मंसिर १४, २०८०
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
बुटवल – जथाभावी उत्खननले कमजोर बन्दै गएको पूर्वपश्चिम राजमार्गको मुख्य भागमा पर्ने बुटवलको तिनाउ पुलमा दैनिकजसो ट्राफिक जाम हुन थालेको छ ।
कमजोर पुलमा दिनहुँ हुने जामको समस्याले दुर्घटनाको जोखिम समेत बढाएको छ । सवारीसाधनको वृद्धिसँगै पुलमा जाम हुन थालेको ट्राफिक प्रहरीको भनाइ छ । नगर भित्रका सडक विस्तार गरिएपनि पुल पुरानै अवस्थामा छ । बुटवल ५ नम्बर प्रदेशको अस्थायी राजधानी भएसँगै सेवाग्राही बुटवल केन्द्रित हुँदा सवारीसाधनको चाप बढेको छ ।
तिनाउ पुल २०३८ सालमा बनेको हो । पछिल्लो समय बुटवलमा हुने जामको समस्या तिनाउ पुल बन्न पुगेको छ । तिनाउ पुल भएर दैनिक हजारौं सवारीसाधन आवतजावत गर्ने गर्छन् । डिभिजन सडक कार्यालय बुटवलका इन्जिनियर रमेश जैसवालले पछिल्ला वर्षमा थपिएका सवारीसाधन र सडक विस्तारको क्षमता तिनाउ पुलले थग्न नसक्ने अवस्थामा पुगेको बताए ।
उनले भने, ‘साँघुरो पुलका कारण गाडीको ठक्करबाट रेलिङ भाँचिने गरेका छन् । बुटवल बजारको सडक फराकिलो छ । तीव्र गतिमा आउने सवारीसाधन साँघुरो पुलमा आएपछि रोकिन्छन् । लामवद्ध भई पुल वारपार गर्दा जाम हुने गर्छ ।’
जामको समस्याले गर्दा तिनाउ पुलमा पश्चिम क्षेत्रीय ट्राफिक प्रहरी कार्यालय बुटवलले २ जना ट्राफिक प्रहरी खटाउन थालेको छ । तिनाउ पुलको विकल्पमा निर्माणाधीन हात्तीसुँढ र गणेशथानको पुल अलपत्र अवस्थामा छन् । बन्दै गरेका २ पुल निर्माण सम्पन्न भएपछि मात्र तिनाउ पुलमा सवारीसाधनको चाप घट्ने छ । तर, दुवै पुल अहिले अलपत्र अवस्थामा छन् । २ सय २६ मिटर लामो पुल २ लेनको छ ।
पश्चिम क्षेत्रीय ट्राफिक प्रहरी कार्यालय बुटवलका प्रहरी नायव उपरीक्षक माधव बुढाथोकी पुलको विकल्प छिटो खोज्नुपर्ने बताउँछन् । ‘पुल अति साँघुरो भयो, यसको विकल्पका रूपमा अरू पुल छैनन्,’ डीएसपी बुढाथोकीले लोकान्तरसँग भने, ‘पश्चिमबाट काठमाडौंदेखि पूर्व जाने गाडीहरू पनि यही पुल प्रयोग गर्छन् ।’
बुटवल पारी जाने, ई–रिक्सा, साइकल, ठेला, पैदल यात्रु सबैको एउटै विकल्प तिनाउ पुल बन्यो । जसले गर्दा हरेक दिन जाम हुन थालेको उनले बताए । कहिलेकाही पुलमा सवारीसाधन बिग्रिएर बाटो खुलाउन ४÷५ घण्टासम्म जाम हुने गरेको छ ।
डीएसपी बुढाथोकीले थपे, ‘तिनाउको विकल्पका रूपमा निर्माणाधीन पुलहरू छिट्टो सम्पन्न गरी सञ्चालनमा ल्याउनुको विकल्प छैन । अन्यथा पुलले ठूलो दुर्घटना समेत निम्ताउने खतरा छ ।’ पुलमा बिहान र बेलुका अझै बढी जाम हुने गर्छ । जसले गर्दा सवारीसाधन व्यवस्थापनमा चुनौती थपिँदै गएको छ । तिनाउ नदी तथा पुलको बारेमा लामो समयदेखि अध्ययन गरेको विज्ञ तथा इन्जिनियर खेटराज दाहालले तिनाउ पुल जुनसुकै बेला ढल्न सक्ने बताउँछन् ।
‘नदीको गहिराइ बढ्दै जाँदा पुललाई अड्याउने फाउन्डेसन साढे ४ मिटर देखिएको छ,’ दाहालले भने, ‘पुल धेरै कमजोर भएको छ । जतिसुकै बेला जे पनि हुन सक्छ । त्यसैमाथि सवारी जाम हुन थालेको देखियो । पुलको तत्काल विकल्प खोज्नुपर्छ ।’
बढ्दो दोहन र वर्षायामको बाढीले नदी गहिरिँदै जाँदा पुलका पिल्लर (खम्बा) को फाउन्डेसन करीब साढे ४ मिटरसम्म देखिन थालेका छन् । चुरे क्षेत्रबाट भेल बनेर आउने पानीका लागि सहज निकास नपाउँदा तिनाउ नदी प्रत्येक वर्ष गहिरिँदै गएको छ ।
गत वर्ष ठूला–ठूला खाल्डा परेर जीर्ण बनेको पुल सामान्य टालटुल गरिएको थियो । अहिले फेरि पुलमा सामान्य खाल्डाखुल्डी देखिन थालेका छन् । जसले गर्दा पुलमा एकसाथ धेरै सवारीसाधन चल्दा पुल हल्लिने गर्छ । कमजोर पुलले धेरै भार थेग्न सक्दैन ।
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...