नवनिर्वाचित राष्ट्रियसभा उपाध्यक्ष विमला घिमिरेले शपथ लिएकी छिन् ।

उनलाई अध्यक्ष नारायणप्रसाद दाहालले शीतल निवासस्थित राष्ट्रपति कार्यालयमा बुधवार आयोजित कार्यक्रममा पद तथा गोपनीयताको शपथ ग्रहण गराएका थिए ।

सो अवसरमा राष्ट्रपति रामचन्द्र पौडेललगायत पनि उपस्थित थिए ।

उपाध्यक्ष घिमिरेले बुधवार नै सिंहदरबारस्थित कार्यकक्षमा पद बहाली गरेकी छिन् ।

नेकपा (एमाले)की सांसद घिमिरे यसअघि बुधवार दिउँसो राष्ट्रियसभाको उपाध्यक्षमा निर्वाचित भएकी थिइन् ।

उर्मिला अर्यालले राजीनामा दिएपछि भएको उपाध्यक्षको निर्वाचनमा उनी नेपाली कांग्रेसकी विष्णुदेवी पुडासैनीलाई पराजित गर्दै विजयी बनेकी हुन् ।