सरकारले नेपाल प्रहरीको केन्द्रीय अनुसन्धान ब्यूरो (सीआइबी)को प्रमुखमा एआइजी श्यामलाल ज्ञवालीलाई सरुवा गरेएको छ ।

शुक्रवार बसेको मन्त्रिपरिषद् बैठकले किरण बज्राचार्यलाई सरुवा गर्दै ज्ञवालीलाई जिम्मा दिएको हो।

बैठकपछि सरकारकी प्रवक्तासमेत रहेकी सञ्चार तथा सूचना प्रविधि मन्त्री रेखा शर्माले सुन तस्करी सम्बन्धमा छानबिन गर्न गठित आयोगको प्रतिवेदन तत्काल कार्यान्वयनमा लैजाने निर्णय भएको जानकारी दिइन् ।

उच्च अदालतका पूर्वन्यायाधीश डिल्लीराज आचार्य संयोजकत्वको आयोगले सुन तस्करीका दोषीलाई उम्काउन बज्राचार्यको कमजोरी रहेको भन्दै विभागीय कारबाहीको सिफारिस गरेको थियो ।

बैठकमा प्रधानमन्त्री पुष्पकमल दाहाल 'प्रचण्ड'ले आयोगको प्रतिवेदन तत्काल कार्यान्वयन गर्न गृहमन्त्री रवि लामिछानेलाई निर्देशन दिएका थिए ।

‘मन्त्रिपरिषद् बैठकबारे सरकारका प्रवक्ताले बोल्नु हुन्छ, गृहले पनि छुट्टै ब्रिफिङ गर्छ’, बैठकपछि गृहमन्त्री रवि लामिछाने भने । 

आयोगले गृहमन्त्री लामिछानेलाई बिहीवार मात्रै प्रतिवेदन बुझाएको थियो ।