काठमाडौं – भारतमा लोकसभा चुनाव सम्पन्न भएपछि सार्वजनिक भएका अधिकांश एक्जिट पोलमा प्रधानमन्त्री नरेन्द्र मोदीले फेरि एकपटक सरकार बनाउने देखाएपछि त्यहाँको शेयर बजारमा वृद्धि आएको छ । 

सोमवार निफ्टीमा २८५ अंकको वृद्धि देखिएको हो । 

सेन्सेक्सले आरम्भिक कारोबारमा नै ९०० भन्दा बढी अंकको वृद्धि आसिल गरेको छ । 

अनि डलरको तुलनामा भारतीय रुपैयाँ पनि बलियो बनेको छ । भारु ६१ पैसा बलियो भएर ६९.६१ मा कारोबार गरिरहेको छ । 

अधिकांश एक्जिट पोलमा भाजपा नेतृत्वको एनडीएले ३०० भन्दा बढी सीट जित्ने अनुमान गरिएको छ । यसले जनतामाझ मोदीको जादू फेरि पनि चलेको देखाउँछ । एनडीएले पूर्ण रूपमा मोदीको अनुहार देखाएर यसपालिको चुनाव लडेको थियो ।

एजेन्सी