कर्मचारीभित्र विज्ञता पनि बढ्दै जान्छ, विज्ञताले सामथ्र्य र स्वायत्तताको आर्जन गर्छ ।
विवेक र विज्ञताको उपयोगबाट राष्ट्रसेवामा योगदान पु¥याउछ । बृत्तिको सुरक्षा र राष्ट्रनिर्माणको आभ्यान्तरिक स्वप्रेरणाले नै कर्मचारी आदर्श बन्ने हो, संगठन सजीव बनाउने हो, जनता र नेताको मन जित्ने हो, र सरकार अनि सर्वसाधारणबीच सम्बन्ध सेतु बन्ने हो ।
यसैमा निरन्तर रहदा भर्खर जुघारेखा बस्दै गरेको होनभार प्रतिभा मुलुकका भाषिक, भौगोलिक, सांस्कृतिक परिवेशसंग परिचित हुदै जीवन र जवानी नै राष्ट्रसेवामा समर्पण गर्न पुग्छ । यसबीच उससंग बाल्यकालमा खेल्ने साथीसंगी, माया दिने इष्टमित्र, आफै जन्मे हुर्केको पाखा पखेरासंग पत्तै नपाई अलग्गिएको हन्छ । जव सेवाबाट निवृत्त हुन्छ, झल्यास्स आखा खुल्छ खोइ साथी–संगी, खोइ पाखा–पखेरा, खोइ–नातासम्बन्धी ?
यी यावत परिवेशसंग सम्बन्धको नवीकरण चाहेर सम्भव छ र ? जीवन र जवानी रित्याएर पुनर्जिवन १ प्रतिभा र विज्ञता रित्याएर पुनर्वृत्ति १ संस्मरणको प्mल्यासव्याकमा एउटा समर्पित कथाको पात्र झै बृत्तिसेवाको बखान र राष्ट्रसेवा गरेकोमा गर्व गर्छ र वाँकी जीवन विताउँछ । यो निजामती सेवाको आविस्कार नभएको भए ....? विज्ञहरुलाई अध्ययनको विषय बनोस ।
तर यति गरिमा बोक्ने, अहम् भूमिका र महत्व भएको सजीव प्रणालीभित्र केही असजिला पक्षले पनि प्रवेश पाएको छ । समूह भावनामा समर्पित हुने कर्मचारी समूह आस्थामा विभाजित हुदैछ । सेवाको कुनै सदस्यलाई चोट लाग्दा उसलाई मात्र दुख्ने भयो । समूहभित्र ईष्र्या र द्वेष हुर्किन लागेकोले माया र आपसीपना पातलिन लाग्यो ।
प्रणालीको संरक्षण नेतृत्वबाट हुनुपर्ने जस्तो भएन । प्रमोशन र अवसर पनि अस्वस्थ आस्थामा प्रतिस्पर्धी भयो । विचार र आस्थाको छहारी खाज्ने प्रयास हुनथाल्यो । संगठनभित्र सौदावाजी पनि हुर्किएको महशूस गरिँदैछ । आचरण र अनुशासन पातलिँदै छ । कर्म र समपर्णलाई बृत्तिसोचले विस्थापन गर्दैछ ।
इमान्दारहरुले इमान्दार बन्दा पटक पटक चोट पाएका छन्, तर प्रणाली मौन छ । ‘इमान्दार बन्न नपाइने हो कि’ भन्ने संशय पनि देखिएको छ । सतहका यी विकृतिलाई पन्छ्याएर आगामी दिनका लागि असल निजामती प्रणाली कसरी निर्माण गर्ने ?संघीय निजामती सेवा निर्माणका सन्दर्भमा यही प्रश्नको सरल उत्तर खोज्नुको विकल्प छैन ।
मैनाली नेपाल सरकारका सचिव हुन्
([email protected])
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...