बाँकेको नेपालगन्ज उपमहानगरपालिका १ बाट स्रोत नखुलेको ३८ लाख ६३ हजार नेपाली रुपैयाँसहित ३ जना पक्राउ परेका छन् ।

पक्राउ पर्नेहरूमा बर्दिया राजापुर नगरपालिका १ का २० वर्षीय अनुप थारू, बर्दियाको बारबर्दिया नगरपालिका २ का २५ वर्षीया पूर्णिमा चौधरी र बाँके नेपालगन्ज उपमहानगरपालिका १६ का ३६ वर्षीय सहिब अहमद जसगड छन् । 

उनीहरूलाई आइतवार साँझ पक्राउ गरिएको प्रहरीले जनाएको छ ।

जिल्ला प्रहरी कार्यालय बाँकेबाट खटिएको प्रहरीले उनीहरूलाई नगदसहित पक्राउ गरेको हो ।

थप अनुसन्धान भइरहेको प्रहरीले जनाएको छ।