काठमाडौं, ५ चैत-सर्वोच्च अदालतका प्रधानन्यायाधीशदेखि जिल्ला अदालतका न्यायाधीशहरूलाई समेत सम्पत्ति विवरण सार्वजनिक गर्न बाध्य पार्ने भन्दै नवनियुक्त कानून मन्त्री शेरबहादुर तामाङले आफ्नो सम्पत्ति विवरण सार्वजनिक गरेका छन् ।

सोमवार सिंहदरवारस्थित मन्त्रालयमा आयोजित पत्रकार सम्मेलनमा मन्त्री तामाङले आफ्नो प्राथमिकतासहित सम्पत्ति विवरण सार्वजनिक गरेका हुन् । ‘सुशासनको प्रमुख आधार सम्पत्ति विवरण सार्वजनिक गर्नु हो, त्यसैले तपाईंहरूका माझ म सम्पत्ति विवरण सार्वजनिक गर्छु,’ उनले भने ।

मन्त्री तामाङले नेपाल सरकारको अधिकतमदेखि प्रधानमन्त्री र वडा अध्यक्षले समेत सम्पत्ति विवरण सार्वजनिक गर्नु पर्ने उनले बताए ।

‘न्यायाधीशहरुको आचरण कायम राख्न न्यायाधीशहरूको सम्पत्ति विवरण सार्वजनिक गर्ने गरी आवश्यक परे कानून परिमार्जन गर्ने लगायतका उपाय अपनाइने छ,’ मन्त्री तामाङले भने ।

उनले न्यायाधीशहरूको आचारसंहिताको पूर्णकार्यान्वयनको सुनिश्चितताका लागि आवश्यक काम गर्ने समेत प्रतिबद्धता जनाएका छन् ।

कति छ मन्त्री तामाङको सम्पत्ति ?

मन्त्री तामाङले सार्वजनिक गरेको सम्पत्ति विरण अनुसार पत्नी उषकला राईको नाममा काठमाडौंको गोकर्णेश्वर नगरपालिकामा तीन आना तीन पैसा २ दाम जग्गा रहेको छ । उषाकला राइको नाममा मोरङमा र खोटाङमा जग्गा रहेको छ । 

तामाङको नाममा सिन्धुपाल्चोकको सिन्धुकोटमा तीन कित्ता खेत देखाइएको  जसलाई उनले अंशको आधारमा प्राप्त भएको उल्लेख गरेका छन् ।
 

त्यस्तै काठमाडौं महानगरपालिका ९ नम्बर वमा ६ आना २ पैसा १ दाम जग्गा रहेको उल्लेख गरेका छन् । 
 

मन्त्री तमाङसँग ३० तीला सुन रहेको छ । 
 

हेर्नुहोस् भिडियोमा: