कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
कास्की | फागुन २४, २०८०
पोखरा आर्ट ग्यालरी विगत १८ महिनादेखि भाडाको घरमा आश्रित छ । पोखराको मुख्य बजारबाट विस्थापित बनेका कलाकार आजभोलि ‘क्षत्री समाज’को घरमा चित्र प्रर्दशनी गर्न बाध्य छन् । पोखराको मुख्य चोक महेन्द्रपुलबाट विस्थापित बनेका कलाकार नयाँ बजारको सुनसान कुनामा चित्र प्रर्दशनी गर्छन् । कार्यक्रम भए/नभएको जानकारी नै हुन्न ।
‘पोखरा घर’को आश्वासन दिएर महेन्द्रपुलबाट कलाकार उठाएका प्रमुख धनराज आचार्यले १८ महिना बित्दासम्म आफ्नो वचन पूरा गर्न सकेका छैनन् । पोखरा घर बनाउन छुट्टाइएको जग्गामा बोर्डबाहेक केही ठडिन सकेको छैन । आर्ट ग्यालरी र पुस्तकालय भत्काएका प्रमुखले त्यहाँ सार्वजनिक शौचालय र झण्डा पार्क बनाएर धुमधामका साथ उद्घाटन गरे । गत वर्ष भवन भत्काउँदा नै आलोचना खेपेका महानगर प्रमुखले झण्डा पार्क उद्घाटन गरेपछि थप आलोचना खेप्नुपर्यो । सामाजिक सञ्जालमा उनको कार्यविरुद्ध कलाकार र साहित्य प्रेमीले खनिए । मिडियामा चौतर्फी आलोचना भयो ।
चौतर्फी विवाद खेपिरहेको प्रमुखले बुधबार पोखराको एक कार्यक्रममा आक्रोश पोखेका छन् । गण्डकी प्रदेश प्रादेशिक ललितकला प्रदर्शनी २०८० को समापन समारोहमा बोल्दै प्रमुख धनराजले आर्ट ग्यालरीको विषयमा किन खेदेको भनेर प्रश्न गरेका हुन् ।
‘यो आर्ट ग्यालरी बनाउने भनेर महानगरले १० करोडको बजेट बनाउँदै छ । सम्पूर्ण कुरा हामीले नै सपोर्ट गर्छौं भनेका छौं । अनि त्यहाँबाट सार्न यो ठाउँ खोजेर हामीले नै ल्याएर राखेका हौं । अनि किन यसरी खेद्नुहुन्छ ?,’आक्रोशित हुँदै उनले प्रश्न गरे ।
भाडाको घरमा आर्ट ग्यालरी सञ्चालन गर्नुअघि महेन्द्रपुलमा रहेको जीर्ण भवनमा आर्ट ग्यालरी थियो । जसलाई भत्काउने निर्णय यसअघिका प्रमुखले नै गरेका थिए । आर्ट ग्यालरी व्यवस्थापन गर्ने अन्य स्थान नपाएपछि सो योजना रोकिएको थियो ।
सो योजनालाई अघि सार्दै महानगर प्रमुख आचार्यले गतवर्ष भदौ २३ गते पोखरा आर्ट ग्यालरीमा डोजर चलाए । विकल्प नदिई सारिएको विषयमा कलाकारले त्यस समय चित्त दुखाएका थिए । यद्यपि पोखरा घर बनाएर कलाकारलाई व्यवस्थित गर्ने भन्दै धनराजको आश्वासन पाएपछि पोखरेली कलाकार पर्खाइमा थिए । तर, १८ महिना बितिसक्दा पनि भवन ठडिन सकेनन् । भवन निर्माणका लागि महानगरले केही समयअघि मात्र टेन्डर आह्वान गरेको थियो । पोखरा घर बनाउन ध्यान नदिएका प्रमुखले यसबीच झण्डा पार्क र १ करोड लगानीमा बनेको सार्वजनिक शौचालय उद्घाटन गरे । त्यसपछि प्रमुख थप आलोचित बन्न पुगे । जसको प्रतिरक्षामा उत्रिँदै धनराजले महानगरले आर्ट ग्यालरी र लाइब्रेरी व्यवस्थापनको जिम्मा गरिरहेको बताए ।
