मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
विद्युतीय सवारी साधनहरूको महामेला ‘नाडा ईभी एक्स्पो २०२२’ बिहीवारदेखि शुरू भएको छ । नाडा अटोमोबाइल्स डिलर्स एसोसियसनले नेपालमै पहिलोपटक ईभी एक्स्पो २०२२ आयोजना गरेको हो । बिहीवार अर्थमन्त्री जनार्दन शर्माले एक्स्पोको उद्घाटन गरेका थिए ।
अबको युग विद्युतीय सवारीसाधनको युग भएको सन्देशसहित मेला शुरू गरिएको हो । मेलामा ९१ स्टलहरू रहेका छन् । जसमा ९ वटा विद्युतीय सवारी साधन, १४ वटा मोटरसाइकललगायत स्टल राखिएका छन् ।
दशैं तिहारको अवसर पारेर मेला आयोजना गरिएको छ ।
कोरोना महामारीपछि अटोमोबाइल क्षेत्रमा यो नै पहिलो अटो एक्स्पो हो ।
नाडाले हरेक वर्ष सवारी साधनहरूको मेला आयोजना गर्दै आएको भएपनि कोरोना महामारीका कारण अघिल्लो वर्ष र यस वर्ष मेला भएन ।
यस पटक महामारीपछि मेलाको तयारी भए पनि अर्थतन्त्रको अवस्था नाजुक बनेको भन्दै सरकारले निजी प्रयोजनका सवारी साधन आयातमा लामो समयदेखि रोक लगाएको छ । त्यसैकारण पनि यो ईभी एक्स्पो विशेष छ ।
एक्स्पो आयोजना भएपछि सवारी साधन बिक्रेताहरू उत्साहित भएका छन् ।
टाटाको टिगोर
ईभीमा विभिन्न ९ स्टल विद्युतीय चारपाङ्ग्रे/तीनपाङ्ग्रे सवारीसाधनका लागि राखिएको छ । जसमा सबैभन्दा सस्तो कारमा टाटाको टिगोर ईभी रहेको छ ।
यस कारको मूल्य ३१ लाख ९९ हजार पर्ने कम्पनीका सेल्स म्यानेजर अनुज कोइरालाले लोकान्तरलाई जानकारी दिए । उनका अनुसार, टिगोर ईभीमा २६ किलोवाटको ब्याट्री र ५५ किलोवाटको मोटर दिइएको छ । टिगोर ईभीका साथमा टाटाले एक्स्पोमा नेक्सस ईभी प्राइम र नेक्सस ईभी डार्क राखेको छ ।
यी तीन मोडलको विषेशता प्राय उस्तै छ र पनि भिन्न छ ।
नेक्सन ईभी प्राइम नयाँ मोडल हो । यसको ग्राउण्ड क्लियरेन्स २०५ एमएमको छ । यसमा ९५ किलोवाटको मोटर र ३०.२ किलोवाटको ब्याट्री दिइएको छ ।
नेक्सस ईभीडार्क एडिसन लक्जरी गाडी हो । यो कारको भित्र, बाहिर तथा अलोए ह्वीलमा समेत डार्क नै छ ।
यस कारको मूल्य ४३ लाख ९९ हजार रुपैयाँ र मिड अप्सनमा ४१ लाख ९९ हजार रुपैयाँ कायम गरिएको छ ।
नेटा ईभी
चौधरी ग्रुपअन्तर्गतको सीजी मोटर्सले एक्स्पोमा नेटा ईभी कार राखेको छ ।
सीजी मोटर्सका सेल्स एण्ड अपरेसन म्यानेजर विमल थापाका अनुसार एक्स्पोमा आउनुअघि पनि यो कार अत्याधिक बुकिङ भएको थियो ।
एक्स्पोमार्फत पनि गाडी अत्याधिक नै बुकिङ हुने उनको विश्वास छ । नेटा ईभी चीनमा पनि उच्च बिक्री भएको गाडी हो । यसमा ३.५ किलोवाटको ब्याट्री हुन्छ ।
यो गाडीलाई घरमै पनि चार्ज गर्न सकिने म्यानेजर थापाले जानकारी दिए । यस कारको मूल्य ३७ लाख ९९ हजार रुपैयाँ राखिएको छ ।
एक्स्पोभरमा करीब १०० वटा गाडी बिक्री गर्ने अपेक्षा राखिएको म्यानेजर थापाले जानकारी दिए ।
सिटी स्प्रीट
स्टलमा शहर केन्द्रित कार पनि राखिएको छ । स्टलमा राखिएको सिटी स्प्रिट कार शहर केन्द्रित कार हो ।
यस कार न्यूनतम ३० किलोमिटर प्रतिघण्टादेखि अधिकतम ५० किलोमिटर प्रतिघण्टा मात्रै गुड्ने ग्रीन इलेक्ट्रो मोबिलिटी सर्भिसेजका म्यानेजिङ डाइरेक्टर उमेशराज श्रेष्ठले जानकारी दिए ।
यस कारमा १५ किलोवाटको मोटर र १० किलोवाटको ब्याट्री दिइएको छ । कम्पनीका अनुसार यस गाडीको मूल्य ३८ लाख ५० हजार रुपैयाँ छ ।
सिटी एक्सप्रेसमात्रै नभएर कम्पनीले स्टलमा माइक्रोबस र ट्रक पनि राखेको छ ।
बिवाईडी
