कात्तिक २३, २०८०
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
काठमाडाैं | बैशाख १२, २०८१
उपप्रधानमन्त्री एवं गृहमन्त्री रवि लामिछानेले दुई प्रहरी वरिष्ठ उपरीक्षक (एसएसपी)लाई डीआईजीमा बढुवा गर्न प्रहरी महानिरीक्षक (आईजीपी) वसन्त कुँवरलाई चर्को दबाब दिएको पाइएको छ ।
कुँवर इन्टरपोलको महासभामा भाग लिन जाने दिन र अघिल्लो दिन समेत लामिछानेले मन्त्रालयमा बोलाएर जसरी पनि दानबहादुर कार्की र डा. मनोज केसीलाई डीआईजीमा बढुवा गर्नुपर्ने भनेर दबाब दिएको स्रोतको दाबी छ ।
आईजीपी कुँवर वैशाख ९ गते फ्रान्स उडेका थिए ।
उच्च स्रोतका अनुसार कुँवरले आफ्नै ब्याचका प्रहरी अधिकृत रहँदारहँदै तलको ब्याचलाई माथि ल्याउँदा ‘चेन अफ कमान्ड’ र प्रहरीको मनोबलमा समेत असर गर्ने भएकाले अहिले हतार गर्न नहुने जवाफ मन्त्री लामिछानेलाई दिएका थिए ।
लामिछानेले भने ‘नेतृत्व विकास’ का लागि कार्की र डा. केसीलाई बढुवा गर्नुपर्ने दबाब दिएको स्रोतले बतायो ।
लामिछानेले विधि र पद्धतिविपरीत तारन्तार दबाब दिएपछि आईजीपी कुँवरले प्रधानमन्त्री पुष्पकमल दाहाल ‘प्रचण्ड’लाई समेत जानकारी गराएको प्रधानमन्त्री कार्यालयका एक उच्च अधिकारीले लोकान्तरसँग बताए ।
प्रधानमन्त्रीले यस विषयमा आफूले गृहमन्त्री लामिछानेसँग समेत सोधपुछ गर्ने र प्रहरीको मनोबल नखस्किने गरि बढुवा सूची प्रकाशित गर्ने आश्वासन कुँवरलाई दिएका थिए ।
स्रोतका अनुसार लामिछानेले कुँवरलाई ‘तपाईंका ब्याची क्षमतावान भएका भए त पहिल्यै बढुवा भइहाल्थे नि’ भन्दै काउन्टर जवाफ दिएका थिए । प्रहरी संगठनभित्र पछिल्लोपटक ‘पोखरेलपथ’को चर्चा छ । प्रहरी अतिरिक्त महानिरीक्षक (एआईजी) विश्वराज पोखरेल एसएसपीबाट डीआईजी बन्ने बेला एक्लै बढुवा हुन सफल भएका थिए । तत्कालीन प्रधानन्यायाधीश चोलेन्द्रशम्शेर जबरा र अख्तियार दुरुपयोग अनुसन्धान आयोगका तत्कालीन प्रमुख आयुक्त नविन घिमिरेसँगको सम्बन्धलाई उपयोग गर्दै पोखरेलले डीआईजीबाट एआईजीमा एक नम्बरमा नाम निकाल्न सफल भएको चर्चा चलेको थियो ।
अहिले एसएसपी कार्कीले लामिछानेलाई उपयोग गरेर आफू एक नम्बरमा डीआईजीमा नाम निकाल्न दौडधुप गरेको चर्चा छ । उनको दौडधुपबारे आईजीपी कुँवरलाई राम्रै सूचना पुगे पनि ‘रियाक्ट’ गरेका छैनन् । प्रतिस्पर्धीहरू भने कार्कीको बढुवा रोक्न दौडधुपमा छन् ।
गत वैशाख ३ मा बसेको बढुवा समिति बैठकले डीआइजीद्वय उमेशराज जोशी र भीमप्रसाद ढकाललाई एआईजीमा बढुवा गर्न सिफारिश गरेको थियो । डीआईजी विकासराज खनाल उमेरहदका कारण अनिवार्य अवकाशमा गएपछि ३ डीआईजीको दरबन्दी रिक्त छ । यही मौकामा कार्कीले फट्को मार्ने योजनास्वरूप दौडधुपमा लागेको स्रोत बताउँछ ।
आईजीपी कुँवरका ब्याची एसएसपीहरू क्रमशः भोलाबहादुर रावल, ध्रुवराज राउत, गणेश चन्द र कृष्णहरि शर्मा पोखरेल डीआईजी बढुवाका लागि प्रतिस्पर्धी हुन् । प्रहरी मुख्यालयका अनुसार राउत र चन्द २०५१ चैत ५ मा प्रहरी महानिरीक्षक वसन्त कुँवरसँगै प्रहरी निरीक्षकमा प्रवेश गरेका हुन् ।
पोखरेल भने २०५२ कात्तिक २७ मा प्रहरी सेवामा प्रवेश गरेका थिए । त्यस्तै बढुवा आकांक्षीमा सिद्धिविक्रम शाह, सुशील सिंह राठोर र उमाप्रसाद चतुर्वेदी पनि छन् । राष्ट्रिय अनुसन्धान विभागबाट आएका उनीहरू २०७९ साउन १ मा एसएसपीमा बढुवा भएका थिए । रावल र राउत भने २०७८ मंसिर १२ मा एसएसपीमा बढुवा भएका थिए ।
अहिले लामिछानेले माथि उकाल्न खोजेका एसएसपीद्वय कार्की र केसी २०५४ चैत १८ मा निरीक्षकबाट प्रहरी सेवामा प्रवेश गरेका थिए । केसीले उपत्यका अपराध अनुसन्धान कार्यालयमा बस्दा भुटानी शरणार्थी प्रकरणको फाइल खोलेकै कारण उनको समयावधि नपुग्दै सरुवा भएको थियो । उनले भुटानी शरणार्थीको फाइल अगाडि बढाएपछि नेपाली कांग्रेसका नेता तथा पूर्व गृहमन्त्री बालकृष्ण खाण समेत पक्राउ परेका थिए । सोही कारण कांग्रेसले उनीहरूको सरुवा गर्न दबाब दिएको चर्चा चलेको थियो ।
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...