बाग्लुङमा ६ जनामा कोरोना संक्रमण पुष्टि भएको छ ।

बाग्लुङको बढीगाड गाउँपालिकाका २ र तमनखोला गाउँपालिकाका ४ जनामा कोरोना संक्रमण देखिएको पुष्टि गण्डकी प्रदेश स्वास्थ्य निर्देशनालय रामघाट पोखराले जनाएको छ ।

'गण्डकी प्रदेश, बाग्लुङ जिल्ला बढीगाड गाउँपालिका ठेगाना भै सोही पालिकास्थित क्वारेन्टाइनमा रहनुभएका वर्ष १९ र २० का २ पुरुष तथा बाग्लुङ जिल्ला तमनखोला गाउँपालिका ठेगाना भै सोही पालिकास्थित क्वारेन्टाइनमा रहनुभएका वर्ष क्रमश: २१, २७, २७ र २१ का ४ जना पुरुष समेत गरी ६ जनामा कोरोना संक्रमणको पुष्टि भएको छ ।'

संक्रमण देखिएका सबैलाई जिल्ला सदरमुकामस्थित सरकारी अस्पतालमा ल्याउने तयारी भइरहेको स्वास्थ्य निर्देशनालय गण्डकीका निर्देशक डा. विनोदबिन्दु शर्माद्वारा जारी विज्ञप्तिमा उल्लेख छ ।

यससँगै नेपालमा कोरोना पुष्टि भएकाको संख्या ७ सय ७८ पुगेको छ ।

हेर्नुहोस्, विज्ञप्ति :