काठमाडौं- गैर आवासीय नेपाली संघ (एनआरएनए) ले नेपालमा आधुनिक कृषि बजार निर्माणका लागि जग्गा उपलब्ध गराइदिन सरकारसँग माग गरेको गरेको छ ।

एनआरएनका उपाध्यक्ष कुलदीप आचार्यको नेतृत्वमा शुक्रबार मन्त्रालयमा गएको टोलीले कृषि तथा पशुपन्छी विकास मन्त्री चक्रपाणी खनालसँग सो माग गरेको हो ।

एनआरएनले काठमाडौंमा कृषिजन्य पदार्थको प्रोसेसिङ सेन्टर र काठमाडौं बाहिर कलेक्सन सेन्टर निर्माण गर्ने भन्दै जग्गा माग गरेको थियो ।

त्यसका लागि प्रयोगमा नरहेको ५० रोपनी भन्दा बढीको सरकारी जग्गा २० वर्षका लागि लिजमा उपलब्ध गराउन मन्त्री खनालसँग आग्रह गरेको हो ।

एनआरएन कृषि प्रवद्र्धन समितिका संयोजक युवराज गुरुङले एकदेखि डेढ अर्व रुपैयाँ लगानी गर्ने गरी ७ जनाको विज्ञ टिमले आर्थिक प्रतिवेदन तयार गरिरहेको समेत जानकारी दिए ।

जवाफमा मन्त्री खनालले प्रस्ताव उपयुक्त रहेको भन्दै प्रधानमन्त्रीसँग पनि आफूले छलफल गर्ने र त्यसपछि मात्रै आवश्यक प्रक्रिया अघि बढाउने बताए ।