चैत १९, २०७५
काठमाडौं – रुसी उड्डयन उद्योगकी प्रभावशाली महिलाको नातालिया फिलेवा दक्षिणपश्चिम जर्मनीस्थित एजेलवाश शहरमा भएको विमान दुर्घटनामा परी निधन भएको छ । ६ सीट भएको विमानमा पाइलटसँगै नातालिया र उनका...
चैत ११, २०७५
काठमाडौं – इस्लामिक स्टेट (आईएस) का दर्जनौं विद्रोहीहरू सुरुङबाट बाहिर निस्केर अमेरिकी समर्थनप्राप्त बलसमक्ष आइतवार आत्मसमर्पण गरेका छन् । आईएसको खलिफा पराजित भएको घोषणाको एक दिनपछि उनीहरूले आत्मसमर्पण गरेका हुन् ।
सिरियाली कुर्दहरूले आईएसको साम्राज्य अन्त्य भए पनि हिरासतमा लिइएका हजारौं विदेशी जिहादी टाइम बमका रूपमा रहेको र विश्वले त्यसलाई तत्कालै निस्तेज गर्नुपर्ने चेतावनी दिएका छन् ।
एएफपीका एक संवाददाताले दर्जनौं मानिस इराकी सीमानजिकको बागूज गाउँमा रहेको जिहादी शिविरबाट पंक्तिबद्ध भएर बाहिर निस्केको देखेका थिए ।
‘यी सुरुङबाट बाहिर आएर आत्मसमर्पण गरेका आईएस लडाकू हुन्,’ कुर्दिश प्रवक्ता जियाकर अमदले भने ।
तीमध्ये केहीले बाक्लो दाह्री पालेका थिए र कालो रंगको वस्त्रमा लामा ऊनी काफ्तान बाँधेका थिए । केहीको अनुहार टाटेपाटे स्कार्फले ढाकिएको थियो । उनीहरू लुक्ने आफ्नो अन्तिम ठाउँबाट बाहिर निस्केका हुन् ।
‘केही अन्य चाहिँ अझै भित्र लुकिरहेका हुन सक्छन्,’ अमदले भने ।
विश्व नेताहरूले सिरियामा आईएसको नियन्त्रणमा रहेको अन्तिम भूमिलाई कुर्दिशहरूको नेतृत्वमा रहेका सिरियाली लोकतान्त्रिक बलले जितेको भनी शनिवार गरिएको घोषणालाई तत्कालै प्रशंसा गरे ।
तर देशमा रहेको अर्धस्वायत्त कुर्दिश क्षेत्रका शीर्ष विदेश मामिला अधिकारीले पक्राउ परेका आईएस सदस्य अझै पनि खतराका रूपमा रहेको बताए ।
‘हजारौं लडाकू छन्, ५४ देशका बालबालिका र महिला छन् र तिनमा इराकी र सिरियालीहरूलाई जोडिएको छैन । उनीहरू हाम्रा लागि अनि अन्तर्राष्ट्रिय समुदायका लागि गम्भीर खतरा हुन्,’ अब्देल करीम ओमरले एएफपीलाई बताए ।
‘बागूजमा चलाइएको कारवाहीको अन्तिम २० दिनमा लडाकूको संख्या निकै बढ्यो,’ उनले बताए ।
आईएसका स्लीपर सेलहरू अझै पनि खतराका रूपमा रहेको उनले चेतावनी दिए ।
कुर्दिशहरूको पार्टी एसडीएफले उक्त क्षेत्रमा रहेका बाँकी जिहादीहरूलाई ध्वस्त पार्न तथा हतियारका सम्भाव्य भण्डार पत्ता लगाउन कारवाही चलाइरहेको छ ।
एसडीएफले महिनौंसम्म गरेको आक्रमणले युफ्रेटिस उपत्यकामा आईएसको अन्तिम गढमा कब्जा जमाएपछि जिहादी र उनीहरूका परिवार क्रमशः बागूजमा जम्मा भए ।
केही भाग्न सफल भए भने धेरै विदेशीहरू त्यहीँ बसिरहे । उनीहरूले कि त आत्मसमर्पण गरे कि त मृत्यु नआउन्जेल लडे ।
