‘घरबारबिहीन खसी–खसिनीको मात्र हत्या गर्नुहोला’ भन्ने भिडियोको यस्तो पो रहेछ वास्तविकता

असोज २१, २०७५

काठमाडौं – दशैं नजिकिएसँगै केही दिन यता सामाजिक सञ्जालमा एउटा भिडियो भाइरल भएको छ । दशैंमा खासी, बोका, च्यांग्रा रागा, हाँस, कुखुरा लगायतका पशुपक्षी मासुकालागि बध गरिन्छन् यो परम्परादेखि चलिएको प्रथा हो । कतिले बलिदिन्छन् भने कतिले वली प्रथाको विरोध गर्छन् । 

तर केही दिन यता भाइरल भएको भिडियोमा भने परिवार नभएको खसी–खसिनीको मात्र मासु खानुहोला भन्ने एउटा भिडियो भाइरल भएको छ । 


ADVERTISEMENT

यो भिडियोलाई मासु नखानु होला भन्ने संदेशको रुपमा भन्दा पनि ‘ट्रोल’ बनाइएको छ । यसलाई हजारौंले हेरेका छन् भने सामाजिक सञ्जालहरुमा पनि सेयर भइरहेको छ । 

भिडियोमा भनिएको कुरा जस्ता तस्तै

नमस्ते
अहिले चाँही नेपालमा दशै आउन लागेको छ । अनि त्यसपछि गएर सबै जना नेपालीहरुले दशैं राम्ररी मनाउनु होला, मेरो शुभकामना छ । तर मेरो एउटा कुरा के भने दशैंमा सबैले मासु खान्छन् मानिसहरु सबै मिलेर कुखुराको भैसीहरुको अनि त्यसपछि खसीहरुको हत्या गर्नुहुन्छ हैन त्यो कुरा मलाईं एकदमै चित्त दुख्छ 
किनकी ...
रुदै....
मासु खानुपर्छ तर त्यसरी अरुको हत्या गरेर हैन अरुको परिवार घर विगारेर प्लिज हत्या नगर्नुहोला भन्न चाहन्छु है
त्यसरी हत्या नै गर्नुछ भने प्लिज प्लिज म केभन्न चाहन्छु भने सबै जना जो जो नेपालीहरु हुनुन्छ, जसको जो जो गाइबस्तु अथवा चाँही कुनै पनि खसी अब खसिनीहरु अनि कुखुराहरु बालबच्चा नभएको र केही पनि नभएको घरबारबिहीनहरुको हत्या गर्नुहोला
(रुँदै)
तिनीहरुलाई चाँही....
म बोल्नै सकिँन
तपाइहरुले बुझ्नु भयो होला
प्लिज हत्या गर्दा खेरी आफूले कस्तो बस्तुको हत्या गर्दैछु ध्यान दिनुहोला ....रुँदै
धन्यवाद

यस्तो छ भिडियोको वास्तविकता

यो भिडियोमा परिवार नभएको खसी–खसिनीको मात्र हत्या गर्नुहोला भन्दै रुने युवती नायिका हुन् । 

दुई वर्षअघि सुश्री नाम फिल्ममा नायिका बनेकी आशिका तमाङले सफलता वा चर्चा पाउन सकिनन् । तर उनको १ मिनेट ५५ सेकेन्डको भिडियोले चर्चामा पुर्‍याएको छ । ‘खसिनी भिडियो’ भन्दै सामाजिक सञ्जालहरुमा उनको चर्चा चलिरहेको छ । 

अहिले जर्मनीमा बस्दै आएकी आशिकाले आफूले काटमार गर्न नहुने सन्देश दिन खोजेपनि मानिसहरुले मजाको रुपमा उडाएको भन्दै गुनासो गरेकी छिन् । आफ्नो आँशु देखाउनका लागि वा नक्कली नभएर भावनामा बगेको उनको भनाइ छ । 

दशैं नजिकिएसँगै उनले यो भिडियो आफ्नो फ्यानपेजमा पोस्ट गरेकी थिइन् । उनले भिडियो पोस्ट गर्ने बेलामा यति धेरै भाइरल होला भन्ने सोचेकी थिइनन् होला सायद । तर कसैले उनको भिडियो ‘टिकटक’मा राखिदिएपछि उक्त भिडियो एकाएक चर्चामा आयो । उनले यो भिडियो बनाउने क्रममा आफ्नो विगतको प्रभाव रहेको बताइन् । आफूले सानोमा अति माया गर्ने र साथी जस्तै कुखरालाई दशैंमा काटिएपछि उनी धेरै रोएकी थिइन् । भिडियो बनाउने क्रममा उनले त्यही कुखरालाई सम्झन पुगिन् र उनको आँशु झरे । 

उनले काटमार नगर्न रुँदै आग्रह गरेको भिडियो सार्वजनिक भएसँगै उनले मासु खाइरहेको केही तस्वीर पनि उनको भिडियोको कमेन्ट बक्समा राखिएको छ । आफूचाँहि मासु नछोड्ने र अरुलाई चाँही नखा भन्ने भन्दै उनको भिडियो चर्चा कमाउनका लागि बनाइएको भन्दै आलोचना पनि भइरहेको छ । तर जे सुकै होस् फिल्ममा अभिनय गर्दै निकै मेहनत गर्दा पनि चर्चा कमाउन नसकेकी आशिका ‘खसी–खसिनी’ भिडियोपछि एकाएक चर्चामा आउन सकिन् । उनलाई फलो गर्नेको संख्या दिनप्रतिदिन बढीरहेको छ ।

यो पनि पढ्नुहोस्,

बहिनीलाई बलात्कार गर्नेको टाउको काटेर गए प्रहरी चौकी भन्ने भिडियोको बास्तविकता यस्तो पो रहेछ !

असोज २१, २०७५ मा प्रकाशित

प्रतिक्रिया दिनुहोस