काठमाडौं, ६ असार – बाँसबारीस्थित न्यूरो अस्पतालका सञ्चालक डा. उपेन्द्र देवकोटाको निधनपछि उक्त अस्पतालको नाम परिवर्तन गरिएको छ ।

सोमबार निधन भएका डा. देवकोटाको नाम थपेर अस्पतालको नयाँ नामाकरण गरिएको हो ।

बुधबार कम्पनी रजिस्टारको कार्यालय पुगेर अस्पतालको नाम परिवर्तन गरी ‘उपेन्द्र देवकोटा मेमोरियल नेशनल इन्स्टिच्युट अफ न्यूरोलोजिकल एन्ड अलाइड साइन्स’ कायम गरिएको डा. देवकोटाका भतिजा वसन्त देवकोटाले जानकारी दिए ।

उनले लोकान्तरसँग भने– ‘डा. साब हुँदैमा अस्पतालको नाम परिवर्तन गरेर उहाँको नाम राख्ने निर्णय भएको थियो । कम्पनी रजिस्टारमा दर्ता भइसकेको छ । कर कार्यालयलगायत अन्य कार्यलयहरूमा अस्पतालको नाम परिवर्तनका प्रोसेसहरू पनि भइरहेका छन् ।’

वरिष्ठ न्यूरो सर्जन डा. देवकोटाले २००६ अप्रिल १३ बाट बाँसबारीस्थित न्यूरो अस्पताल सञ्चालनमा ल्याएका थिए ।