पुस १९, २०८०
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
मंसिर १८, २०७६
निवर्तमान भौतिक पूर्वाधार तथा यातायात मन्त्री रघुवीर महासेठले मन्त्रीको हैसियतमा सरकारी सुविधामा प्राप्त २ वटा गाडी अझैसम्म फिर्ता नगरेको पाइएको छ ।
मन्त्रीको जिम्मेवारीबाट हटाइएको २ साता बितिसक्दा पनि महासेठले सरकारी सम्पत्तिमा रजाइँ गरिरहेका हुन् ।
स्रोतका अनुसार महासेठले फिर्ता नगरेका २ मध्ये एउटा गाडी उनकी श्रीमती जुली महतो चढ्छिन् । महतो सांसद हुन्, तर उनलाई सांसदका रूपमा सवारी सुविधा उपलब्ध हुँदैन ।
महासेठले मन्त्री हुँदा पत्नी आफन्तका लागि समेत भाग पुग्ने गरी सरकारी गाडी लिएका थिए ।
प्रधानमन्त्री केपी शर्मा ओलीले मंसिर ४ गते महासेठसहित ६ मन्त्री र ३ राज्यमन्त्री गरी ९ जनालाई हटाएर नयाँ मन्त्री नियुक्त गरेका थिए ।
नयाँ मन्त्रीहरूले मंसिर ५ गते शपथ ग्रहण गरेर कार्यभार सम्हालेको समेत २ साता बितिसकेको छ, तर महासेठदम्पत्ति सरकारी सुविधाको गाडी चढिरहेका छन् ।
मन्त्रालय स्रोतका अनुसार महासेठले मन्त्रालय र विभागका गरी ७ वटा गाडी लिएका थिए, त्यसमध्ये २ वटा गाडी फिर्ता नभएको हो ।
*बा२झ २२१५ र बा२झ ४०२९ नम्बरको गाडी मन्त्रालयमा फिर्ता भएको छैन ।
भौतिक पूर्वाधार तथा यातायात मन्त्रालय अहिले मन्त्री वसन्त नेम्वाङले सम्हाल्दै आएका छन् ।
धनी मन्त्रीको अनैतिक काम, लालची पारा !
जिम्मेवारीबाट हटेलगत्तै सुविधामा प्राप्त गाडी फिर्ता गर्नु कानूनी दायित्व र नैतिक कर्तव्य पनि हो । तर महासेठले यी दुवै कुराको ख्याल गरेको देखिँदैन ।
महासेठ आफैंले उल्लेख गरेको सम्पत्ति विवरण हेर्दा यसरी सरकारी सम्पत्तिको दुरूपयोग गरिरहनु झनै लज्जास्पद देखिन्छ ।
तत्कालीन मन्त्री महासेठले २०७५ साल वैशाख १९ गते प्रधानमन्त्री तथा मन्त्रिपरिषद्को कार्यालयमा बुझाएको सम्पत्ति विवरणअनुसार उनी आफ्ना समकक्षी मन्त्रीहरूभन्दा निकै धनी देखिएका थिए ।
१००८० – २०७४/०७५ नम्बरमा मन्त्रिपरिषद् कार्यालयमा दर्ता भएको विवरणअनुसार ललितपुर महानगरपालिका वडा नम्बर २५ नख्खुमा ५ हजार ८ सय वर्गफिटमा फैलिएको घर छ ।
श्रीमती जुली महतोको नाममा रहेको उक्त बंगला निकै आलिशान छ ।
धनुषास्थित जनकपुर उपमहानगरपालिका वडा नम्बर ९ मा ४ हजार २ सय वर्गफिटमा फैलिएको साढे २ तले र धनुषाकै मिथिला बिहारी नगरपालिकामा पैत्रिक घर रहेको उल्लेख उनले सम्पत्ति विवरणमा गरेका थिए ।
यसैगरी ललितपुर महानगरपालिकाभित्र २ कित्तामा गरी ४ रोपनी ४ आना जग्गाभन्दा बढी जग्गा श्रीमतीकै नाममा रहेको सम्पत्ति विवरणमा उल्लेख छ ।
श्रीमती जुलीकै नाममा धनुषामा ८ बिघा ५ कट्ठा, आफ्नै नाममा १ बिघा १५ कठ्ठा जग्गा रहेको मन्त्री महासेठले उल्लेख गरेका थिए ।
महासेठसँग सुन ५२ तोला छ, जसमध्ये २५ तोला दाइजोमा प्राप्त भएको दाबी उनले गरेका थिए ।
यस्तै डेढ किलो चाँदी, ४० करोड रुपैयाँ बराबरको शेयर, नगद ७२ लाख बैंक ब्यालेन्स समेत रहेको उनी आफैंले उल्लेख गरेका छन् ।
हिरा जबाहरततर्फ ७ वटा औंठी, ३ वटा हार, ३ वटा सिक्री इत्यादि रहेको देखिन्छ ।
महासेठ मन्त्री बन्नुअगाडिको चल/अचल सम्पत्तिको मूल्यांकन गर्ने हो भने अर्बमा हुन आउँछ । सगोलको १४६ विघा जग्गा त त्यसभन्दा अलग हो ।
सूचना अधिकारी भन्छन्, गाडी फिर्ता गर्नु नैतिक जिम्मेवारी !
