काठमाडौं - सुदूरपश्चिमको कलंक बनेको छ, छाउपडी प्रथा । यो कुरीतिका कारण अनगिन्ती चेलीबेटीले दुःख पाइरहेका छन् । कतिको ज्यान नै गएको छ । तर, सुदूरपश्चिमकै कतिपय समुदाय यस्ता छन्, जसले छाउ बार्दैनन् ।

टीकापुर, ४ छेगरखैलीकी हीरा चौधरी ४५ वर्षकी भइन् । १३ वर्षको उमेरदेखि उनको महिनावारी हुन थालेको थियो । तर, ६ सन्तान जन्माएकी उनले अहिलेसम्म छाउ बारेकी छैनन् । ‘हाम्रो छाउ बार्ने चलन छैन्,’ उनी भन्छिन्, ‘महिनावारीका बेला दैनिक सरसफाइ गछौँ, घरको सबै कोठमा जाँन्छौँ, खाना पकाउछौँ ।’   आजको अन्नपूर्ण पाेस्टमा खबर छ।