काठमाडौं – चाडपर्वका बेला पैसा रेमिट रकम पठाउँदा एनआईसी एसिया बैंकले विशेष छुट दिने भएको छ ।

‘चाडपर्व मनाऔं, एनआईसी एसिया रेमिटसँगै’ भन्ने नारासहित एनआईसी एसिया बैंकले नेपालीको महान चाड दशैंतिहार, छठको अवसरमा ग्राहकलाई आन्तरिक विप्रेषण रकम पठाउँदा हरेक चौथो कारोवार निःशुल्क पठाउने व्यवस्था गरिएको छ ।

रेमिट रकम ग्राहकले बैंकका २ सय ४६ शाखा कार्यालय, १४ वटा एक्सटेन्सन काउन्टर, १८ वटा शाखारहित बैंकिङ्ग इकाई र ६ हजार ५ सयभन्दा बढी सहायक प्रतिनिधिमार्फत् सरल र सुलभ रुपमा प्राप्त गर्न सकिने छ ।

सुविधा आगामी असोज, कात्तिक र मंसिर महिनासम्म लागि रहने छ । योे समयमा ग्राहक महानुभावले रकम पठाउँदा उच्च लाभ प्राप्त हुने र सहज तवरबाट बैंकमार्फत् सजिलै रकम पठाउन र निकाल्न सकिने जनाइएको छ ।

२०७५ असोज १ गतेदेखि २०७५ मंसिर २९ गतेसम्म बैंकले एनआईसी रेमिटमार्फत् रकम पठाउने ग्राहकलाई ३ पटक रकम पठाउँदा १ पटक सित्तैमा पठाउन पाउने अवसर प्रदान गरेको छ । बैंकलाई आमजनमानसले गरेको प्रगाढ विश्वास, अगाध स्नेह र बैंकप्रतिको भरोसाले गर्दा मुलुकभर २ सय ४६ शाखा कार्यालय, २ सय ४० एटीएम, १४ वटा एक्सटेन्सन काउन्टर र १८ वटा शाखारहित बैंकिङ इकाईमार्फत् बैंकिङ सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको छ ।

बैंकको वासलातको आकार १ सय ९२ अर्बभन्दा बढी पुगेको छ भने कुल निक्षेप करीब १ सय ६२ अर्ब तथा कर्जा १ सय ३४ अर्ब पुगेर निजी क्षेत्रबाट स्थापित बैंकमध्ये नेपालको सबैभन्दा ठूलो बैंकको रुपमा आफ्नो पहिचान बनाउन सफल भइसकेको छ ।

हालसम्म बैंकमा ग्राहकको संख्या करीब १२ लाखभन्दा बढी रहेको छ । संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई बैंकले पालना गर्दै आएको छ ।