काठमाडौं– नेपाल आयल निगमले आफ्नो पाक्षिक घाटा १ अर्ब ६ करोड रुपैयाँ पुगेको बताएको छ ।

भारत र नेपालमा पेट्रोलियम पदार्थको कारोबार गर्दै आएको इण्डियन आयल कर्पोरेसन (आइओसी)बाट पेट्रोलियम पदार्थको मुल्य वृद्धि भएर आएको र नेपालमा सोही अनुसार समायोजन नहुँदा निगमलाई पाक्षिक १ अर्ब ६ करोड रुपैयाँ घाटा रहको जानकारी निगमले गराएको हो ।

इण्डियन आयल कर्पोरेसनबाट गत बुधवार आएको मुल्यसूची अनुसार पेट्रोलको मुल्य प्रतिलिटर ६१ पैसा र डिजेलको मुल्य प्रतिलिटर ४५ पैसाका दरले बढेर आएको समेत निगमले जानकारी दिएको छ ।

आम सर्वसाधारण, उपभोक्ता तथा देशको आर्थिक वृद्धिदरलाई ध्यानमा राखी अर्को मूल्यसूची नआउन्जेलसम्मका मूल्य नबढाउने निगमको भनाइ छ ।

निगमले अन्तर्राष्ट्रिय बजारमा कच्चा तेलको मूल्यमा गिरावट आएका कारण खरिद मुल्यमा कमी आएपनि निगमलाई घाटा रहेको बताएको छ ।

यसअघि समेत दशैं तिहारमा आइओसीबाट आएको मुल्य सूची अनुसार मुल्य समायेजना नगर्दा निगम २ अर्ब ३७ करोड घाटामा गएको थियो