स्टलमा बिवाईडीको ५९ लाख रुपैयाँ पर्ने कार राखेको छ । सो कारको नाम ई ६ हो । सबैभन्दा लामो रेन्ज दिने नेपालमा यो पहिलो गाडी भएको बिवाईडीको शोरुम म्यानेजर मेलिना सापकोटाले दाबी गरिन् ।
उनका अनुसार, यस्तो अन्य कम्पनीले यस्तो रेन्ज भएको गाडी नेपालमा ल्याइसकेका छैनन् । स्टलमा कम्पनीको दुईवटा कलर भेरियन्टमा गाडी देख्न सकिन्छ । त्यो हो कालो र सेतो ।
एक्स्पो अवधिभरमा कम्तीमा ५० वटा गाडी बुकिङ हुने अपेक्षा गरिएको म्यानेजर सापकोटाले बताइन् ।
बिवाईडीको नेपालका लागि आधिकारिक बिक्रेता सिमेक्स इंक प्रालिले स्टलबाट गाडी बुकिङ गर्नेलाई एक वर्षसम्मको गाडी बीमा निशुल्क गरिदिने म्यानेजर सापकोटाको भनाइ छ । बुकिङ भएको एक महिनाभित्र गाडी ग्राहकको हातमा पुर्याउने उनको भनाइ छ ।
कोना इलेक्ट्रिक
नाडा ईभीएक्स्पो २०२२ को स्टलमा हुण्डाईको कोना इलेक्ट्रिक र आयोनिक ६ कार राखिएको छ ।
हुण्डाईको ईभी शोरुम थापाथलीका डिलरशीप प्रमुख दिवाकर रेग्मीका अनुसार कोना इलेक्ट्रिकको मूल्य ६० लाख ५६ हजार र आयोजिनक ५ को मूल्य १ करोड १६ लाख ९६ हजार रुपैयाँ राखिएको छ ।
कोना इलेक्ट्रिकमा १०० किलोवाट र आयोनिक ५ मा १२५ किलोवाटको ब्याट्री दिइएको छ ।
दुवै गाडी इजीएमए प्लेटफर्ममा आधारित रहेर बनाइएको प्रमुख रेग्मी बताउँछन् ।
डिलरशीप प्रमुख रेग्मीले विगतमा हुण्डाईका गाडीहरूमा ग्राहकको आकर्षण रहेको भन्दै यसपटक पनि त्यो नघट्ने विश्वास व्यक्त गरे ।
उनले भने, ‘यो ईभी शो हो, नेपालमा फस्र्ट टाइम, विगतमा जस्तै यसपालि पनि राम्रै हुन्छ भन्ने अपेक्षा छ ।’
ज्याक ई–टी–८
स्टलमा दि–गो ब्राण्डको गाडी ज्याक ई–टी–८ पनि बिक्रीका लागि राखिएको छ ।
नेपालको हरेक अफरोड सडकलाई सुहाउँदो भएको यो गाडी नेपालमा नै पहिलो इलेक्ट्रिक गाडी भएको कम्पनीका सेल्स म्यानेजर सुप्रित परियारले जानकारी दिए ।
उनका अनुसार, यस गाडीको गांउण्ड क्लियरेन्स २०५ एमएम रहेको छ । यस गाडीमा १५० किलोवाटको मोटर, ६५.२ किलोवाटको ब्याट्री दिइएको छ ।
गाडीको मूल्य ७१ लाख ९५ हजार रुपैयाँ रहेको कम्पनीले जनाएको छ । एक्स्पो अवधिभर करीब १० वटा गाडी बिक्री हुने अपेक्षा गरेको कम्पनीको भनाइ छ ।
टेस्ला
मेलामा सर्वाधिक महँगो गाडीका रूपमा टेस्लाको कार रहेको छ । टेस्लाको मोडल वाई र मोडल पी गरी दुई कार प्रदर्शनीमा राखिएको टेस्लाका सेल्स म्यानेजर विनोद श्रेष्ठले जानकारी दिए ।
मोडल वाई एसयुभी गाडी हो भने यसमा फोर ह्वील ड्राइभ दिइएको छ । यसको ग्राउण्ड क्लियरेन्स २०५ एमएमभन्दा माथि छ । मोडल पी सेडान गाडी हो ।
टेस्लाको मोडल पीको मूल्य १ करोड ४५ लाख रुपैयाँ छ भने मोडल वाईको २ करोड ३० लाख रुपैयाँ रहेको छ ।
महिन्द्रा–थ्री ह्वीलर
९ वटामध्ये ८ वटामा कार प्रदर्शनीमा राखिएको एक्स्पोमा एक स्टलमा भने महिन्द्राको तीन पाङ्ग्रे सवारीसाधन राखिएको छ ।
महिन्द्राको नेपालका लागि आधिकारिक बिक्रेता अग्नि इनर्जीका सेल्स म्यानेजर लिलाप्रसाद नेपालका अनुसार, एक्स्पोमा महिन्द्राको ३ सेग्मेन्ट राखिएका छन् । जसमा अटो, कार्गो र इ–रिक्सा छ ।
इ–रिक्साको मूल्य ५ लाख ९५ हजार, अटोको मूल्य ८ लाख ४० हजार र कार्गोको मूल्य ९ लाख ७० हजार रुपैयाँ कायम गरिएको म्यानेजर नेपालले जानकारी दिए ।
उनले एक्स्पोमा हरेक दिन २ वटा गाडी बिक्री गर्ने लक्ष्य रहेको जानकारी दिए ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...