काठमाडौं – लुम्बिनी विकास बैंक लिमिटेडले आफ्नो संस्थागत सामाजिक उत्तरदायित्व निर्वाह गर्ने क्रममा काठमाडौंको सिनामंगलस्थित इनेबल नेपाललाई आर्थिक सहयोग गरेको छ ।

संस्थाद्वारा सञ्चालित कूहिनाभन्दा तलको हात नभएका १६ वर्षमुनिका बालबालिकालाई क्यानेडियन प्रविधिको थ्रिडी प्रिन्टेड हात निःशुल्क वितरण गर्ने कार्यक्रमलाई सहयोग पुर्याउन बैंकका प्रमुख कार्यकारी अधिकृत नरेशसिंह बोहरा तथा मुख्य व्यवस्थापक हरिकृष्ला सुवेदीले संयुक्त रुपमा इनेबल नेपालका अध्यक्ष सुरेन्द्र श्रेष्ठलाई १ लाख रुपैयाँको चेक हस्तान्तरण गरेका छन् ।

थ्रिडी प्रिन्टेड हातबाट बालबालिकाले व्यायाम गर्ने, समात्ने, बोक्ने, साइकल चलाउने लगायतका कार्य गर्नसक्ने इनेबल नेपालले जनाएको छ ।

रकम हस्तान्तरण गर्दै बैंकका प्रमुख कार्यकारी अधिकृत नरेशसिंह बोहराले लुम्बिनी विकास बैंकले मानवीय कार्यमा समर्पित यस किसिमका विभिन्न सामाजिक संघसंस्थालाई सहयोग गर्ने एवं बैंक आफैं प्रत्यक्ष सहभागी भई सेवा पुर्याउने समेत बताए ।