नेपाल कम्युनिस्ट पार्टी (एकीकृत समाजवादी)का अध्यक्ष माधवकुमार नेपालले सबै कम्युनिस्टहरू एकीकृत हुनुपर्ने बताएका छन् । मुलुकको राष्ट्रिय हित र जनजीविकाका लागि सबै कम्युनिस्टहरू एकीकृत हुनुपर्ने उनले बताए ।​

पार्टी निकट महिला संघद्वारा आज काठमाडौंमा आयोजित भेलामा उनले कम्युनिस्ट विचार बोकेका सबै दल मिलाउने पक्षमा आफ्नो पार्टी रहेको बताए । त्यसका लागि आफूले सक्दो सहयोग गर्ने उनको प्रतिबद्धता थियो ।

देशमा लोकतान्त्रिक गणतन्त्र स्थापना भए पनि जनताको आर्थिक तथा सामाजिक रुपान्तरण हुन नसकेको उनले बताए

सबै कम्युनिस्टलाई गोलबद्ध गराएर देश बनाउन र जनतालाई गरिबीबाट मुक्त बनाउनुपर्नेमा उनले जोड दिए ।

अध्यक्ष नेपालले देशमा छरिएका सबै कम्युनिस्टलाई मिलाएर बलियो कम्युनिस्ट पार्टी निर्माणका लागि आफ्नो पार्टीले जस्तो पनि त्याग गर्न तयार रहेको बताए । 'हामीलाई कुनै पद ओगटेर बस्नु छैन । हामीलाई प्रधानमन्त्री तथा पार्टी अध्यक्ष पनि चाहिएको छैन', उनले भने ।