काठमाडौं, — फिल्महरू मनोरञ्जनका सबभन्दा गतिला माध्यम हुन् । कुनै फिल्मले बेस्सरी पैसा कमाउँछन् भने कुनैले कमाइ गर्न नसकेपनि दर्शकले तिनलाई रुचाएका हुन्छन् ।

तर कुनै फिल्मले भने इतिहास रचिदिन्छन् । यहाँ हामी यस्ता फिल्मका बारेमा बताउँदैछौं जसलाई इतिहासमा धेरैचोटि हेरिएको छ । 

हलमा गएर दोस्रो वा तेस्रोचोटि दर्शकले फिल्म हेरेको आधारमा यो सूची तयार पारिएको हो । अनि डिभिडीको बिक्री र इन्टरनेटबाट डाउनलोड गरिएको आधारमा पनि आँकडा निकालिएको हो ।

घरैमा बसेर दोहो–याई दोहो–याई फिल्म हेर्नेको त गणना गर्नै सकिन्न । 

१) ह्यारी पोटर एन्ड द फिलोसोफर्स स्टोन
ह्यारी पोटर शृंखलाको यो फिल्ममा जादूको शक्ति भएको एक बालकको कथा छ । यो फिल्म धेरैचोटि हेरिएको फिल्ममध्ये एक हो । 

२) द गडफादर २
इटालियाली अमेरिकी परिवारको अपराधको कथामा आधारित यो फिल्म धेरै प्रसिद्ध छ । 

३) होम अलोन
सन् १९९० मा आएको यो हलिउड फिल्म एउटा बच्चाको कथा हो । घरमा एक्लै हुँदा चोरहरूबाट आफू र घरलाई कसरी बचाउँछ भन्ने कथा यसले बताउँछ । 

४) द लर्ड अफ द रिङ
पिटर ज्याक्सनले निर्देशन गरेको यो फिल्म मानिसले खुबै मन पराए । 

५) इटी - दी एक्स्ट्रा टेरेस्ट्रियल
एलियनमा आधारित यो फिल्मलाई दर्शकहरूले खुबै मन पराए । एलियनले धर्तीका प्राणीहरूसँग कसरी सम्पर्क गर्छन् भन्ने यसमा देखाइएको छ । 

६) टर्मिनेटर २
आर्नोल्ड स्वार्जनेगरले अभिनय गरेको अनि जेम्स क्यामेरोनले निर्देशन गरेको फिल्म पनि धेरै मान्छेले हेरे ।

७) द लायन किंग
डिज्नीले बनाएको यो शानदार एनिमेटेड फिल्म बच्चाहरूको सर्वाधिक प्रिय फिल्ममध्येको एक हो ।

८) स्टार वार्स भाग चार
यो अन्तरिक्षसम्बन्धी आख्यानात्मक फिल्म हो । यसको कथा र निर्देशन दर्शकहरूले खुबै रुचाए । 

९) अवतार
एउटा फरक ग्रह र एलियनहरूमा आधारित फिल्मको एनिमेसन र कथा मानिसहरूलाई खुब मन प–यो । 

१०) टाइटानिक
टाइटानिक जहाज डुबेको पूरा घटनामा आधारित यो फिल्म अहिलेसम्मकै सबभन्दा बढी हेरिएको फिल्म हो । 

एजेन्सीको सहयोगमा