पुस २५, २०८०
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
फागुन ५, २०७५
काठमाडौं– प्रधानमन्त्री केपी शर्मा ओलीले व्याजदरमा हस्तक्षेप गर्न निर्देशन दिनुभएको छ । प्रधानमन्त्री निवास बालुवाटारमा शनिबार उद्योगी व्यवसायीका साथै अर्थमन्त्री र गभर्नरलाई सँगै राखेर उहाँले यस्तो निर्देशन दिनु भएको हो ।
छलफलमा प्रधानमन्त्री ओलीले आन्दोलन नगर्न उद्योगी व्यवसायीहरुलाई आग्रह गरेको नेपाल उद्योग वाणिज्य महासंघकी अध्यक्ष भवानी राणाले जानकारी दिनुभयो । प्रधानमन्त्री ओलीलाई उद्योगले नाफा कमाउन छोड्दा बैंक पनि चल्न नसक्ने भन्दै सम्बोधन गर्न निर्देशन दिएको व्यवसायीले बताएका छन् । यस विषयलाई सम्बोधन गर्न आगामी सोमबार अर्थमन्त्रालयले सरोकारवालाई बोलाएर छलफल गर्ने भएको छ ।
सरकारले २० हजार नयाँ कर्मचारी भर्ना गर्ने
सरकारले २० हजार नयाँ कर्मचारी भर्ना गर्ने भएको छ । कर्मचारी समायोजन सकिएपछि १५ देखि २० हजार नयाँ कर्मचारी भर्ना गर्ने सरकारले जनाएको हो । संघीय मामिला तथा सामान्य प्रशासनमन्त्री लालबाबु पण्डितले कर्मचारी भर्नाका लागि लोकसेवा आयोगलाई तयारी अवस्थामा बस्न भनेका छन् ।
नेपाल प्रशासनिक प्रशिक्षण प्रतिष्ठानले शनिबार गरेको कार्यक्रममा उनले समायोजन प्रक्रिया सकिए लगतै नयाँ कर्मचारी भर्ना शुरु गरिने बताए । मन्त्री पण्डितले अब यही महिनाभित्र प्रदेश निजामती सेवा ऐन र स्थानीय सेवासँग जोडिएका मापदण्ड संसद्मा पेश गर्ने जानकारी गराए ।
बिरामीको उपचार र बेवारिसे शव एकै ठाउँमा
देशकै जेठो वीर अस्पतालमा शवगृह नहुँदा बेवारिसे शव र बिरामी एकै ठाउँमा राख्ने गरिएको छ । अस्पतालले इमर्जेन्सी बिरामी र कुरुवा आवतजावत गर्ने गेटमै शव राख्ने गरेको छ । भुइँतलास्थित आकस्मिक कक्षको मुख्य ढोकामै बेडमा छोपेर शव राख्ने गरिन्छ । कुरुवा नभएका बिरामीलाई ढोकानजिकै भित्र राखिएको हुन्छ ।
यही बाटो भएर बिरामी र बिरामीका आफन्त इमर्जेन्सी, एक्स–रे, ल्याब तथा ब्लड बैंक जाने गर्छन् । बाटोमा शव देख्दा केटाकेटी र बिरामी तर्सिने गरेको चिकित्सकहरु बताउँछन् । यो अवस्थाले बिरामीमाा मानसिक र शारीरिक समस्या आउन सक्ने उनीहरु बताउँछन् । अस्पतालका इमर्जेन्सी विभाग प्रमुख डा. भोलाराम श्रेष्ठले बिरामी र शव एकै ठाउँ राख्नु बाध्यता भएको बताए ।, नयाँ पत्रिकामा खबर छ ।
कीर्तिपुरमा चार रिक्टरको परकम्प
कीर्तिपुर आसपास केन्द्रबिन्दु भई चार रिक्टर स्केलको परकम्प भएको छ । शनिबार साँझ ८ बजेर ३४ मिनेटको समयमा परकम्प गएको खानी तथा भूगर्भ विभाग, राष्ट्रिय भूकम्प मापन केन्द्रका प्रमुख लोकविजय अधिकारीले जानकारी दिए ।
उनका अनुसार यो भूकम्प नभई गोरखा भूकम्पको परकम्प हो । काठमाडौँमा पनि परकम्पको ठूलो धक्का महसुस भएको थियो । यसअघि फागुन २ गते ताप्लेजुङको कञ्चनजङ्घा आसपास केन्द्रबिन्दु भएर ४.६ रिक्टर स्केलको भूकम्प गएको थियो ।
जनता आवास कार्यक्रम अघि बढाउन बाटो खुल्यो
कर्णाली प्रदेश सरकारले जनता आवास कार्यक्रम कार्यान्वयन कार्यविधि स्वीकृत गरेको छ । मन्त्रिपरिषद्को शनिबारको बैठकले उक्त कार्यक्रम अघि बढाउन भौतिक पूर्वाधार विकास मन्त्रालयले तयार पारेको कार्यविधि स्वीकृत गरेको हो ।
