चैत ७, २०८०
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
साउन २९, २०७७
कर्णाली प्रदेश सभाका दुई संसदीय समितिका पूर्व अध्यक्षले नयाँ अध्यक्ष निर्वाचित भएको एक महिना बित्दा पनि गाडी फिर्ता गरेका छैनन् ।
प्रदेश सभाको स्टोर शाखाका सुरेन्द्र थापाका अनुसार हालसम्म तत्कालीन अध्यक्ष राजु नेपाली चढ्दै आएको गाडी र दीनबन्धु श्रेष्ठ चढ्दै आएको गाडी मात्र सम्पर्कमा छ । अन्य दुई गाडी फिर्ता नभएको उनले बताए ।
नेपालीले असार २९ गते नै गाडी फिर्ता गरेको पत्रसहित बा२झ २४०१ नम्बरको टाटा सुमोको चावी सचिवालयमा बुझाएकी छिन् ।
संसद्को सार्वजनिक लेखा समिति प्रमुख प्रतिपक्षी दल नेपाली कांग्रेसकै भागमा परेका कारण अध्यक्षमा दीनबन्धु श्रेष्ठ नै दोहोरिएपछि उनले संसद् सचिवालयबाट प्राप्त गरेको कर्णाली ०२ ००१ झ ००४५ नम्बरको रातो स्कोर्पियो प्रयोग गर्दै आइरहेका छन् । प्रदेश सभा सचिव जीवराज बुढाथोकीले उनी नै समितिमा दोहोरिएका कारण गाडी फिर्ताको सबाल नआउने बताए ।
अर्थ प्राकृतिक स्रोत साधन समितिको अध्यक्षता अम्बरबहादुर थापाले गरेका थिए । उनको स्थानमा अहिले नेकपाकै सांसद गणेशप्रसाद सिंह छन् । सांसद थापा संविधान सभा सदस्य समेत थिए, उनले आजसम्म सचिवालयमा गाडी बुझाएका छैनन् । सांसद थापाले कर्णाली ००२ ००१ झ ००४० नम्बरको स्कोर्पियो काठमाडौं लिएर गएका छन् ।
समितिको अध्यक्ष नयाँ व्यक्ति चुनिएको १ महिना बित्दा पनि उनले गाडी फिर्ता गरेका छैनन् ।
विधायन तथा प्रदेश मामिला समितिको अध्यक्ष गरेका पदमबहादुर रोकायाले पनि हालसम्म गाडी फिर्ता गरेका छैनन् । उनले कर्णाली ०२ ००१ झ ००४४ नम्बरको स्कोर्पियो फिर्ता नगरेका हुन् ।
यता सांसद अम्बर थापाले भने गाडी लिएर काठमाडौं गएको स्वीकार गरे ।
आफू सुर्खेत आइसकेको र समितिका नवनियुक्त अध्यक्ष देवी वलीले गाडी रुकुम पठाइदिन भनेका कारण आफूले फिर्ता नगरेको बताउँदै एकदुई दिनमै प्रदेश सभा सचिवालयमा गाडी फिर्ता गरिदिने बताए ।
अर्का सांसद रोकायाले आफूले गाडी त्यही दिन छाडेको दाबी गरे । उनले गाडीको चाबी आफूले सचिवालयमा हस्तान्तरण नगरेको तर सचिव लगायतसँग मौखिक रूपमा भनेको बताए । दुवै पूर्व अध्यक्षलाई सैद्धान्तिक बेरुजु आउने त होला नि भन्ने प्रश्नमा त्यो बारेमा सचिवालयलाई नै सोध्न आग्रह गरे ।
यता प्रदेश सभा सचिव जीवराम बुढाथोकीले सामाजिक विकास समितिका अध्यक्ष राजु नेपालीले मात्रै चाबी बुझाएको बताए ।
सार्वजनिक लेखा समितिमा पूर्व अध्यक्ष नै कायम भएको बताउँदै अन्य दुई अध्यक्षले गाडी कहाँ लगेका छन् आफूलाई जानकारी नभएको उनको भनाइ छ ।
‘जसरी गाडी सचिवालयबाट उहाँहरूले लिनुभएको हो त्यसरी नै फिर्ता दिनुपर्छ, बाँकी रहेका तीनवटा गाडी कसलाई दिने भन्ने निर्णय गर्ने अधिकार प्रदेश सभा सचिवालयको हो,’ उनले भने, ‘उहाँहरूमाथि एक महिना गाडी प्रयोग गरेको सैद्धान्तिक बेरुजु आउने पक्का छ । नैतिकताका आधारमा उहाँहरूले गाडी प्रदेश सभालाई जिम्मा लगाउनुको साटो मनमर्जी तरिकाले गाडी कुदाउनु गलत हो ।’
यता, अर्थ तथा प्राकृतिक स्रोत समितिका नवनिर्वाचित अध्यक्ष गणेशप्रसाद सिंहले प्रदेश सभा सचिवालयले आफूलाई गाडी नदिएको आरोप लगाए । ‘मैले गाडी मागेको थिएँ, तर अहिलेसम्म पाइएको छैन, म अहिले काठमाडौंमा छु,’ उनले भने ।
उनले यस्तो भनेपनि प्रदेश सभा सचिवालय स्रोत भने जगेडामा पुरानो गाडी रहेकाले अध्यक्ष सिंहले लिन नमानेको बताउँछ । स्रोत भन्छ, ‘सांसद नेपालीले गाडीको चाबी दिएलगत्तै हामीले गाडी लैजान भनेका हौं, तर उहाँले यस्तो थोत्रो गाडी चढ्दिनँ भन्नुभयो, हामीले जबरजस्ती जिम्मा लगाउने कुरा पनि भएन । केही गाडी फिर्ता नभएको र हामीसँग नयाँ गाडी नरहेको अवस्थामा कसरी नयाँ गाडी दिनु ?’
२७ महिना जेष्ठ सदस्यहरूले बैठक चलाएपछि समितिको नेतृत्व चयन असार २९ गते भएको थियो । विषयगत समितिको बैठक अहिलेसम्म जेष्ठ सदस्यको अध्यक्षतामा बस्दै आएको थियो ।
सार्वजनिक लेखा समितिको अध्यक्षमा नेपाली कांग्रेसका सांसद दीनबन्धु श्रेष्ठ, अर्थ तथा प्राकृतिक स्रोत समितिको अध्यक्षमा नेकपाका सांसद गणेशप्रसाद सिंह, विधायन तथा प्रदेश मामिला समितिको अध्यक्षमा नेकपाकै दानसिंह परियार र सामाजिक विकास समितिको अध्यक्षमा नेकपाकै देवी ओली निर्विरोध निर्वाचित भएका छन् ।
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...