‘यो लाइब्रेरीको स्टाफ पनि हामीले दिएका छौँ । महानगरपालिका सञ्चालन गरेको छ । त्यो लेख्न पर्दैन ? अनि खाली त्यही लेख्या छ, खेद्या छ खेद्या छ । यस्तो कुरा चाहिँ नगर्नु,’ कड्किँदै उनले भने ।
समापन कार्यक्रममा प्रमुखसँग खुला अन्तरक्रिया कार्यक्रम भएको थियो । सो खुला प्लेटफर्ममा कलाकारले प्रमुखलाई ‘पोखरा आर्ट ग्यालरी कहिले बन्छ ?’ भन्दै प्रश्न गरेका थिए । उनले प्रतिष्ठानले राखेको सो अन्तरक्रिया कार्यक्रमलाई गलत डिजाइन भएको बताए । आफूलाई प्रश्न गर्ने र उत्तर दिने स्थान सार्वजनिक सुनुवाइ रहेको उनको भनाइ थियो ।
‘यसको व्यवस्थापन कसले गरेछ भनेर सोध्नु न यो लाइब्रेरी र आर्ट ग्यालरीको व्यवस्थापन महानगरले गरेको छ,’ उनी चर्किए,‘यो चाहिँ मसँग जुहारी खेल्ने ठाउँ होइन । प्रोगाम डिजाइन गलत भयो । मसँग प्रश्नोत्तर राख्न सार्वजनिक सुनुवाइ मै राख्छु नि ! यो त मलाई कठघरामा उभ्याउन जरुरी नै छैन ।’
चित्रबाट रुष्ट बनेका धनराज
हातमा रङको बाल्टी बोकेर सडकमा हिँडिरहेका एक व्यक्ति । कालो चश्मा, ढाकाटोपी र कोटमा ठाँटिएर । हातमा रङको ब्रस र बाल्टी हरियै । रङ मात्र हरियो थिएन । शहर नै हरियो थियो । कोट पेन्टमा ठाँटिएका ती व्यक्ति हिँड्दै थिए ‘ग्रिन सिटी’ बनाउन । शहरका सबै घर हरियो रङले पोतिएको । जित गुरुङले बनाएको चित्रको एक कुनामा लेखिएको थियो ‘ग्रिन सिटी’ । जुन व्यग्यं थियो पोखरा महानगरका प्रमुख धनराज आचार्यप्रति । सो चित्र ललितकला प्रर्दशनीमा थियो । महानगर प्रमुखले सोही चित्रमा समेत आक्रोश पोख्दै चित्रकारसँगै स्पष्टीकरण मागे ।
‘कहाँं महानगरले हरियो पोत्ने भन्यो अनि हाम्रो आर्टिस्टले कसरी त्यो चित्र बनाउनुभयो । त्यसको पनि जस्टिफिकेसन होला । हरित शहर भनेर घर पोत्ने भनेको छ र हरियो भनेर । कहाँ भनेछ पुष्टि गर्नुस्,’ उनले भने ।
उनी त्यतिमा मात्र रोकिएनन् । आफ्नो बदनामीको क्षतिपूर्ति दिनसक्नेबारे सवाल गरे । ‘यसरी बदनाम गरियो । भएन भनेर यहाँ एउटा पेन्टिङ हरियो नै छ रे । को आर्टिस्टले बनाउनुभयो मलाई जवाफ दिनुस् त । म बदनाम भएको त्यसको क्षतिपूर्ति दिन सक्नुहुन्छ । सिटी मेयर हो म । तपाईँहरू सबैको साझा मेयर हो म । पोखरा बदनाम गरेर के पाइन्छ ?,’ उनले जंगिँदै प्रश्न गरे ।
७३ चित्र प्रदर्शनीमा ३५ छानिए
नेपाल ललितकला प्रज्ञा प्रतिष्ठान र गण्डकी प्रज्ञा प्रतिष्ठानको संयुक्त आयोजनामा फागुन १९ गतेबाट सुरु भएको कार्यक्रम बुधबार सकिएको छ । पाँच दिन चलेको प्रदर्शनीमा ७३ जना कलाकारले आफ्नो चित्र प्रदर्शनी गरेका थिए । जसमध्येबाट ३५ वटा चित्र छानिएर थप प्रदर्शनीका लागि छानिएको छ । छानिएका चित्र आगामी जेठ १५ गते राष्ट्रिय ललितकलामा प्रदर्शनीका लागि राखिने छ । ललितकलाले जेठमा काठमाडौँमा गर्ने प्रदर्शनीका लागि सात वटै प्रदेशका कलाकारलाई समेट्न प्रदेशगत प्रदर्शनी गरेको हो ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...