यसरी राख्नुस् मोबाइलको ब्याट्रीलाई सुरक्षित

पुस २८, २०७५

मोबाइल अहिले अत्यावस्यक बस्तु बनिसकेको छ । अधिकांश जसो व्यक्तिको हातमा मोबाइल रहेको हुन्छ ।

मोबाइलाई सुरक्षित र लामो समय सही रुपमा चल्ने बनाउन केही काम आवश्यक हुन्छ । त्यसमा पनि मोबाइलमा प्रयोग हुने ब्याट्रिका बारेमा मानिसहरुमा केही भ्रम रहेको पाइन्छ ।


ADVERTISEMENT

मोबाइल कति समय चार्ज गर्ने ? चार्जमा जोडेर फोन गर्ने कि नगर्ने ? चार्ज फूल भएपछि पनि चार्जमा राख्दा के हुन्छ ? जस्ता प्रश्न र भ्रमहरु मोबाइल प्रयोगकर्तामा देखिन्छ तसर्थ यस्ता केही प्रश्नहरुको जवाफ यहाँ दिन खोजिएको छ ।  

स्विच अफ
मोबाइल फोनलाई पनि आरामको आवश्यकता हुन्छ, तर धेरैजसो व्यक्तिले मोबाइल फोनलाई कहिल्यै अफ गर्दैनन् । मोबाइल फोनको ब्याट्री लाइफ बढाउन समय–समयमा फोन अफ गर्नुपर्छ । विशेषज्ञहरूका अनुसार कमसेकम सातामा एक पटक मोबाइल फोनलाई अफ गर्नु आवश्यक छ । 
 
शून्य ब्याट्री 

ब्याट्री पुरै नसकिँदासम्म चार्ज नगर्ने बानी धेरैमा हुन्छ, तर यो खराब बानी हो । यद्यपि दैनिक रूपमा अलि–अलि चार्ज गरिरहनु सबैभन्दा राम्रो हो । ब्याट्रीलाई शून्य अवस्थासम्म पुर्‍याउँदा यसको लाइफ छिटो सकिन्छ । त्यसैले१० प्रतिशतभन्दा बढी नै भएको अवस्थामै ब्याट्री चार्ज गर्नु उपयुक्त हुन्छ । 
 
रातमा चार्ज

राति पनि फोन चार्ज गर्न सकिन्छ । स्मार्टफोनभन्दा पनि धेरै स्मार्ट त्यसको ब्याट्री हुन्छ । त्यसैले शतप्रतिशत चार्ज भए पछि स्वचालित रुपमा त्यसको चार्जिङ अफ हुन्छ । 
 
सक्कली वा नक्कली चार्जर

कुनै अन्य ब्रान्डको चार्जर प्रयोग गर्दा ब्याट्रीमा समस्या आउँदैन । त्यसैले एउटा ब्रान्डको ब्याट्री चार्ज गर्न अर्को ब्रान्डको चार्जर प्रयोग गर्दा समस्या सिर्जना हँुदैन, बरु नक्कली चार्जरको प्रयोगले भने ब्याट्रीमा समस्या ल्याउन सक्छ । 
 
तापक्रमको असर

ब्याट्रीलाई बढी तापक्रम भएको स्थान नजिक राख्नु हुँदैन । तापका कारण ब्याट्रीमा खराबी आउँछ । त्यसैगरी यसलाई धेरै चिसो स्थानमा पनि राख्नु हुँदैन । चिसोले पनि ब्याट्री खराब हुन्छ । यी दुवै अवस्थामा ब्याट्रीलाई मोबाइलबाट बाहिर निकाल्नु हुँदैन । 
 
छिटो ब्याट्री सकिनु

यदि चार्ज गरेको छोटो समयमै ब्याट्री सकिन्छ भने त्यसमा केही खराबी आएको छ भन्ने कुरा बुझ्नुपर्छ । ब्याट्रीलाई मोबाइलबाट निकालेर जमिनमा राखी घुमाउदा यदि मजासँग घुम्यो भने त्यो कुनै स्थानमा फुलेको छ भन्ने हुन्छ । यसको अर्थ त्यसमा केही खराबी छ । यस्तो अवस्थाको ब्याट्री परिवर्तन गर्नु उपयुक्त हुन्छ । 

पुस २८, २०७५ मा प्रकाशित

प्रतिक्रिया दिनुहोस

ताजा समाचार