काठमाडौं – रिलायन्स लाइफ इन्स्योरेन्स लिमिटेडले सार्वजनिक गरेको रिलायन्स मुद्दती निक्षेप सुरक्षा योजना सार्वजनिक गरेको छ ।

योजना बैंकको मुद्दती निक्षेप जस्तै रहेको रिलायन्सले जनाएको छ ।

योजनामा नियमित वा एकमुष्ठ बीमा शुल्क भुक्तानीे, दोब्बर रक्षावरण र बीमा अवधिभर बीमांकको वार्षिक ५  प्रतिशतको दरले रकम फिर्ता पाइनेजस्ता सुविधा छन् ।

अतिरिक्त बीमा चालू रहेको अवस्थामा बीमितको मृत्यु भएमा कुल बीमांक वा बीमांकको दोब्बर रकम (वार्षिक भुक्तानी गरिसकेको रकम नकटाई) र बोनस एकमुष्ठ रुपमा भुक्तानी गरिने छ । अन्य अवस्थामा बीमा अवधिको समाप्तिमा बाँकी बीमांक रकम र आर्जित बोनस एकमुष्ठ रुपमा बीमितलाई भुक्तानी गरिने विशेषता रहेको छ । 

बीमालेखको निरन्तरता रहुन्जेलसम्म सुरक्षाको साथै वार्षिक रुपमा निश्चित रकम प्राप्त हुने हुँदा भविष्यमा आइपर्ने वित्तीय आवश्यकता पूरा गर्न एक उत्तम विकल्पको रुपमा कम्पनीले यो योजना लिएर आएको छ । 

रिलायन्स लाइफ इन्स्योरेन्स लिमिटेड सिद्धार्थ बैंक लिमिटेड र अन्य प्रतिष्ठित व्यापारिक घरघरानाद्वारा प्रवद्र्धित कम्पनी हो । जसले हाल ६८ वटा शाखाबाट आफ्ना ग्राहकलाई सेवा दिँदै आइरहेको छ ।