कुनै समय अभिनेता एवं मोडल पल शाहका म्युजिक भिडियो दिनहुँजसो युट्युबमा सार्वजनिक हुन्थे । ​त्यससमय महिनामै २० वटाभन्दा बढी म्युजिक भिडियोमा अभिनय गर्ने गरेको उनी स्वयंमले बताएका थिए ।

हिजोआज भने उनका भिडियो पहिले जति संख्यामा सार्वजनिक भएका छैनन् । सार्वजनिक उनका भिडियोले भ्युज पनि अपेक्षित पाइरहेका छैनन् । यो समयमा पललाई महोत्सवमा भने भ्याइ नभ्याइ देखिएको छ । 

उनी अबका ८ दिनमा ८ वटा महोत्सवमा सहभागी हुँदैछन् । सोमवार लमजुङ पुगेर उनले प्रस्तुति दिँदैछन् । माघ २ गते मंगलवार उनी अत्तरिया महोत्सव कैलाली पुग्दैछन् । ३, ४ र ४ गते बर्दियामा आयोजित ३ वटा महोत्सवमा उनले प्रस्तुति दिँदैछन् । ३ गते राजापुर महोत्सव, ४ गते बाँसगढी महोत्सव र ५ गते गेरुवा महोत्सवमा उनको प्रस्तुति रहने छ । 

त्यस्तै, ६ गते घोडाघोडी महोत्सव कैलालीमा प्रस्तुति दिने पलले ७ गते सल्यान र ८ गते दाङ पुगेर महोत्सवमा प्रस्तुति दिनेछन् ।

उनी पुग्ने महोत्सवमा दर्शकको थामीनसक्नु भीड लाग्ने गरेको छ । उनको आगमनले दर्शकको भीड लाग्ने विश्वासले पललाई महंगो पारिश्रमिक दिएरै भए पनि महोत्सवमा लैजान आयोजकहरू अग्रसर देखिएका हुन् ।

महोत्सवमा पलले आफ्नो मोडलिङ रहेका चर्चित गीतमा नृत्य गर्ने गरेका छन् । 

उनी पछिल्लो समय म्युजिक भिडियोमा भने कम देखिएका छन् ।