बाँकेको खजुरामा एक दम्पती घरभित्रै गम्भीर घाइते अवस्थामा फेला परेका छन् ।

जिल्ला प्रहरी कार्यालय बाँकेका अनुसार खजुरा गाउँपालिका सोमवार वडा नम्बर–३ का २९ वर्षीय महेन्द्र रावत र उनकी २७ वर्षीया श्रीमती रिता राउत ठकुरी गम्भीर अवस्थामा फेला परेका हुन् ।

जिल्ला प्रहरी कार्यालय बाँकेका प्रमुख सुभाषचन्द्र बोहोराका अनुसार गम्भीर घाइते उनीहरूको नेपालगन्ज नर्सिङ होममा उपचार भइरहेको छ ।

प्रहरीका अनुसार घाँटी लगायतका स्थानमा धारिलो हतियारले रेटिएको अवस्था उनीहरू भेटिएका थिए ।

घरभित्र चुकुल लगाएर आपसी झगडा गरेको छिमेकीले प्रहरीलाई सूचना दिएपछि प्रहरीले ढोका फोडेर उनीहरूको उद्धार गरेको थियो ।

घाइते दुवैको अवस्था गम्भीर रहेको एसपी बोहोराले लोकान्तरलाई जानकारी दिए ।

घटनाको इलाका प्रहरी कार्यालय, धनौलीले अनुसन्धान शुरू गरेको प्रहरीले जनाएको छ ।