कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
काठमाडाैं | बैशाख १४, २०८१
विश्वकै महँगो र आकर्षक क्रिकेट प्रतियोगिता इन्डियन प्रिमियर लिग (आईपीएल)मा यसपालि रनको वर्षा भइरहेको छ । ब्याट्सम्यानले निर्मम ब्याटिङ गर्दै लगभग हरेक खेललाई चौका र छक्का प्रहारको प्रतियोगितामा परिणत गरिदिएका छन् । बलरहरू निराश र असहाय देखिन्छन् ।
टी–२० क्रिकेट कुन दिशामा जाँदैछ भन्ने प्रश्न उठिरहेको छ । आईपीएलमा ब्याट्सम्यानले एक खालको आतंक नै सिर्जना गरेका छन् । आईपीएलको ३९औं खेलसम्म ११९१ चौका र ६८६ छक्का प्रहार भइसकेका छन् । जबकि सन् २०२३ को आईपीएलमा २१७४ चौका र ११२४ छक्का प्रहार भएका थिए । यो वर्षको आईपीएल सिजनको करिब आधा बाँकी छ।
गत वर्षको कीर्तिमान यसपटक तोडिने लगभग निश्चित छ । आईपीएलको प्रारम्भिक चरणमा १५० देखि १६० सम्मको स्कोरलाई डिफेन्डेबल मानिन्थ्यो । तर, आज यो स्कोर बनाउने टोलीले १० मध्ये ८ खेलमा हार बेहोरेको छ ।
आज टी–२० खेलमा कुनै पनि टोलीले २०० वा सोभन्दा बढी रन बनाउनु सामान्य भइसकेको छ । गत मंगलबारसम्म खेलिएका ३९ खेलमा टोलीले १९ पटक २०० भन्दा बढीको आँकडा पार गरेका छन् । ९ खेलमा दुवै टोलीको संयुक्त स्कोर ४ सय नाघेको छ । दुई खेलमा कुल रन ५०० नाघेको थियो ।
त्यति मात्रै होइन । जारी आईपीएल सिजनमा प्रति ओभरको औसत रन रेट १० रहेको छ । यो सिजनमा हैदरावादको टोलीले एकपछि अर्को गर्दै धेरै कीर्तिमान बनाएको छ ।
दिल्ली क्यापिटल्स विरुद्धको आफ्नो पहिलो खेलमा हैदरावाद सनराइजका ब्याट्सम्यानले पावर प्लेमै १२५ रन बनाए । जुन यसअघि कहिल्यै भएको थिएन ।
हैदरावाद सनराइजले यो सिजन तीन पटक एक इनिङमा २५० भन्दा बढी रन बनाएको छ । रोयल च्यालेन्जर्स बैंगलोरविरुद्ध उनले २८७ रन बनायो, जुन आईपीएलमा सर्वाधिक स्कोरको कीर्तिमान हो ।
विस्फोटक ब्याटिङको कारण के हो ? पहिलो कारण समतल पिच हो । ओडीआई र टी–२० खेलको आधारभूत सिद्धान्त भनेको पिच बलरका लागि ‘खतरनाक’ नभई ब्याट्सम्यानका लागि उपयुक्त हुने हो । किनभने दर्शकले टी–२० खेलमा उत्कृष्ट प्रदर्शन हेर्न चाहन्छन् ।
यस्तो अवस्थामा ठूला शट खेल्नु सामान्य कुरा भइसकेको छ । फ्यान होस्, कमेन्टेटर होस् वा प्रायोजक, सबैले ब्याट्सम्यानबाट एउटै अपेक्षा राख्छन् ।
आईपीएलमा पिचहरूलाई सकेसम्म ब्याटिङमैत्री बनाइएको हुन्छ ।
ब्याट्सम्यानहरू पहिलेभन्दा धेरै फुर्तिलो, शक्तिशाली र सबैभन्दा महत्त्वपूर्ण जोखिम लिने भएका छन् । खासगरी टी–२० को प्रारम्भिक चरणमा करियर शुरू गर्ने ब्याट्सम्यानहरू ।
ब्याटिङ गर्दा बढी जोखिम मोल्छन् । विपक्षीलाई हराउन निकै खतरनाक ब्याटिङ गर्छन् ।
क्रिकेट ब्याट्सम्यानको खेल हो भन्ने पुरानो भनाइ छ । तर, अहिले क्रिकेटमा बल र ब्याटबीचको बढ्दो असन्तुलन टी–२० का लागि सही हो कि होइन भन्ने चर्को बहस चलिरहेको छ । यदि यी खेलहरू एकतर्फी भए मानिसहरूको चासो र खेलको रमाइलो समाप्त हुने कतिपयको विश्लेषण छ ।
अहिलेसम्म ९ वटा शतक
जारी आईपीएलमा अहिलेसम्म ९ वटा शतक बनेका छन् । जसमा राजस्थान रोयल्सबाट खेलिरहेका इङल्याण्डका जोस बटलरले २ शतक बनाएका छन् । उनले कोलकोताविरुद्ध १०७ र रोयल च्यालेन्जर्स बैंगलुरुविरुद्ध १०० रन बनाएका थिए ।
त्यस्तै यस आईपीएलमा सनराइजर्सबाट खेलिरहेका अस्ट्रेलियाका ट्राभिस हेड, कोलकोताबाट खेलिरहेका वेस्ट इन्डिजका सुनिल नारायण तथा लखनउबाट खेलिरहेका अस्ट्रेलियाका मार्कस स्टोइनिशले शतक प्रहार गरेका छन् ।
त्यस्तै शतक बनाउने भारतीय खेलाडीमा चेन्नईका कप्तान रुतुराज गायकवाड, राजस्थानबाट खेलिरहेका यशस्वी जैसवाल, बैंगलुरुका विराट कोहली, मुम्बईका रोहित शर्माले एक एक शतक बनाएका छन् ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...