राष्ट्रपति रामचन्द्र पौडेल तनहुँको देवघाट गाउँपालिका र चितवनको भरतपुर महानगरपालिका जोड्न त्रिशूली नदीमा बनेको पक्की पुलको उद्घाटनका लागि त्यसतर्फ जाँदै छन् । राष्ट्रपति पौडेलले दिउँसो १२:३० बजे पक्की पुलको उद्घाटन गर्ने कार्यक्रम तय भएको छ । 

२१ करोड ६८ लाख ४८ हजारको लागतमा निर्माण भएको पुल तनहुँको देवघाट गाउँपालिका–५ घिनाटार र भरतपुर महानगरपालिका–१ ठिमुरा जोड्ने पुल सञ्चालन भने भइसकेको छ । देवघाट गाउँपालिकाका अध्यक्ष तिलबहादुर थापाले पुलको औपचारिक उद्घाटन गर्न बाँकी भए पनि पुल सञ्चालन केही समययता सञ्चालनमा आएको बताए । 

त्रिशूली नदीमाथि पुल बनाउन २०७१ कात्तिक २० मा तीनवटा निर्माण कम्पनीसँग सम्झौता भएको थियो । सम्झौताअनुसार तीन वर्षभित्र २०७४ कात्तिक १९० मा पुलको निर्माण सम्पन्न गर्ने सम्झौता भएको थियो । 

पछिल्लो  पटक म्याद थपेर २०७९ को चैत मसान्तसम्म निर्माण सम्पन्न गर्ने आलटाल गरे पनि पुल निर्माणबारे राष्ट्रपति पौडेलले चासो राख्दै आएका थिए ।