‘आँखा जुध्यो’ मा रमाए, ‘बोक्सी उद्योग’ मा रोए

बैशाख ९, २०७५

काठमाडौ, ९ बैशाख- मध्यपश्चिम क्षेत्रमा लोकप्रीय भाका सिंगारु गीत ‘आँखा जुध्यो’ को अडियो तथा भिडियो एक कार्यक्रमबिच शनिबार सार्वजनिक गरिएको छ । बन तथा वातावरणमन्त्री शक्तिबहादुर बस्नेत,पूर्वसासद हरिचरण शाह,सिस्टर नेपालकी अध्यक्ष नन्दा बस्याल लगायतले गीत र म्युजिक भिडियो सार्वजनिक गरेका हुन् ।


पूर्णकला बिसी र शिव संगितको आवाजमा रहेको ‘आँखा जुध्यो’ गीतको लय तथा शब्द संकलन तिलक खड्काले गरेका हुन् । बिबी अनुरागीको संगित संयोजन तथा प्रकाश भट्टको निर्देशनमा रहेको यो गीतको म्युजिक भिडियोमा नायक दिलिप रायमाझी र नन्दा बस्यालको अभिनय छ । सिस्टर नेपालद्धारा आयोजित कार्यक्रममा लालटिन नेपालले नाटक प्रस्तुत गरेको थियो । बोक्सीप्रथा विरुद्ध जनचेतनामुलक नाटकले दर्शकको मन जित्न सफल भयो ।

रामकुमार एलनको लेखन तथा टार्जन दाहाल र केसी राजाको निर्देशन रहेको ‘बोक्सी उद्योग’ नाटकमा केसी राजा,नीतु पौडेल,बालानन्द मैनाली,संजिव राई,रुपेश राई,अंकिता राई र पदम घिमिरेको अभिनयले दर्शकलाई मनोरन्जनका साथै भावुक बनायो । एकल महिलामाथी समाजको कुदृष्टि र बोक्सीको आरोपमा गरिने हत्यामा केन्द्रित नाटकले दर्शकको आँखा रसाए ।


कार्यक्रममा बन तथा वातावरणमन्त्री शक्तिबहादुर बस्नेतले मुलुकका विभिन्न क्षेत्रमा लोकप्रीय भाकाहरुलाई संकलित गरेर नेपाली संगितलाई अझ मजवुत बनाउनुपर्ने बताए । मन्त्री बस्नेतले भने,‘आर्थिक समृद्धिले मात्र मुलुकको विकास हुने होइन,कला,संस्कृतिको विकास बिना मुलुकको समृद्धि सम्भव छैन ।’


कार्यक्रममा झ्याउरे भाका लगायत पश्चिमेली कला संस्कृति झल्किने गीत तथा नृत्य प्रस्तुत गरिएको थियो  
 

बैशाख ९, २०७५ मा प्रकाशित

प्रतिक्रिया दिनुहोस

ताजा समाचार