अनुष्का शर्मा हिन्दी फिल्म उद्योगमा आएको १० वर्ष पुग्न लागेको छ । सन् २००८ मा रिलिज भएको फिल्म ‘रब ने बना दी जोडी’बाट अनुष्काले बलिउडमा पाइला राखेकी थिइन् । अनुष्का अहिले आफ्नो आउँदै गरेको फिल्म ‘जिरो’ को प्रमोसनमा छिन् ।

केहीपहिले अनुष्का गर्भवती भएको खबर बाहिर आएको थियो । आफ्नो निजी जीवनबारे खासै नखुल्ने अनुष्का यसपटक भने खुलेकी छिन् । हालै अनुष्का फिल्मको प्रमोसनका लागि आफ्नो टिमसँग देखा परेकी थिइन् । एक कार्यक्रमका दौरान उनले आफू गर्भवती नभएको बारे खुलाएकी छिन् ।

उनले भनेकी छिन्, ‘मलाई थाहा छैन कि यस्ता खबर कहाँबाट आउँछन् । यो बेकारको कुरा हो । तपाईं बिहे लुकाउन सक्नुहुन्छ, तर गर्भवती भएको सक्नुहुन्न ।’ उनले थपिन्, ‘यस्ता समाचार निकैपटक अभिनेत्रीले सामना गर्नुपर्छ । तर, मेरा लागि अफवाहले कुनै अर्थ राख्दैन ।’ गर्भवती हुनुभन्दा पहिले नै मिडियाले आमा बनाइसक्ने भन्दै उनले मिडियाप्रति व्यंग्य गरिन् । ‘यसले मलाई केही असर गर्दैन । यस्ता खबर सुनेर मलाई हाँसो उठ्छ,’ उनले भनिन् ।