सङ्घले प्रदेशलाई हस्तान्तरण गरे पनि कार्यविधि अभावले कार्यक्रम सञ्चालन हुन सकेको थिएन । यसअघि सङ्घीय सरकारले दलित, विपन्न मुसलमान, लोपोन्मुख तथा अति सीमान्तकृत जाति÷समुदायलाई निःशुल्क आवास निर्माण गर्न जनता आवास कार्यक्रम सञ्चालन गर्दै आएको थियो । सरकारले आव ०६६÷६७ देखि जनता आवास कार्यक्रम ल्याएको हो ।
श्रीमान्विरुद्ध जबर्जस्ती करणीको मुद्दा दर्ता
डोटीको शिखर नगरपालिका–६ बस्ने ४६ वर्षका डिल्लीराज फुलाराविरुद्ध निजकै श्रीमती कल्पना फुलाराले आफूलाई जबरर्जस्ती करणी गर्न खोजेको भन्दै जिल्ला प्रहरी कार्यालय डोटीमा मुद्दा दर्ता गरेकी छिन् । आफ्ना श्रीमान्ले आफूलाई जबरजस्ती करणी गर्न खोजेको भन्दै उनले प्रहरी कार्यालयमा फागुन १ गते मुद्दा दर्ता गरेको जिल्ला प्रहरी कार्यालय डोटीका मुद्दा फाँटका प्रहरी निरीक्षक सुरेन्द्रबहादुर बमले बताए ।
आफ्नै श्रीमान्ले बलात्कार गर्न खोजेको भन्ने विषयमा डोटीमा श्रीमतीले मुद्दा दर्ता गराएको यो पहिलो घटना हो । जिल्ला प्रहरी कार्यालय डोटीका मुद्दा फाँटका प्रहरी निरीक्षक बमका अनुसार श्रीमतीले दिएको निवेदनअनुसार कसुर प्रमाणित भए श्रीमान् डिल्लीराजलाई दुई वर्ष ६ महीना जेल सजाय हुनसक्ने नियम रहेको जानकारी दिए ।
चट्याङ लागेर छ घाइते
वनभोज मनाउन भक्तपुरको सूर्यविनायक नगरपालिका–७ घ्याम्पेडाँडा आएका ६ जना विद्यार्थी चट्याङ परेर घाइते भएका छन् । त्रिभुवन विश्वविद्यालयका विद्यार्थी वनभोज मनाइरहँदा वर्षासँगै परेको चट्याङमा परेर घाइते भएको प्रहरी नायब उपरीक्षक रेवतीरमण पोखरेलले जानकारी दिए । घाइते सबैलाई उपचारका लागि डा इवामुरा मेमोरियल अस्पताल सल्लाघारी लगिएको थियो ।
राप्रपाले देशभर ज्ञापनपत्र बुझाउने
राष्ट्रिय प्रजातन्त्र पार्टीले विभिन्न २१ बुँदे माग राखेर आगामी फागुन ७ गते देशव्यापी रुपमा ज्ञापनपत्र बुझाउने जनाएको छ । सनातन हिन्दु राष्ट्र कायम, संघीयताबारे आम जनताको धारणा बुझ्न जनमत संग्रह माग, नेपाली संस्करणको मौलिक प्रजातन्त्र स्थापना, भ्रष्टाचार नियन्त्रण लगायतका २१ वटा माग समेटिएको ज्ञापनपत्र बुझाउने तयारी राप्रपाले गरेको छ ।
केन्द्रमा प्रधानमन्त्रीलाई, प्रदेशमा मुख्यमन्त्रीलाई र जिल्लामा सीडीओलाई ज्ञापनपत्र बुझाउने कार्यक्रम राखिएको महामन्त्री राजाराम बर्तौलाले जानकारी दिए । शनिबार बसेको केन्द्रीय कार्यसम्पादन समितिको बैठकले ७ गतेदेखि नै शुरु हुने जनसंघर्षका कार्यक्रमहरु बारेसमेत छलफल गरेको थियो ।
क्यामरुनलाई बुढासुब्बा गोल्डकपको उपाधि
विसं २०५८ पछि पहिलोपटक बुढासुब्बा गोल्डकपमा फाइनलमा पुगेको आयोजक धरान फुटबल क्लब फेरि डफिन्स क्यामरुनसँग पराजित भएको छ । इतिहास बनाउने दाउमा घरेलु मैदानमा दर्शकको अपार साथलाई आयोजक धरानले सदुपयोग गर्न सकेन ।
मनकामना गोल्डकपको विजेता क्यामरुनले यो सिजनमा नेपालबाट फेरि अर्को बुढासुब्बा गोल्डकपको उपाधि थपेको छ । शनिबार सम्पन्न फाइलनमा धरानलाई टाइब्रेकरमा ३–२ को अन्तरले रोक्दै उपाधि हात पारेको हो । उपाधिसँगै उसले नगद रु आठ लाख हात पारेको छ । उपविजेता धरान फुटबल क्लबले नगद रु चार लाख हात पारेको छ ।
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...