भौतिक पूर्वाधार तथा यातायात मन्त्रालयका सूचना अधिकारी मोहनप्रसाद चापागाईं मन्त्रीको रूपमा सुविधामा पाएको गाडी मन्त्रीबाट हटेपछि फिर्ता गर्नु नैतिक जिम्मेवारी भएको बताउँछन् ।
‘आफ्नो पदीय दायित्वबाट हटेपछि नैतिकरूपमा बुझउनुपर्ने हो,’ चापागाईंले लोकान्तरसँग भने, ‘अलि बढी समय भयो भने ताकेता गर्ने हो, के हुँदैछ मैले पनि बुझ्नुपर्छ ।’
राज्यमन्त्रीका पीएले पनि फिर्ता गरेनन् गाडी !
महासेठसँगै मन्त्रीबाट हटाइएकी निवर्तमान कृषि तथा पशुपन्छी विकास राज्यमन्त्री रामकुमारी चौधरीका स्वकीय सचिवहरूले पनि गाडी फिर्ता गरेका छैनन् ।
चौधरी राज्यमन्त्री छँदा स्वकीय सचिव रहेका शैलेन्द्र थामी र नामुक हाङ मेन्याङ्वोले गाडी फिर्ता नगरेका हुन् ।
थामीले बा२झ १५६२ नं. र नामुक हाङ मेन्याङ्वोले बा२झ ७ नं. गाडी प्रयोग गर्थे ।
मन्त्री चौधरीले मन्त्रालय छाडेपनि स्वकीय सचिवले प्रयोग गरेका दुवै गाडी प्रयोग गरिरहेको मन्त्रालय स्रोतले जानकारी दियो ।
स्रोतका अनुसार राज्यमन्त्री चौधरीको सचिवालयले प्रयोग गरेको १ थान ल्यापटप र क्यामेरा समेत फिर्ता भएको छैन ।
*गाडी नम्बर बा२झ २२१५ हुनुपर्नेमा स्रोतले दिएको सूचनाका आधारमा बा२झ २२१६ उल्लेख गर्दा अन्यथा भएकाले सच्याइएको छ ।
पढ्नुहोस्, यो पनि :
यी हुन् ओली सरकारका सबैभन्दा धनी 'अर्बपति' मन्त्री [सम्पत्तिको पूरा विवरणसहित]
जाँदाजाँदै महासेठको स्वार्थपूर्ण निर्णय– नयाँ ट्याक्सी दर्तामा अव्यवहारिक मापदण्ड !
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
बाँसबारी छालाजुत्ता कारखानाको जग्गा हडपेको आरोप लागेका नेपाली कांग्रेसका सांसद तथा डलर अर्बपति विनोद चौधरी केही दिनअघि भारत हानिए । ५ दिनअगाडि उनले भारतका केन्द्रीय जलशक्ति मन्त्री गजेन्द्र सिंह शेखावतसँग ...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...