एसडीएफका अनुसार, जनवरी महिनादेखि ६६ हजार मानिसले आईएसको अन्तिम गढ त्यागे । तिनमा ५ हजार जिहादी र तिनका २४ हजार नातेदार पनि छन् ।
मानिसहरूलाई गढबाट बाहिर निस्केर युफ्रेटिस नदीको किनारमा लग्नका लागि धेरैपटक आक्रमण रोकिएका थिए ।
एसडीएफले बागूजबाट निस्केका मानिसका जत्थालाई परीक्षण गरेका छन् । उनीहरूले जिहादी भनी आशंका गरेका व्यक्तिलाई हिरासतमा लिएका छन् र नागरिक तथा आईएसका नातेदारलाई अझ उत्तरका शिविरमा लगेका छन् ।
धेरैजसो नातेदारलाई अल–होल शिविरमा कोचिएको छ । त्यहाँ २० हजार मानिस अट्ने क्षमता छ तर त्यहाँ ७२ हजारजना बसिरहेका छन् ।
उत्तरपूर्वी सिरियाको कुर्दिश प्रशासनले यत्ति धेरै मानिसलाई हिरासतमा राख्ने क्षमता आफूसँग नरहेको र उनीहरूको पुर्पक्ष गर्न त झनै नसक्ने बताएको छ ।
तर आईएसका सदस्य भनी आरोप लागेका व्यक्तिलाई उनीहरूका देशले फिर्ता लैजान मानेको छैन किनकि त्यसले सुरक्षामा जोखिम ल्याउँछ र जनता पनि भड्किने सम्भावना छ ।
एएफपीबाट
काठमाडौं – रुसी उड्डयन उद्योगकी प्रभावशाली महिलाको नातालिया फिलेवा दक्षिणपश्चिम जर्मनीस्थित एजेलवाश शहरमा भएको विमान दुर्घटनामा परी निधन भएको छ । ६ सीट भएको विमानमा पाइलटसँगै नातालिया र उनका...
कही दिन यताको शंका आशंकाबीच उत्तर कोरियाका शासक किम जोन उन चीनको भ्रमणमा गएको पुष्टि भएको छ । चीन र उत्तर कोरिया दुवैले यो कुरालाई पुष्टि गरिसकेका छन् । सनु २०११ पछि नेतृत्वमा आएका किमको...
लस एन्जेलस, ७ माघ - अमेरिकाको क्यालिफोर्नियास्थीत मरुभूमिमा हेलिकोप्टर दुर्घटना हुँदा दुई जना अमेरिकी सैन्य विमान चालकको मृत्यु भएको छ । शनिबार बिहान प्रशिक्षणका क्रममा उक्त हेलिकोप्टर दुर्घटनामा प...
काठमाडौं – अफ्रिकी मुलुक मोजाम्बिकमा इडाइ आँधीको प्रकोपपछि हैजा फैलिएको छ । आँधीप्रभावित क्षेत्रमा कम्तीमा १ हजार ५२ जना प्रभावित भएका छन् । विगत चार दिनदेखि संक्रमण तीव्र गतिमा फैलिएको छ ।&nbs...
दोहा– खाडी क्षेत्रका छिमेकीबाट नाकाबन्धी खेपिरहेको इन्धनमा धनी राष्ट्र कतारले आगामी पाँच बर्षमा अमेरिकी उर्जा क्षेत्रमा २० अर्ब अमेरिकी डलरभन्दा बढी लगानी गर्ने बताएको छ । दोहामा भएको दुई दिन लाम...
भारत- भारतीय लोकसभा निर्वाचनको मिति घोषणा भएको छ । बीबीसी हिन्दीका अनुसार भारतीय लोकसभाको निर्वाचनको सात चरणमा हुने भएको छ । लोकसभा निर्वाचन ११ अप्रिलबाट शुरू भएर १९ मे सम्पन्न हुने भारतीय सञ्च...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...